عالم الحياة الزوجية - منتدى

وميض الأمل · 22-11-2006, 15:06

مرحبا خواتي بس حبيت اسمع تجارب اللي جربوا الكلوميد لأكثر من 3 شهور لأنه انا الحين بستخدمه للمرة الثامنة بس مو متواصل يعني أول مرة شهر 9 من 2005 وبعدين 11 وبعدين 12 بس بعدين رحت الحج وما استخدمت وغيرت الدكتورة بعد شهرين وعالجت هرموناتي وعطتني كلوميد لشهرين وسويت تلقيح صناعي بس ما صار حمل وفقدت الأمل وصبرت 4 شهور ورحت دكتورة جديدة وطبقت العلاجات نفسها بس عطتني ميتفورمين عشان يخفف التكيس وعطتني كلوميد بعد والحين انا بكرة راح ابتدي الكلوميد للمرة الثالثة عندها بس لاعت جبدي وتمللت من هالدواء اللي مافي فايدة بس يعكر المزاج وينفخ البطن....في احد يعرف بديل عنه ترى طفحت من الأدوية شسوي؟ ادعوا لي يرزقني ويرزق اللي يتمنون يارب.

ام طيف21 · 22-11-2006, 17:40

والله ياختي انا جربته بعد ثلاث شهور وماافي فايده

مااعطاني نتيجه

أم هزاااع · 22-11-2006, 20:43

اختي وميض الامل انا حاسه فيج بس لازم تصبرين وتتوكلين على الله ..... انا استخدمت الكلوميد شهر وما صار حمل والحين استخدمه للمره الثانيه بس اهم شي ما نفقد الامل ... اتبعي وصفة الدكتورة وفوضي امرج لله سبحانه... والله يرزقنا بالذرية الصالحه اجمعين

نسمة الخير · 23-11-2006, 01:30

ليش كله كلوميد ليش ما تاخذين الابر المنشطه انا استخدمة الكلوميد 3 شهور والحين كله علي الابر المنشطه والله يرزقني ويرزقك ادري موضوع العلاج شي متعب لكن الشكوي لله تبين عيال لازم علاج والله كريم وانصحك دايما الزمي الاستغفار وسوف يرزقك الله

نسمة الخير · 23-11-2006, 01:31

ليش كله كلوميد ليش ما تاخذين الابر المنشطه انا استخدمة الكلوميد 3 شهور والحين كله علي الابر المنشطه والله يرزقني ويرزقك ادري موضوع العلاج شي متعب لكن الشكوي لله تبين عيال لازم علاج والله كريم وانصحك دايما الزمي الاستغفار وسوف يرزقك الله

nono7 · 23-11-2006, 05:18

الله يكون في عيونكم........حزنتوني

..........بس ودي اعرف انتو لمن اخذتوا الكلوميد بسبب انه ليدكم اسباب.......يعني عندكم مشكله بالتبويض او شي.........لانه انا الحمد الله مافيني شي ..يعني هل تنصحوني بهذه الحاله آخذ كلوميد

...وله الكلوميد بس حق الي يعانون من شي.....وانا الصراحه خايفه منه والاغلبيه قالولي لاتاخذين كلويمد اذا مافيني شي والاغلبيه الثانيه يقولون آخذ كلوميد لاني ما رح اخصر شي قولت اني اجرب حظي..والله يعين.......يالله يارب سهل علينا انت القادر وحدك والاطباء لا يقدرون انت العالم وحدك وغيرك لا يعلم..تعلم ما في الارحام..يارحيم ارزقنا بالذريه الصالحه اللهم اقر اعيننا بالحمل يارب العالمين

اختكم

نونو7

rolazm · 23-11-2006, 06:34

الله يرزقك بالذرية الصتلحة يارب وتنالي الي في خاطرك آآآآمين يارب العالمين

أم هزاااع · 23-11-2006, 08:59

انا عندي التبويض ضعيف ونسبة تكيس بسيطه والدكتورة وصفتلي الكلوميد... بس لا تاخذي الكلوميد بدون وصفة الدكتورة لانه يضرج اذا انتي ما تعاني ظعف فالتبويض

وميض الأمل · 23-11-2006, 10:39

الأخوات الكرام
الأطباء يوصفون الكلوميد عشان فرص انتاج بويضات صالحة للتلقيح تكون اكثر يعني اذا وحدة مو زينة في وحدة غير صالحة للاخصاب يعني هو شغلة الكلوميد انتاج عدد اكبر من البويضة الاصلية اللي تكون عند المرأة.....ومثل ما قلتوا ان الكلوميد يوصفوه للي تعاني من تكيس بسيط او ضعف تبويض يعني عندها تبويض بس البويضة تكون مو صالحة للاخصاب,,,,,,,ويوصفون الكلوميد للي ما تعني من اي شي يعني بس زيادة فرص الحمل عشان مثلا تكون اكثر من بويضة ويصير توأم.....بس بالنسبة لي ما انصح اللي ما عندهم ضعف في التبويض انه ياخذوا لأنه يعكر المزاج ويجيب الاكتئاب ويكبر البطن ويسوي اضطرابات في العين....اسألوني عنه صرت خبيرة عشان هالشهر ثامن مرة اخذه.......ونا مو بس اخذه بروحه يعني آخذ ابر منشطة معاه ولما سألت الدكتورة مابي آخذه ابي بس ابر قالت لي احسن تاخذيه لأنه يقلل عدد الابر المنشطة واذا ما خذتي يزيد عدد الابر.......بسألكم انتو كم عدد الابر المنشطة اللي تاخذوها في الشهر ومتى بالضبط؟؟؟؟؟

أم تـــركـــي · 23-11-2006, 18:16

لسلام عليكم
انا مثلكم خواتي عندي مشكله بالتبويض وهي ضعف بالتبويض واوصفت لي الدكتوره كلوميد ثالث يوم من الدوره خمس ايام كل يوم حبتين وبعدها با اسبوع اضربتني ابره وبعدها سوت لي سونار بس لقت حجم البويضه صغير وماينفع يصير حمل
وانا تركت الاعلاج الحين لن في ناس تقول الكلوميد مو زين ومن السوالف
الله يرزقني وياكم يااااااااااارب

أم تـــركـــي · 23-11-2006, 18:17

لسلام عليكم
انا مثلكم خواتي عندي مشكله بالتبويض وهي ضعف بالتبويض واوصفت لي الدكتوره كلوميد ثالث يوم من الدوره خمس ايام كل يوم حبتين وبعدها با اسبوع اضربتني ابره وبعدها سوت لي سونار بس لقت حجم البويضه صغير وماينفع يصير حمل
وانا تركت الاعلاج الحين لن في ناس تقول الكلوميد مو زين ومن السوالف
الله يرزقني وياكم يااااااااااارب

المتفاءلة · 23-11-2006, 21:54

انا استعملت لمدة شهرين الكلوميد وفي منتصف الدورة كنت اخد سوغجستون وأخرو عني الدورة 45 و43 يوم حتى ظننت أني حامل وفي الأخير نزلت فتركته و في هدا الشهر وصفه لي الطبيب ان لم يكن حمل لأني في 4 أشهر الأخيرة استعملت prolefen وأنا مازلت أنتظر النتيجة

وميض الأمل · 24-11-2006, 00:04

الأخت المتفائلة
ويش تقصدين ب سوغجستون انا اول مرة اسمعه اللي اعرفه اسمه دوفاستون هذه نفسه والا غير؟ بالنسبة للدواء الثاني بروليفين ليش يستخدموه؟

وميض الأمل · 24-11-2006, 00:05

الأخت المتفائلة
ويش تقصدين ب سوغجستون انا اول مرة اسمعه اللي اعرفه اسمه دوفاستون هذه نفسه والا غير؟ بالنسبة للدواء الثاني بروليفين ليش يستخدموه؟

وميض الأمل · 24-11-2006, 00:08

الأخت ام تركي
الله يرزقني ويرزقك ويرزق الجميع بس اذا كان عندك ضعف بالتبويض الأفضل انك تاخذي كلوميد او ابر منشطة عشان تستوي عندك بويضات صالحة للاخصاب...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بغيت مشاركة كل اللي جربوا الكلوميد