عالم الحياة الزوجية - منتدى

BeNt ALNoOr · 24-11-2006, 19:23

أهلين وسهلين فيكم خواتي

وأسعد الله مساكم بألف خير

أتمنى أنكم تقبلوني عضوة جديدة بينكم ... وهالشي يشرفني
وهاذي أول مشاركة لي ..
وأتمنى أكون عضو فعال فهالمنتدى ... ووجه خير عليكم
أنا لقيت هالمنتدى متوفر فيه كل شي ما شاء الله .. وخصوصاً للعروس شفت صور كوشات وفساتين عرايس ومسكات وتيجان و ........
وكثير من اللي تحتاجه العروس قبل الفرح وبعده ....
بس ما لقيت شيء يتكلم عن زفة العروس ... اللي هي بنظري من أهم الأشياء اللي تهتم بها العروس ...
وأول شيء تفكر فيه هي ايش الزفة اللي بتختارها وهل ستايل الزفة يليق على كلمات الزفة و ديزاين الكوشة والمؤثرات الصوتية اللي بتدخل عليها والفستان ...
أتوقع إنه أي عروس تتمنى أنه زفتها تكون مميزة ودخلتها للناس تكون مميزة ....
يعني ساعات نشوف عروس مسوية الكوشة على شكل جزيرة مثلاً والشعر أو الزفة يكون فيها طابع تاريخي أو تكون الزفة بستايل غربي ... يعني آخذه من كل بحر قطرة

عشان كذا أنا حابه أعرض عليكم خدمتي وأطرح عليكم أفكاري وأسعادكم أنكم تصممون أفكار من إنتاجكم وخصوصاً للعرايس اللي يبون يتميزون بفكرة قصيدة وزفة متميزة تناسب أحلامهم وأفكارهم في ليلة العمر ...
وأنا موبس أبعرض عليكم أفكاري .. لا أبيكم أنتم بعد تشاركوني بأفكاركم
واللي إنتهى زواجها تقلنا وشلون كانت فكرتها في الزفة والكوشة عشان الكل يستفيد ..
7
7
7
7
7
7
7
7
7
7
وأول ثلاثة يشاركون معاي أو يطلبون قصيدة خاصة قصايدهم راح تكون إهداء مني وراح أصمملهم ستايل الزفة كامل
************************************************** *******************************************
************************************************** ********************************
************************************************** ********************

najmat sama2 · 26-11-2006, 15:02

بسم الله الرحمن الرحيم

مرحبا غاليتى BeNt ALNoOr

فكرتك رائعة جداااا

وان شاء الله الجميع حيستفيد منها

وفى بناات كتيرة بتسال عن زفاات وقصائد تكون مميزة

وان شاء الله تقدرى تفيديهم با فكارك يا عسل

ونتى منوارة القسم يا قمر ,,

وبا انتضار القادم بـــكل شــــووق ’’

BeNt ALNoOr · 26-11-2006, 19:04

هلا وغلا فيك najmat sama2 ...
وشرف لي إن فكرتي عجبتك ..
وإن شاء الله بقدم كل اللي عندي من أفكار لكل وحده تحتاجها ..
والمنتدى بنور فيك حبيبتي

شكراً لمرورك
وعساك عالقوة ...

جمال القلب · 26-11-2006, 20:49

الله يعطيك العافيه أختي بنت النور
والله فكره حلوووووه وتجنن
وبصراحه صار لي فتره أدور على أحد يقدم لي ها الخدمه
والحمد لله لقيتك بعد جهد جهيد
يا قلبي أنا عرسي في عطلة الصيف بإذن الله
و ما عندي خبره كيف راح تكون زفتي
علشان كذا
فضلا وليس أمرا وإذا ما عليك كلافه
أبغى منك قصيده للزفه
وبعض الافكار الحلوه يا عسل
والله يجزاك با الخير
وتأكدي لحظتها إنك قدمت لي خدمة العمر
الله يوفقك ويسعدك يارب ....
وإعذريني على الاطاله
ومشكوووووووووره وما تقصرين ...
أختك
جمال القلب

جمال القلب · 26-11-2006, 20:50

الله يعطيك العافيه أختي بنت النور
والله فكره حلوووووه وتجنن

وبصراحه صار لي فتره أدور على أحد يقدم لي ها الخدمه
والحمد لله لقيتك بعد جهد جهيد

يا قلبي أنا عرسي في عطلة الصيف بإذن الله
و ما عندي خبره كيف راح تكون زفتي
علشان كذا
فضلا وليس أمرا وإذا ما عليك كلافه
أبغى منك قصيده للزفه
وبعض الافكار الحلوه يا عسل
والله يجزاك با الخير
وتأكدي لحظتها إنك قدمت لي خدمة العمر
الله يوفقك ويسعدك يارب ....
وإعذريني على الاطاله
ومشكوووووووووره وما تقصرين ...
أختك
جمال القلب

BeNt ALNoOr · 27-11-2006, 00:11

هلا وغلا أختي جمال القلب ...
نورتيني يالغالية ...
وتامرين أمر ...
اسمعيني ,,,,
قوليلي كل اللي مجهزتة لعرسك ...
حتى لو كانت فكرة في خاطرك ...
وبعدين قوليلي انتي بتسوين زفة خاصة يعني بالأسماء ولا لأ
وبموسيقى ولا لأ

انتظر ردك تحياتي

لـــــورا · 27-11-2006, 03:27

السلااااااااام عليكم

كيفك اختي بنت النور

تصدقين اني اشتركت بالمنتدى علشان موضوعك

انا راح اقولك يوم زواجي اش سويت

كانت كوشتي ديزاين تشاينيز وكان كل شي في الفندق تشاينيز

حتى في صالة العشاء قسم خاص للتشاينيز فود

اما الزفه كانت على موسيقه صينيه مع بنات لابسين صيني احمر بذهبي

حتى بطاقات الزواج احمر بذهبي

وديكور الصاله وكل شي

لـــــورا · 27-11-2006, 03:29

السلااااااااام عليكم
كيفك اختي بنت النور

تصدقين اني اشتركت بالمنتدى علشان موضوعك
انا راح اقولك يوم زواجي اش سويت
كانت كوشتي ديزاين تشاينيز وكان كل شي في الفندق تشاينيز
حتى في صالة العشاء قسم خاص للتشاينيز فود
اما الزفه كانت على موسيقه صينيه مع بنات لابسين صيني احمر بذهبي
حتى بطاقات الزواج احمر بذهبي
وديكور الصاله وكل شي

لـــــورا · 27-11-2006, 03:34

اقتباس:

المشاركة الأصلية كتبت بواسطة BeNt ALNoOr

وأول ثلاثة يشاركون معاي أو يطلبون قصيدة خاصة قصايدهم راح تكون إهداء مني وراح أصمملهم ستايل الزفة كامل
************************************************** *******************************************
************************************************** ********************************
************************************************** ********************

انا ابي قصيده ابهديها لاقرب وحده لقلبي(بنت عمتي)

بمناسبة زواجها في محرم

اتمنى انك ماترديني

الله يسعدك

وابي افكار لزفتها

الحفل كله راح يكون طراز شعبي

واي اقتراحات او افكار للزواج الله يخليك

BeNt ALNoOr · 27-11-2006, 05:25

أهلين وسهلين حبيبتي لورا ...
والله فرحتيني يوم قلتي إنك سجلتي بالمنتدى علشان موضوعي
وفرحتيني أكثر بردك ...
نورتينا يالغالية ...
أما فكرة زفتك فهي رااااااائعة ومميزة >> أنا أحب الأفكار الجديدة والغريبة
تلاقين يمر عالفرح شهور ويمكن سنين والناس ما نست زفتك ولا كوشتك ولا فستانك
وهذا هو التميّز ...
وأنا أشوف إنه أهم أهم أهم شيء هو الإضاءة ...
خصوصاً وقت الزفة ... التلاعب بالأضواء يخلي الناس في عالم ثاني ..
ومهما كان ديزاين الكوشة حلو وغريب ... ما يظهر وقت الزفة الا اذا كان في تلاعب في الأضواء وألوانها بعد ...

عالعموم شرفتيني يالغالية ...
وأنا فدا عيونك ...
قوليلي وشلون تبين القصيدة ...
يعني وشلون تبدأ ... وشهو مضمونها ... في حركات تبي تسويها ..........
إحكيها لي مثل القصة ...
وقوليلي إذا تبي تسوي الزفة بموسيقى ولا لأ ...
عشان أقولك وشهي الأغاني اللي تناسب زفتها
والأفكار والإقتراحات لأيش بالظبط !! يعني للزفة ولا للكوشة ..... وضحيلي أكثر ...
ورديلي عالعام ... ومعلومات بنت عمك أرسليها لي عالخاص

أنتظر ردك
وإن شاء الله بكون عند حسن ظنك ...

جنى..* · 27-11-2006, 17:17

مرحبا بنت النووور
كيفك ياقمر ..
انا دعيتلك من قريت الموضوع الله يسعدك ويخليك ويوفقك دنيا واخره ..
انا سجلت توي بس عشان موضوعك
انا زواجي قريب ومفكره بكوشه تكون شمعدانات على شكل مدرج من اليمين واليسار والاريكه فالنص والاعمده حقت الشمعدان تكون فيها ورود طبيعيه ومفروش حرير وكرستال عليه عند الشمعدان والممر كذلك ..
وفكري لي بشريط زفه حلووو وغريب عادي موسيقى حتى لو كان في اسماء مو ممشكله ..
الله يسعدك ردي لي ..

جنى..* · 27-11-2006, 17:18

ايوه نسيت ويكون في فراش على الشمعدان برضو ..
ولما ادخل مع البوابه تطير فراشات حقيقيه ..
سوري على الاطاله ..

جمال القلب · 27-11-2006, 18:26

فديتك والله

الله يسعد قلبك قولي آمين

والله تجاوبك السريع أسعدني كثير

الله يرزقك ويعطيك على قد نيتك

أسمعي يا الغلا

أنا نفسي تكون زفتي في طراز شرقي بحت

لكن ما فيه مانع إنه يدخل عليه بعض لمسات غربيه بسيطه

والزفه حابه إنها تكون خاصه و بدون موسيقى

وعلشان يكون عندك خبر أنا راح أدخل لوحدي

يعني من غير زوجي

ومثل ما قلت لك أنا ما عندي أي خبره با الزفات

فحابه أن زفتي تكون على ذوقك

وأنا واثقه بأن ذوقك حلوووو مثل صاحبته

تسلمين لي

والله يخليك لعين ترجيك يارب ....

وإن شاء الله ما أكون ثقلت عليك

في حفظ الرحمن ,,,,

BeNt ALNoOr · 27-11-2006, 22:04

أهلين وسهلين حبايبي
والله تفاعلكم مع موضوعي أسعدني كثير
وان شاء الله بقدملكم كل اللي أقدر عليه .....
*************************************************
حبيبتي جمال القلب حياك الله وشكرا على الدعوات الحلوة
والله يوفق الكل انشاء الله ...
ودام ما عندك فكرة محددة فأنا راح أساعدك
وان شاء الله بأفكرلك بفكرة حلوة
وبرتبلك الزفة كاملة ...
بس انتي ارسليلي معلوماتك عالخاص
وقوليلي كم الميزانية اللي تبين تحددينها للزفة
تحياتي لك يالغلا
*************************************************
أهلين لورا الله يسعدك حبيبتي ..
أسعدتيني يوم اشتركتي بالمنتدى عشان موضوعي ,,,
الله يقدّرني وأساعدك إن شاء الله ..
وفكرة زفتك رااااائعة وجديدة ...
أنا متأكدة إنها كانت مميزة ..
وغريبة .. نورتيني حبيبتي وليت الكل
يسوون مثلك ويكتبون عن زفاتهم وكوشاتهم حتى البنات ياخذون فكرة
أما بالنسبة لبنت عمّك ... تبيني أكتبلك قصيدة إهداء منك لها يعني على لسانك
ولا تبين أكتبلها قصيدة للزفة خاصة فيها ... وياليت ترسليلي معلوماتها عالخاص
وبالنسبة لفكرة الزفة والحركات فأنا راح أكتبلك بعض الأفكار اللي عندي
وأنزلها لك في الموضوع قريب ان شاء الله ...
وما يصير خاطرك الا طيب
فديتك .....
************************************************** *******
جنى مراحب حبيبتي ....
هلا بك يالغالية ... والله أخجلتوني كلكم شاركتوا عشان موضوعي
إن شاء الله أكون عند حسن ظنكم .يا رب..
وفكرتك يالغالية بجد رائعة وقمة في الرومانسية
هذا يسمونه كلاسك ستايل >> اللي هو مأخوذ من النظام الأوروبي القديم
ولو كان فستانك ستايل أوروبي من درجات البيج الفاااتح أو السكري
تكونين كمّلتي الباقي ...
وبالنسبة لزفتك لااااازم تكون خلفيتها صوت أوبرا >> عارفة الأوبرا
والشعر لااااازم تكون خلفيته صوت كرستال مو أصوات طبيعية ولا صوت موسيقى
ولو عندي عيّنات منها كان نزلتها عشان تسمعونها ...
وبالنسبة للطاولات إذا حابة تسوينها ...
ما راح أقولك حطّي شمعدان عادي ولفي العامود بورد مثل طريقة الكوشة ... لأ
في طريقة أحلى .. دوري صناديق خشب مفرغة مثل الشبكة >> (( يسونها من القصب عادة )) وتكون خفيفة مو ثقيلة زي الخشب
ولازم تكون مفرغة وبشكل دائري أو بيضاوي ... أنا مرّة لقيتها في محل تغليف هدايا وكان لونها ذهبي ...طيب ليش مفرّغة ....!! عشان يلبّسها لك بالورد .. بس ما تتغطى كلها لا يبقى فراغات يدخل من الهواء وفي نفس الوقت يطلع منها ضوء الشمعة
حطي شمعة بس ما تكون صغيرة ويكون طولها أقصر من الصندوق ... وثبتيها بالقاع زين
حلاتها ما تبان إلا وقت الزفة والأنوار مطفية ومافي غير نور الشموع
راح يطلع خياااااالي لأن انعكاسات نور الشمعة من خلال الورد يعطي إيحاء بالرومانسية والفخامة وراح تكون حركة غريبة جدا وكأن منظرها فانوس مغطى بورد ...
وحاولي تكون مقاسات الصناديق مو كبيرة مرة ولا صغيرة ...
إن شاء الله تكون الفكرة وصلتلك ...
والأهم تكون عجبتك ...
وأي سؤال أو إستفسار أنا جاهزة ...
ودام زواجك قريب فأنا راح أدورلك زفة تناسبك وإن شاء الله أنزلها لك بأقرب وقت
بس لاتنسين ترسلين معلوماتك عالخاص
************************************************** *********
تحياتي لكم

BeNt ALNoOr · 27-11-2006, 22:36

أهلين ...
حبيبتي جنى هاذي الزفة في بدايتها صوت أوبرا ...
حاولت ألقاها كاملة بس للأسف ما لقيت الا مقطع بس المهم اسمعي صوت الأوبرا في بدايتها.....
و ياااااااااابختك لو كان اسمك مشاعل لأن محمد عبده مغنيها بإسم مشاعل ....

http://www.500400.com/zafh/masha3elnew.ram

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

قصائد خاصة للي يحب يتميز ..