عالم الحياة الزوجية - منتدى

بلا رحمة · 29-11-2006, 00:46

السلام عليكم والرحمة

النور الأحمر · 29-11-2006, 01:15

الي هذا اوله ينعاف تاليه

ويمكن جى واحد وغير طبايعة عليك والا يمكن شايف له شوفه ثانية بس يبغى يبعدك عنه شوي شوي ...

واتمنى انك ماتستعجلي في الزواج منه

دانة أهلها · 29-11-2006, 01:55

ياهلا فيك أختي وأن شالله نقدر نفيدك ...

اقتباس:

انا فتاة عمري 20 سنة تقريبا ,احب شاب عمره تقريبا 24
انحب بعض صار لنا 5سنوات

خمس سنوات حب وبس ومافيه ولا خطوه أيجابيه لحد الحين ..وبعدين لما حبيتو بعض
من خمس سنين كان عمرك 15 سنه وهو عمره 19 سنه ..يعني مابعد تعديتوا
فترة المراهقه ؟؟؟
ومن رايي هذا اللي بينكم مو حب هذا تعود ..خمس سنين وأنتوا متعودين على بعض
تسولفون وتتكلمون وبس لحد ماصار ملل من الروتين اليومي أو السنوي بمعنى
أصح ...وبدت الخلافات المستمره بينكم نتيجة هذا الوضع ..
وحتى لو كان حب زي ماتقولين هذا حب مراهقه يزول أو يخف بعد النضج وبلوغ سن
الرشد ..

اقتباس:

تصوروا اتصلت عليه اتقوله حالتها جذي وجذي وشنو اسوفي مشكلة احس ان المفروض قلبه ما يطاوعه ولااتصل وله سوه شي

هذي بعد غلطه تحسب في حقك ليش تدخلين صديقتك بينكم ..خلي الكلام مباشر بينك
وبينه بدون وسيط ..لأن مرات يزيد المسأله تعقيد...ومدامه ما أهتم ولا تحرك أو تأثر
معناها أن خلاص بدا يكره الوضع اللي أنتوا عايشينه ومل من كثر المشاكل..

اقتباس:

وثاني يوم اتصلت له كنت ابي اتأكد اذا رفيجتي اتصلت له او لا وقالي اي اتصلت وقلت لها ان انا ما اقدر افيدج وخلنا نحل مشكلتنا في البداية

وفي هذي بعد غلطتي ليش تتصلين عليه أنت المريضه مو هو ..ليش تذبين نفسك
عليه خليك عزيزه ولا تهدرين كرامتك وتلاحقينه ...وهو شكله بايعك ولا لو شاريك
كان تلهف عليك ومجرد ماعرف عن مرضك طاح الحطب وراح الزعل حتى لوكان
أنت الغلطانه ..

اقتباس:

افكر في المستقبل اذا بتم جذي او لا او بعدين بتغير

هذا الكلام فكري زين في المستقبل ..لأن المستقبل مانقدر نشوفه ومايعلم فيه
غير الله سبحانه لاكن نقدر نستشفه ونقيسه بالواقع اللي عايشينه ..وأنتوا
من الحين مشاكل وتطنيش وعدم مبالاه ..أجل المستقبل شلي بيصير؟؟؟
هذي وجهة نظري الشخصيه حبيبتي وأنت أبصر بحالك سوي اللي تشوفينه
يريحك ..وأتمنى أنك تحكمين عقلك مو قلبك وتحلين ها المشكله وراسك مرفوعه..

ابو سلمى · 29-11-2006, 02:37

انا رائي من رائي الاخت دانة اهلها
لكن اختي الكريمة لاتتسرعين في موضوع
الزواج من هذا الشاب لان الزواج مسؤلية كبرى
وعليك ان تفكرين زين واعتقد انك تعودتي علية
ولازال العمر قدامك ان شاء الله والمستقبل امامك
فلا تيئاسين واتكلي على الله وكل شيئ يصير
زين ان شاء الله تحياتي لكي وشكرا

بنوته عنيدة · 29-11-2006, 02:41

بلا رحمه ياقلبي مصير الكلب على القصاب موقفه في قمه السخافه طنشيه زي ماطنشك وبياخذ وقت على بال مايفك اللي براسه وبيرجع لك صدقيني بيرجع لك ونصيحه مني قوي قلبك واذا تقدرين تدوسين عليه عشان كرامتك دوسي والله يوفقك

منيب هينة · 29-11-2006, 04:49

ياحبيبتي
معليش بقولك بصراااحه هاذا الرجال مايستاهل
منك ذرة حب يعني على اقل القليل
بيسوي مشكله ويدري عنك ان نفسيتك
تعبااانه ومنهاااره وعاادي عنده هاذا
لووو يحبك بجد كان ريحك ودفع قلبه
علشاان يطلعك من الي انتي فيه مش يزووود عليك فوووق المك الم

لاتقولون ظرووف وماظرووف
اي ظرووف الي تخليه يقسى على
البنت ولوو يحبك بجد حاول يكوون قريب منك
مش يبعد المساافات بينكم
شوفي قلبي انسيه وخليه يولي

ولاتتصلين فيه ولا تهتمين وشوفي وش ردة فعله
يمكن يحس بغلطته ويجي يطلب رظاك
واذا ماجااا

لاتفكريين فيه ابد
وربي يعوظك بالزووج الي يستحقك ويوريك
الرااحه على اصولها
الله يوفقك حبيبتي تحيتي

بنت ابوها · 29-11-2006, 05:08

اختى بلا رحمة لاتحتارين ابدا اتركية وصدقينى بتنسينة لان انتى موتحتاجينة ولكن انتى تعودتى علية فقط وصدقينى لو يجيك شخص ويدخل حياتك واللة راح تنسينة بسرعة لانها مراهقة ومضت

واتمنى لكى التوفيق

f444 · 29-11-2006, 11:20

والله يا أختي انتِ تتحدثين معنا كأنك تسألين عن حياة زوجية شرعية ..

لكن هي حياة غير زوجية وغير شرعية قامت على أساس باطل .. فاتق الله ..

واعملي انك مجرد وقت يقضيه معك ثم يبحث عن غيرك .. وأنت أسأت لربك ولأهلك

بحديثك مع ذئاب اللليل ..فخافي ربك ..واحفظ عرض أهلك و لاتلطخينه بفعلك ..

بلا رحمة · 29-11-2006, 15:24

مشكورة اختي دانة اهلها وما عرف شنو صار فيني يوم قريت ردج افتر راسي

اختي كلمة الحق تنقال اهو وااايد يحن علي يبي ايي يتقدم لي انا قلت له انطر اشوي اكمل دراااستي وانت تتعدل ظروفك واهو يقول والله لو تبين باجر والله بااايي واهو في ذي الفترة كلم بتهم عني موضوع الزواح وان يبي يتقدم لي

والله اختي انا ما احس ا اهو بس مجرد تعود انا واللله احبه ولدرجة ان ما اقدر استغني عنه وااايد جربت اتركه بس ما قدرت ابد ومب معناته اني احبه في فترة المراهقة اني سهل انساه وان حب مراهقة صدقيني لا انا الحين كبرت ولو صج حب مراااهقة ما كان استمرينا كل هالفترة وحتى لو كان حب مرااهقة معقولة ما كبر معانا ولاتغير

شوفي اختي انا ذي رفيجتي الوحيدة اللي تقدر تكلمه وانا الصراااحة واااايد اثق فيها واللله يشهد وااايد مشاكل لولا تدخلها ما انحلت واقنعته مع الرغم ان بعض الاوقات اتضايق ان تتصل له مب عشان شي لان لو ما اتصلت له ما تحرك وفعل شي من جذي اقول لها بس خليه اهو يحس بنفسه ما يحتاج احد يعلمه ويقوله

انا اتصلت لان ما كنت مصدقه ان لو اتصلت له ما بيتصل وان لهذي الدرجة وصلت القساوة فيه انا لان قبل ما اتصل له سألت رفيجتي وقالت لي ان ما اتصلت من جذي اتصلت اتأكد عشان قلت خلاص بحدد مصيري معاه اذا صج اتصلت واهو عادي ما افتكر ولا حس (واوردي رفيجتي يوم عرفت ان قال لي قالت لي انا ما كنت ابي اضايقج وانتي في وضعج ذي وازيدج وانا حسيت ان قالها شي ايضايق وعديم احساس)

وجهة نظرج واحترمها جدااا جدا ومشكورة على الأهتمام والرد السريع حبيبتي وصج انا وااايد افكر بقلبي وكل من يقولي فكري بعقلج

بلا رحمة · 29-11-2006, 15:27

اختي دانه انا اقتبست لج النصوص اللي علقت عليها بس ما اظهرت ان انشالله تعرفين اللي المقاطع اللي اقصدهم

بلا رحمة · 29-11-2006, 15:39

مشكورين كلكم على الرد وما قصرتوا والله على المرور اخواني وخوااتي : النور الاحمر وابوسلمى
واختي بنوته عنيده والله ابي احاول اقسي قلبي وادوس عليه والله ابي ادعيلي
واختي منيب هينه : مشكورة ما قصرتي والله هاذي الكلام اللي انا قلته ومن حذي انا داااير راااسي ان مفروض في هالموقف يوقف يمي مب يزيدني بس الله كريم ويسوي اللي فيه الخير
واختي بنت ابوها: مشكورة على الرد اناوااايد فكرت انساه لكن ما قدرت والكلام سهل ينقال لكن صعب الفعل صدقيني
F444: ما قصرتوا على الرد والكلام وااايد اثر فيني لان وااايد افكر في بيتنا وهلي والحمدالله انا ما سويت شي يلطخ هلي واتمنى ان الشي يصير رسمس وافتك من زمان بس المشاكل مب مخليتني اتخذ قرار صح

المحـــروم · 30-11-2006, 02:59

ماقصرو الشباب

والله يعينج

awsan · 30-11-2006, 18:50

صدقينى انا حصلتلي نفس المشكلة اقلك ايش تسوي هي طبعا بعد خمس سنين اكيد بتتغير حاجات طبعا هو مبيكلمكش زي اول وانتي لانك مش متعودة على هذا الشي بتقولي بطل يحبني لا طبعا بعد الخمس السنين يكبر على حاجات يعملها وانتي قلتي عمره 24 وانتي لازلتي في سن تحتاجي هذي الحاجات وكمان بعد الخمس السنين خلاص يعني هو متاكد انك تحبي مش زي اول عايز يكسبك باي طريق فانتي نصيحتي لاتجلسي تقولي مايحبنيش وتشغلي بالتلفونات وكل ماتتصلي تقولي له انتي مهملني وتتصايحو لا خلي المور عادية وقولي كبرنى عن هذي الحاجات وعاملي زي مايعاملك يعني لاتكلميش كل يوم كلمي كل ثلاث ايام كل سومين وقت ماتحتاجي والله يوفقك

بلا رحمة · 30-11-2006, 21:16

مشكورة حبيتي awsan ريحتي قلبي شوي بس انا اللي اقوله ان حتى لو كان هذا شي طبيعي ومش عارفه ايش مفروض يكون قلبه احن من كذا مهما يكون ومهما تطول المدة لازم يكون في حنان على الاقل شوي عجل متى بيحس لو مت يعني

ضؤالشمس · 01-12-2006, 00:01

اقتباس:

المشاركة الأصلية كتبت بواسطة f444

والله يا أختي انتِ تتحدثين معنا كأنك تسألين عن حياة زوجية شرعية ..
لكن هي حياة غير زوجية وغير شرعية قامت على أساس باطل .. فاتق الله ..
واعملي انك مجرد وقت يقضيه معك ثم يبحث عن غيرك .. وأنت أسأت لربك ولأهلك
بحديثك مع ذئاب اللليل ..فخافي ربك ..واحفظ عرض أهلك و لاتلطخينه بفعلك ..

اتفق معاك ويعطيك العافيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

محتارة ومب عارفة شنو اسوي افيدوني