عالم الحياة الزوجية - منتدى

شايل جروحي بروحي · 01-12-2006, 20:55

السلام عليكم ورحمة الله وبركاته
أخواني انا ابي الطرح معاناتي واقسم لكم بالله اني تعبت وتعبت نفسيتي من زوجتي والمشكله اني أحبها حب جنوني
والمشكله انها
1) ما تهتم بلبسها وشكلها قدامي
2) مشاء الله تبارك الله ( سمينه ) ولا راضيه تسوي رجيم اقل شي حفاضاً على صحتها
3) الطبخ فاشله جداً جداً جداً مع العلم اني جايب لها حوالي 13 كتاب لتعليم الطبخ ولا في أمل
4)ما تفهمني ولا تفهم وش ابي والي ما ابيه
5) الرجع من العمل نايمه
يا ناس اقسم لكم بالله اني طفشت من الحياه وكم اتمنى يرجع الزمن وترجع ايام العزوبيه اقسم بالله انها الرحم من الزواج
ولو يرجع الزمن اقسم بالله العلي العضيم ما أتزوج ما دمت حي
انا متزوج من حوالي 10 سنوات وعندي طفلين
الرجوكم ابي حل مع زوجتي هاذي
وعلى فكره الي مصبرني عليها شي واحد اني أحبها حب جنوني ولا اتخيل حياتي بدونها

المهذبة · 01-12-2006, 21:05

اخوي انت ما خليت شيء وربي مشكلتك مشكلة

يعني كل هالعيوب فيها بصراحة مقصرة معاك بابسط حقوقك

وهي الزينة والطبخ ,,,الحل تجيب خدامة تساعدها بامور البيت

وشوي شوي تتعلم الطبخ ,,وحاول تمنعها عن الاكل الدسم والي يسمن

واجعلها تشترك بنادي رياضي على الاقل تخف كم كيلوواا

واما سالفه الزينة لازم تصارحها وتتفاهم معاها وتقولها انا رجال

والمثيرات كثيرت وزادت بهالايام وانتي زوجتي لازم تحصنيني

عشان اغض بصري عن الحرام واذا ما فاد هالشيء معاها

هددها مجرد تهديد انك تتزوج عليها بس لاتسويها بس هددهاا

وهي اذا سمعت طاري الزواج صدقني راح تتغير 180 درجة

ولكن لا تجعل هالاشياء تاثر فيك وتكرهك بالزواج فالزواج نعمه عظيمة

وانت اصبر عليها دامك مجنون حب فيها وربي يهديها ويهنيكم

المهذبة · 01-12-2006, 21:05

دايم الـود · 01-12-2006, 21:08

لاحوووووووووووووووووووووووووووول وانا اقول اني راح اتزوج اسمع اخوي اللي خلقها خلق احسن منها وافضل منها تزوج وريح بااالك وخلها لاولادها ويمكن اذا شافت الثانيه تدخلها الغيره وتتعدل وتقبل تحياتي

حفيدة عبد العزيز · 01-12-2006, 21:08

اذكر ربك وقل الحمد لله والشكر في رجال حالتهم ألعن من حالتك ستين مليوووووووووووووون ألف مرررررررررة
هاذي مشكله الرجال اذا حب اصبر عليها وتذكر الصفات الحسنه مو السيئه واذا كان احد اقاربها مثل اخوها قريب منها قله عشان يقول لأخته الشهبه هاذي
الصراحه شكلك انت مرررررررررررررة مبين لها انك ميت عليها بجميع اشكالها ان كانت شهبه لهبه وان كانت تمشي الحال ينقالها متزينه
لا تبين غلاها وبتشوف
والله يعدل اخلاقها وشكلها يارب وتعيشون عيشه سعيدة جدن وتتحسف انك شكيت منها والله يخليلكم عيالكم يارب ويوفقكم جميعن
وشكررررررررررررررررررن

دانة الدبة · 01-12-2006, 21:28

أخوي معقوله مو لاقي ميزة حلوة في زوجتك!! بصراحة شيئ غريب..

نصيحتي لك دور في ميزاتها وإذكر أيام زواجكم الأولى.. عشان تصبر عليها.. وفيها الفتره دور على مفتاح زوجتك لأن كل وحده لها مفتاح.. تقدر تدخلها منه وتغير كل اللي موعاجبك..
ولاتسمع للي يقولك تزوج عليها أوطلقها هذا بيزيد السالفه تعقيد..
والله يجمع بينكم على خير.. ويرجع أيام العسل لكم..

رمال البحر · 01-12-2006, 21:32

خلها تعمل أو تدرس

اذا اختلطت مع مجتمع دراسي أو عملي راح تتطور وتتعدل بأذن الله

**فارس الليل** · 01-12-2006, 21:34

.
أنت ماحبيتها عبث أكيد فيها صفات عاجبتك والكمال لله....
..
جب شغالة تهون المشكلة
..
وكن مسرفاً في مدحها إذا كشخت
..
وصد عنها إذا كانت حوسه
..
وزكرت روحك
..
موفق

دموع امراه · 01-12-2006, 21:38

معقووووووووووووله
كل هذا فيها
1) لاتبحث عن الكامل لأنه مافيها احد كامل
2) ابدا بنصيحه معه
3) دخل احد من اهلك او اهلها يتكلم معه
بس احلى مافي الموضوع انك تحبه
بيجي يوم تندم عاى اهملها لك

ضؤالشمس · 01-12-2006, 21:46

المشكله فيك أنت مش زوجتك مع احترامي لك أنت السبب في أهمال زوجتك وماكنت حازم معها .. كل الحب منك وهي كل الاهمال منها شئ عجيب .. وعموما اجاس معها وصارحها في كل شئ تبيه منها وان الحياه بشكل هذا ماهي حياه ولا تضعف معها .. ورنا يوفقك ويخليكم لبعض

bent al-dala3 · 01-12-2006, 21:48

الاعضاء ماقصروا بنصايحهم

بس اخوي لا تتزوج عليها ترا ماتدمر الا نفسك وعيالك لكن هددها من غير تنفيذ وبين لها انك معزم فعلا

يسلمووووووووووووو

بخيتة · 01-12-2006, 21:57

ياليت زوجي مثلك إلي اسوي لة الحالي والغالي واتزين ولاكأنة موجود ولاعمري سمعتة يمدح ياحظ زوجتك فيك

عروس البر · 01-12-2006, 21:59

هلا

اخوي خذ براي اختي المهذبة

بس لا تصدق نفسك وتروح تخطب

مجرد تهديد او تلميح

وحاول انت تشتري لها الملابس

وكل مره قبل ما ترجع البيت ارسل لها رساله

حبيبتي اتخيلك بذاك الفستان (حدد لونه)

وشعرك الناعم وريحتك اللي تجذبني من الباب الخارجي للغرفه على طول

وخبرنا النتيجه

عروس البر · 01-12-2006, 21:59

هلا

اخوي خذ براي اختي المهذبة

بس لا تصدق نفسك وتروح تخطب

مجرد تهديد او تلميح

وحاول انت تشتري لها الملابس

وكل مره قبل ما ترجع البيت ارسل لها رساله

حبيبتي اتخيلك بذاك الفستان (حدد لونه)

وشعرك الناعم وريحتك اللي تجذبني من الباب الخارجي للغرفه على طول

وخبرنا النتيجه

shoshoal · 01-12-2006, 22:11

مش عارفة انا حاسة انك بتبص بس ل اللى وحش فيها معقول مافيهاش حاجة حلوة اكيد فية
كفاية انها صاينة عرضك وشرفك ولا اية....
احمد ربنا على نعمة الزوجة الصالحة.... وربنا يراضيك بيها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اقسم بالله اني تعبت مع زوجتي بيني وبينكم