عالم الحياة الزوجية - منتدى

قناااص · 27-12-2006, 02:52

بصراحه أنا ورطان بين أمي وأبوي من ناحية زواجي أمي تبي تزوجني بنت خالي وأبوي يبي يزوجني بنت عمتي وكلهم مصرين على رايهم وأنا الود أتزوج برا العائله عشان أفتك.
وإن جيتوا للحق انا أميل لبنت خالي شوي بس ما أبي أكسر خاطر الوالد وأرده وأتزوج بنت خالي عشان كذا فكرت أني أخبرأمي وأبوي اني ابي وحده من برا العائله ورفضوا طلبي وقالو الا تآخذ من العائله وش أسوي ما أبي أضيق صدر أبوي في قراري وش رايكم دلوني عسى الله ينور دربكم

رغــد · 27-12-2006, 03:10

هذا زواجك واعرف ان مع الوقت بيتأقلم و بيرضى بالي صار و اختيارك

وانصحك بالاستخارة وسوي الي تحس انك مرتاح له

وينك ياغلا الدنيا؟ · 27-12-2006, 03:29

إستخير الله لكن لاتستخير مره وتكتفي إستخير قد ماتقدر والله بيسهل أمورك .... وبالنسبة لأهلك صدقني هم إللي بيوقفون معك بزواجك.

الفارس78 · 27-12-2006, 09:05

[QUOTE=رغــد]هذا زواجك واعرف ان مع الوقت بيتأقلم و بيرضى بالي صار و اختيارك
وانصحك بالاستخارة وسوي الي تحس انك مرتاح له[/QUO

صح
ترا لا تورط نفسك يا اخوي بزواج اذا كنت مو مقتنع تمام وانا اخوك اذا مقتنع بوحدة منهن خذها ولا تتزوج مجاملة الزواج مو لعبة وانا اخوك هذا قرار صعب ويبيله تفكير عشان تختار صح وتلقى اللي تريحك وتفهمك

حبيبي لما تتعب بزواجك ذاك الوقت محد من هلك بيفيدك اذا فشل زواجك الكل راح يلومك
والغلط بيطلع عليك حتى لو كان ذا اختيارهم محد بتطلع عيونه غيرك والله لو مكانك لا حل المشكلة وآخذ من خارج العايلة وبعدين بيستسلمون لأن حياتك ملكك لحالك وماهو من حق حد يفرض عليك كيف تعيشها حتى لو كانو الاهل وحاول تكسب رضاهم ولا تغضبهم في نفس الوفت واتخذ قرارك بنفسك بدون ما تدخل اهلك فخياراتك
وما انصحك بزواج الاقارب وراه مشاكل ، والزواج يا خوي رفقة عمر ما هو مجال للمجاملات على حساب راحتك ، انا اهلي تدخلوا بزواجي الاول واختاروا لي بنت عمي وتعبت واجد معها مو لانها بنت عمي لأني ماني مقتنع بها ولا عجبني اسلوبها بصراحه ، وحسوا بالندم لما شافوا اني ماني مرتاح وتعبان لكن بعد فوات الاوان وبعد ماذقت الويل منها تركتها وانا حالف ما اجبر حالي على شي مو مقتنع به فحياتي بعد كذا

انصحك اسخير ربك وتوكل

قناااص · 27-12-2006, 19:07

اختي رغد// مشكوره على ردك اللطيف ومشورتك الحكيمه

وينك ياغلا الدنيا// شكرا لك اختي على قرارك الحكيم وان شاء الله راح استخير

الفارس78// هلا فيك اخوي وحبيبي تسلم لي على مشورتك الطيبه بس الأهل الله الوالدين مصرين على زواجي من العائله وش بيدي اقنعهم جربت أغير رايهم مانفع متمسكين برايهم بس شكلي بأخر موضوع زواجي الى ان يملون ويقولون تزوج اللي تبي وش رايك

الأصيلة 25 · 28-12-2006, 00:29

الاخوان والخوات ماقصرووووووو لكن

شووووووووووف احسن طريقه تخليك ماتزعل الوالده ولاا الوالد وبنفس الوقت ماتتزوج لاا من بنت خالك ولا من بنت عمتك

هي انك تئجل موضوع الزواج لوقت غير معلوم

ومع الوقت راح يتغير كل شي

ونصيحه مني ابعد عن الاقارب تراهم عقاااااااااااااارب الله يكفينا شرهم

والله يدلك للي فيه الخير يارب

NOSTALGIA · 28-12-2006, 01:01

إلا الزواج ....لأنه يحتاج الى اقتناع تام بالطرف الآخر...فهو ليس مجرد إمضاء وتوثيق لعقد ولكنه عقد وعهد معنوي على المضي سويا في الحياة بين نفسين وروحين
فكرة تأخيرك للزواج مقبولة لكن بشرط ...أن تبدي لوالديك ولو بطريقة غير مباشرة أنك لا تريد كلتا البنتين ....حتى لا تبقيا معلقتين وعلى ذمتك انت لتتزوج إحداهما....وقد يتقدم من يريدهما وتخلص من الموضوع....وحبذا أن تكون العائلتان على اطلاع بقرارك حتى تتوضح لهم الرؤية وهذا يكون في صالحك

تفاحه حمراء · 28-12-2006, 01:39

والله اذا مصرين انك تاخذ من داخل العائله فابحث عن وحدة من العائله بس من غير هاتين

اللي اختاروهن لك .......رضى الوالدين مطلب اساسي لنجاح اي مشروع فما بالك

بالزواج........وانا انصحك ان تبحث من داخل عائلتكم عن بنت تفهمها وتفهمك وعلى

فكرة الزواج من الاقارب ليس شرا بل لعله يزيد اواصر المحبه والتعاون بين الاقارب

والله يوفقك ويرزقك بنت الحلال اللي تسعدك وتسعدها ,,,وفي النهايه الزواج قسمه

ونصيب.

الفارس78 · 28-12-2006, 11:27

اخي الكريم اسمحلي افيدك
انت تقول انك تميل لبنت خالتك او خالك طيب ليه ما تاخذها وتحسم الموضوع
لا تكون متردد ياخوي خلك واثق من قراراتك عشان تكبر بعين اللي بتاخذها ترا البنات يحبوا الرجل الواثق من نفسه مو الي يمشي ورا كلام الناس
اعذرني على صراحتي بس حبيت انصحك وبالاخير انت اللي تحدد وشو يصلح لك
الله يوفقك وينور دربك
اخوك الفارس

2000أبو وليد · 29-12-2006, 15:21

اخي الفاضل جواد

أنا من وجهة نظري إنك تجلس مع والديك جلسة مصارحه وتبين اللي في خاطرك وتقولهم عن اللي تبي صدقني المجامله في امور الدنيا شي والزواج شي ثاني يعني مافيه مجامله صارحهم بقرارك وانك تعرف مصلحة نفسك في زواجك من البنت اللي انت تبيها
مع تمنياتي لك بالتوفيق

قناااص · 29-12-2006, 21:45

اشكرك جميع اخواني واخواتي الذين اعطوني رايهم السديد في موضوعي
وجزااااااكم الله عني الف خير

fati_zohra · 31-12-2006, 18:52

انصحك يا اخي ان لا تقدم على شيء الا ادا كنت متاكدا من مشاعرك.
فالروابط العائلية لا يجب ان تحكم مصيرنا.
انها حياتك الخاصة و لا احد يملك حق الاختيار غيرك ( مع احتراماتي لوالديك) اجل يمكنهم ارشادك و لكن في الاخير يبقى حق الاختيار لك وحدك لا غير.
و الاهم استخر الله و بعد دلك اخبرهم بقرارك و سيتقبلونه كيفما كان ( خاصة ادا اخبرتهم ان قرارك ناتج عن استخارتك)
اتمنى لك التوفيق من كل قلبي.

قناااص · 31-12-2006, 19:28

fati_zohra ----اشكرك من اعماق قلبي على ابداء وجهة نظرك الخاصه واتمنى من والدي عند ابلاغهم بقراري بعد الاستخاره الا يصدموني فيه برفضهم

demaa · 31-12-2006, 19:58

اللي بيريحك انت اعملو لانو الزواج مو لعبة اذا انت مقتنع في واحدة فيهم 100% توكل على الله واذا لا فابحث عن من تريد الزواج منها سواء من برا العائلة او من الاقارب

fati_zohra · 01-01-2007, 02:45

اتمنى دلك ايضا.
موفق اخي ان شاء الله.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ورطااااااااااااان؟!؟