عالم الحياة الزوجية - منتدى

الرأي الاخر · 03-01-2007, 10:03

السلام عليكم ورحمة الله وبركاته
كيف حالكم شخباركم ان شاء الله طيبين انا وحده من متابعين مواضيعكم الحلوة ودائم استفيد منها

.. وحبيت اكتب موضوع لاني من جد محتاجه تفيدوني بـ اراكم..

المهم انا توني مخطوبة .. مالي يمكن الا اسبوعين تقريبا..

الي بتكلم عنه هو خطيبي ..اول شي انه انسان مره يستحي هذا طبعا يوم الملكه فقلت يمكن علشان اول مره يشوفني وهو الاكيد انه في بداية الامر انه شي طبيعي وبالذات اننا في البداية....وجاني اول زيارة فكان برضو مستحي مني حتى انه مامسك يدي ولا حتى انه حاول انه يقرب مني وانا اشتريت كل شي جاهز ماكنت عارفة كيف اضيفه وكنت مرررره مستحيه وحتى انه المكالمات ما نطول فيها..المهم فاانا الي ابغاكم تفيدوني فيه ابغى كيف كيف يصير جرئي معي وبعدين مع بيتنا ومع اهلي (يعني ابغاه يصير عادي ) ومحتارة ايش اقدم له يوم يجيني وبنفس الوقت ماني عارفه شسوي

ومع العلم انه هو يقول لي ماابي تجبين ولا شي بس اجلسي معي انتي بس رايحه جايه تعبتي نفسك بس يبيني اجلس

مع اني مو كل شوي اقوم واجلس يعني مثلا اقوم اجيب له العصير وشوفو متى يخلص العصير هذا اذا خلص اصلن وبعدين اجيب القهوة ونطول على القهوة وبعدين الشاهي يعني في وقت طويل بين كل شي وشي اجيبه له
وياليت تساعدوني

ومشكورين...أنتظر ردكم

امير الرومانسيه · 03-01-2007, 10:15

^
^
بداية
الف مبروك اختي وربي يوفقكم اامين
ولا تنسوني على العرس

هع هع هع

امزح

بس بقولك شي
صدقيني انتى محظوظه انك طحتي بزوج خجول
وين تلاقينهم هالايام الواحد وش وسع عينه
اذا شاف بنت قام يقز قز عيني عينك ولا همه لو معها زوجها او اهلها
انتى اصبري لين تعرسون يمكن يتغير واللى عنده يصير كله تصنع مو خجل
مع انى اتمنى يكون خجول احسن لك لانه راح يكون رومانسي ولازقن فيك
24 ساعه لاسهر ولا شلل ولا استراحات الى انصاص الليالي
.
.
وبعدين اختى انتي تعبتيه كل شوي جايبه شي

وكل ماخلص العصير رحتي تجيبين له
وبعده تجيبين قهوه
وبعده شاهي
شكله انغث المسيكين واهو خجول

لكن ان شاء الله يتغير بعد الزواج ويكون جريء اكثر
وزي ماتعرفين حل مشكلة الخجل صعبه وتحتاج الى طبيب متخصص
وجلسات خاصه مو باالسهوله فى موضوع يتغير
لانه طبعه من كان صغير وماكان اجتماعي ويحتك بغيره عشان كذا صار خجول
حاولي انه يندمج مع المجتمع واللى حوالينه وانتى بعد ساعديه وخليه يتكلم
وعلميه الجراءه لانكم راح تتزوجون ويحتاج جراءه اكثر

تحياتووو اختي

Ammoolahh · 03-01-2007, 12:10

حبيبتي
الله يسعدك ويوفقك يارب
شوفي ياعيوني
انا مثلك مخطوبة ونفس الموضوع عندي
انه انا وخطيبس نستحي من بعض جدا
بس الضيافة ترى موكل شي
وبعدين اختصري ضيافتك على
نوعية حلا تجهزينه بيدك له
مع القهوة وتحطينه بالغرفة عشان لا تقومي كل شوي
وخليك انتي كل الحلا بعيونه بدلالك وحيائك
ترى جدا رااااائع هذا الاحساس
وبصراحة ماديك على الباقي
لا تستعجلين
الله يوفقكم يارب

Ammoolahh · 03-01-2007, 12:11

حبيبتي
الله يسعدك ويوفقك يارب
شوفي ياعيوني
انا مثلك مخطوبة ونفس الموضوع عندي
انه انا وخطيبس نستحي من بعض جدا
بس الضيافة ترى موكل شي
وبعدين اختصري ضيافتك على
نوعية حلا تجهزينه بيدك له
مع القهوة وتحطينه بالغرفة عشان لا تقومي كل شوي
وخليك انتي كل الحلا بعيونه بدلالك وحيائك
ترى جدا رااااائع هذا الاحساس
وبصراحة ماديك على الباقي
لا تستعجلين
الله يوفقكم يارب

شراره · 03-01-2007, 15:20

انتي صارحيه
يعني اذا جا لبيتكم قوليله :
خلك عادي ابيك تاخذ راحتك ترى بعد فترة " تبي تخطفني و اصير ملكك لوحدك "
....
او خليها تحدي .. يعني :
تحديه انه اذا جا يمسك ايدك ..
او انه يبوسك " لو تبينه يبوسك "
او يشربك العصير .
....
او العبي معه اي لعبه تكسر الحيا
...
والله يوفقك

حفيدة عبد العزيز · 03-01-2007, 16:05

الف مبروووووووووووووووووووووووووووووووك

الله يوفقك يارب وتعيشين احلى حياه زوجية

rain bow · 03-01-2007, 17:08

بالعكس حلو الخجل

واستني عليه شويتين

راح تشتكي من جراته

وتتمني يرجع خجول

عاشق الحلوة · 03-01-2007, 17:58

قد يكون خجله من اهلك
لاحظي تصرفاته لما تكونون وحدكم
وقد يكون يعتقد انك ممكن تنحرجين من صراحته حاولي تشجعيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

محتــــارة..