عالم الحياة الزوجية - منتدى

النقيب الهلالي · 05-01-2007, 19:47

كيف الحال شباب كيف الحال صبايا
عندي مشكله صغيره وهي ان خطبتي لا تبالي مثلي
يعني ماتتصل مثل ماانا اتصل
مو مهتمه مثلي انا اتصل كثير وهي ولا شي
بعض الحيان اتصل ماترفع السبب يعود لان الجوال في الغرفه
وهي في الصاله مع الاهل تحت قلت لها حبيبتي ليش الجوال تاركته فوق قالت اخواني
يلعبون فيه قلت على شاني خليه عندك تحت ممكن اشتاق اسمع صوتك في اي لحضه
قالت اسفه ماتعودت اشيله معي تحت لنفس السبب من حسن حظي اذا ردت لان الجوال في يدها

تخيلو ليلة عيد الاضحى وخذت هدية العيد كلمتها في الجوال عندي هديه لها قالت شكرا وقلت لها عطيني ملاحظاتك عن الهديه حلوه اواو الخ
شفت ولد عمي برا البيت وعطيته الصندوق وقلت لها عطه اختك
الزبده مارسلت مسج توضح ملاحظاتها طيب انا اتصلت فيها للمعايده وماردت
انا قايل لها اذا انادقيت عليك وانتي نايمه اومشقوله الخ
اذا فظيتي من ذا كله عطيني بس مسكول وهي لا مسكول او كول مي
انهزت معنوياتي ادماغي خلاص بعد مايشتغل اي نوع من البنات
طرحت الموضوع صاحبي متزوج وعنده خبره قالي اتركها ولا تكلمها او ترسل مسج
وثقل اشوي وراح اهي تتصل فيك لانها راح تفتقدك للعلم اني ارسل مروف شهري لها
وكل اسبوع هديه كلام معسول في الجوال وكيف احوال الكليه والبيت
المهم اني طبقت كلام صاحبي والحين ممكن اسبوع لامكالمات ولا مسجات
ولاهامها شي وهي ابصراحه ملكة جمال يعني مااقدر اصبر اكثر

شلحل ياجماعة الخير تكفون للي عندهم خبره

محمد شاهين_2 · 05-01-2007, 20:09

حبيبي اسمع كلام صاحبك المتزوج هو كلامه زين فعلا واذا ما في فايدة

احب اقولك ان كلمتها انت وبعد ذلك اتزوجتها بيصير نفس الحال في البيت رح تلاقيها تتجاهلك دايما وما بتعملك اي حساب

وانتبه ان كل غرضي افادتك من واقع ما حكي لي من بعض الاصدقاء

واتمنى لك من كل قلبي تصير اتحبك مثل ما اتحبها ويتمم لك بخير باذن الله

تحياااااااااااااااتي

diha · 05-01-2007, 20:23

احذر اخي الكريم ... فانت على البر الان ....

الرسول الكريم محمد عليه الصلاة و السلام وضح لنا صفات الزوجه الصالحة .قال في حديثه الشريف ( ................. اذا امرها اطاعته ............ ) هذه احدى صفات الزوجه الصالحة التي اخبرنا بها الصادق المصدوق

فانا مثلك ابحث عن الجمال و لكني عندما تصل المسالة إلى حد التجاهل او التكبر او عدم تقديرها لي فاني ارمي بهذا الجمال عرض الحائط .......

فالرجل موقف اخي الكريم ....

نصيحتي لك ............ اعد ترتيب اوراقك مرة اخرى و صل صلاة الاستخارة عدة مرات حتى يفرج الله ما انت به اما بان يصلح حالها او .........................؟؟؟؟؟؟

الباش مهندسه · 05-01-2007, 20:37

اصبر عليها شوي
واكمل مرحلة التجاهل

وبعدها واجهها بأنها اخلفت طلبك او عصت امرك بعدم ردها فكان انقطاعك عنها لترى قيمة حبك وقدرك في قلبها

اتمنى لكما الخير والسعاده

تحياتي

المهندسه
اختك

حلاو مصاص · 05-01-2007, 21:01

خذ الكلام مني وانا بنت وتفكيرنا واحد

يمكن هي تستحي منك او تخجل ترسل

انا قعد 3 شهور اطنش خطيبي في المكالمات وكل شي..

يعني مالك غير الصبر..شوي شوي

حاول انت تكلمها في التلفون تسحب لسانها بالكلام وتطلع مشاعرها

بهالطريقه راح تساعدها شوي شوي تاخذ عليك

امووت فيك · 05-01-2007, 21:42

الثقل زين

احساس ريشة · 05-01-2007, 21:54

حاول انك تجرب تشتري لها كتب عن الرومانسية وفن التعامل..
يمكن تجيب نتيجة لانها بنت ولابد تحن تشوي..

النقيب الهلالي · 05-01-2007, 21:58

شريت لها كتاب من شهرين يمكن
بس شكلها ماتتصفحه

diva · 05-01-2007, 22:02

واو .... انت رومنسي مرررره... و البنت يمكن بعد لكن انت ما تدري عن ظروف بيتها.... اكيد هي لانكم بفترة الخطوبه ما حتقول شي عن اهلها.... لكن يمكن اهلها 24 ساعه على راسها انتهبي و قولي و سوي ... وهي تطبق او تكون مو مقتنعه فبين نارين... نارك و نار اهلها ... صبرك شوي و اترك البنت تدلع.... و اسالها صريح متى الوقت مناسب انك تكلمها,,,, ارسل مسج قبل ما تدق ... الخ
انت عاد كل هالرومانسيه و الكرم ما حنقولك كيف تحلها

عريس بقراطيسه · 05-01-2007, 22:15

هههههههههههههههههه

والله ذابحتك الرومانسيه

يعني عجزت تصبر اسبوع !!!!!!!!!

اتركها اقل شي شهر وهي الي تبي تشتاق لك ولهداياك خل المراءه هي الي تلحقك مو انت الي تلحقها

<<<<< سوا خروج لليوزر قبل ما يضربونه البنات بالمنتدى خخخخخخ

قزاز · 06-01-2007, 01:17

الاخ النقيب الهلالي 0.

اولاً: اذا كنت لم تعقد القران على ابنت عمك فلا يجوز ان تكلمها بالهاتف او نحوها وخاصة كلام عاطفي وتغزل .لانها ليست محرم لك.

ثانياً : اذا كنت قد عقدت القران واصبحت زوجتك . فارجوا ان لا تشغلها بكثرة الاتصالات .ولكن شد حيلك واعلن الفرح . وما لك ومال وجع الرأس .

تحياتي

سديم الحب · 06-01-2007, 02:05

اقتباس:

المشاركة الأصلية كتبت بواسطة قزاز

الاخ النقيب الهلالي 0.
اولاً: اذا كنت لم تعقد القران على ابنت عمك فلا يجوز ان تكلمها بالهاتف او نحوها وخاصة كلام عاطفي وتغزل .لانها ليست محرم لك.
ثانياً : اذا كنت قد عقدت القران واصبحت زوجتك . فارجوا ان لا تشغلها بكثرة الاتصالات .ولكن شد حيلك واعلن الفرح . وما لك ومال وجع الرأس .
تحياتي

كلام سليم واحب اضيف شي مهم
اثقل شووي اعطيها فرصه هي تتصل واذا كانت ملكة جمال
يعني انت شايف انهاا مغروره وبعدين مهما كانت البنت

بشعه ولا عاديه ولا حلووه تحب الي يثقل عليهااا

انا بنت ولو اني في مكان خطيبتك بسوي اكثر من الي تسويه

يعني هي ضمنت انك تحبها وميت عليهاا وماتقدر تستغني عنها

ونصيحه لاتكون ثقيل ولاخفيف والرومانسيه خففها لاتحرق كل شي

في ايام الخطوبه

Mrs.Reem · 06-01-2007, 02:09

عادي عادي عزيزي

أنه 5 شهور ومطنشه لخطيبي ( زوجي طبعا) لين الزواج
والسبب الخجل ... كنت استحي أكلمه وما أدري ايش اقول له...
وكنت اتهرب الا نايمة او الجوال مب عندي ....
ولما يطنشني كنت أعصب عليه ....
بس الحمد لله هو كان فاهم هالشي وكان عقله كبير وقلبه كان أكبر...

الله يسعدك بس خلك دبلوماسي ومثل ما يقولون خل بينك وبينها شعرة معاوية ارخ و شد على كيفك... بس لدخل الكبرياء الموضوع ما يستاهل...

والله يسعدك دوم.

**حبيب نورة ** · 06-01-2007, 02:41

طنننننننننننننننننننننننننننننننننننش تعش تنننننننننتعِش

هذي الزينة ومعروف ان المزيونة دايم تتكبر ... لأنها واثقة من نفسها ويمكن تبغى تتكبر عليك من الحين عشان تختبرك انت ينركب عليك ولا لا ..
لاكن خلك ثقييييييييييييييييييييييل هي بتحس فيك لأنك معودها على شئ وروتين معين عشان كذا أصبر وأصبر وأصبر وهي بتسغرب بعدين لش اختفيت ....

لاحق إن شاالله على العسل وبتلقى كل خير ...

الفارس78 · 06-01-2007, 10:08

يعني خاطبلك ملكة جمال وما انت مصدق نفسك وهي اكيد حاسة بها الشي وتتغلى عليك لنها عارفة انها حلوة وماهي محتاجة احد يقولها انت حلوة
استحمل الدلع يا الحبيب
اثقل شوي وبتشوف انها بعد الزواج بتجيلك غصب عن ابوها وتطلب منك كلمة
هههههههههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

عندي ملكة جمال بس في مشكله