عفوا لا يوجد بنات للزواج فضلا تزوج من الخارج؟
( مأساة شاب )
كنت عندما أراه أقول ( ياحظ اللي تبي تأخذه ).
وعندما أمازحه وأتعجب من جماله ووسامته أقول ( والله لو إني بنت ما أتزوج إلا أنت ).
صديقي : ع . ع. منذ أكثر من ثلاثة أشهر وهو يبحث عن شريكة عمره ...ولكن لم يجد من تقبله ولا أقول من لا تناسبه ....
خطب من أسرة : ورفض لأنه ......شغال في مؤسسة .
وخطب من أسرة : ورفض لأنه .........سيارته دادسن.
وخطب من أسرة : ورفض لأنه .........بدون سبب.
وخطب وخطب ألخ ............:
والله ثم والله لو كانت لي أخت هي في سن الزواج ما زوجتها إلا أياه ؛فكل ما تريده الفتاة في شريك عمرها موجود فيه :
الأدب عرفته منذ سبع سنوات وفي كل يوم أقابله مرتين أو ثلاث...نأكل سويا ونشرب سويا ونخرج سويا ...
الدين : أهم ما يمكن أن يذكر صلاة الفجر لا تفوته مع الجماعة فمن حاله هكذا فماذا تقولون عن دينه...
نفسيته: له أخوات يزدن على السبع أخوات: وكل واحدة لها سبعة أبناء: بنين وبنات والله ما يلبي لهم طلباتهم إلا هو.....لأن أبناء أخواته ما ينفعون ...
وكذلك خالاته يعتمدن عليه بالدرجة الأولى في تلبية طلبات المنزل؛بل إنه في كثير من الأحايين يطلبن الطلب ويأتي به من جيبه...ومن ماله الخاص.
أما عن ........عن ما يهم الفتاة في الدرجة الأولى :
الجمال فحدث ولا حرج : أطخم يهبل العقل:وليست هي مجاملة والله هذه رؤيتي فيه.وأنا أقول لها دائما : لوإني بنت ما أتزوج إلا أنت !!!!!!!!
وما من مرة ذهب معي إلى حفلة إلا والحضور كلهم يسولفون معه وينسوني عشانه زين .......الله المستعان ...
يا ضعيف : يقول والله إن جميع من نعرف عندهم بنت خطبناها ولا صار نصيب ...وما فيه أحد نعرفه إلا كلمناه يدور لنا ....
.........ثم يتكلم بحزن ويقول لي : كل ماأجيب أختي من الكلية وأشوف البنات كثر النمل طالعات من الكلية :أقول معقولة ما لقيتي وحدة توافق علي من كل هالبنات؟؟؟؟؟؟؟
قلت له وش رايك بس : تروح للجمعية وتحط اسمك أوتدري : اعلن عند البقالات مواصفاتك وأكتب تحت بعد هذا كله أبحث عن زوجة ...........؟تقدر الحياة الزوجية.
قال لا ؟
تبي الصراحة : بديت أفكر أتزوج من الخارج........ما تصدق وشلون أنا صابني أحباط ......يعني تخيل أنا جاهز للزواج والعطلة الطويلة ما بقى عليها شيء وما لقيت زوجة.................!!!
ذكرت قصة هذا لزميلي : ي.ع.: معلم لغة عربية ثاني سنة في قرية من قرى القصيم المجاورة .......فضحك فقال : أنا خطبت من ثلاث أسر كلهم رفضوا والله بصراحة بعدهن تحطمت وشلت فكرة الزواج من راسي.
وقابلت : الأخ : سليمان ...وسألته عن أخباره وأخبار أخوه :فواز: فقال أيوه ماتخبر له بنت تراه يدور ؟
قلت ليش ما لقى ؟
قال يلله على يدك ...والله تراه مافيه بيت ما طقه.
ؤؤؤؤؤؤؤؤؤؤؤؤ لهذه الدرجة : أجل لا تتحطم يا أبوعبد الله اللي عندك زوجة وتبحث عن الثانية وصار لك خمس سنوات تدور مالقيت لدرجة إنك تنازلت عن العمر حتى لو تجاوزت الثلاثين وأنت ما بعد وصلت الثلاثين .....وأنت ماعليك قاصر : عمرك تسعة وعشرين وراتبك قرابة العشرة ألاف وتحمل شهادة الثانوية...........الله المستعان......قال شكلي مثل سالف الشيبان : لازم أدفع نصف مليون عشان أشتري شريكة العمر..
قلت هالسالفة لأخو المهندس : ف. س. : قال أخوي : المهندس : مدير قسم .........في ........عمره لم يصل الثلاثين ....وراتبه حوالي الأربعة عشر ألفا صار له خمس سنوات يدور مابعد لقى ...وترى لك اللي تبي لما تحصل له .............قلت شكلي بشتغل خطاب عشان سواد عيونك.......
هذه قصص ومآسي شباب : يبحثون عن الحلال والاستعفاف وليست هي من نسج الخيال كلهم أصدقائي وزملائي ........فلا تلومونا ايتها البنات إذا تزوجنا من الخارج ...........ونسمع عن العنوسة وإن من البنات من تقول خذوا شهاداتي وأعطوني كلمة ماما ........لقيناها مجرد كذبات تثير العواطف............
هذا وللحديث بقية ، ولكن العجالة أخذت حظها ؟وأتمنى من البنات خاصة التفاعل في هذا الموضوع؟
أخوكم : واحد وده يعرس .