عالم الحياة الزوجية - منتدى

حلم السنين · 10-01-2007, 01:55

السلام عليكم

شخباركم نو اعم انشاء الله تمام

حبيباتي من متى وانا حابه اكتب هالموضوع بس المشكله ما اعرف في اي قسم انزله

حبيت بهذا الموضوع انه كل وحده تتكلم لنا عن

"الاحتفال في ذكرى يوم الزواج"

طبعا مافيه وحده ما اتحب تحتفل في هذا اليوم مع زوجها

فقلت شو رايكم كل وحده تكتب لنا شو عملت في هذا اليوم

وشكثر خذت وقت على بال ما اطلعتلها فكره حلوه اتنفذها واتنسقها واترتبها

وشو الفكره الي طلعت معاها

والديكورات الي سوتها والحركات الرومانسيه الحلوه وتنسيق الالوان

وشكل لبسها (اتعرفون في منهم يحبون يغيرون في اللبس كاختيار زي معين من دوله اخرى مثلا)

وحتى الهدايا الي اشترتها لزوجها وكيف غلفتهم

والهدايا الي وصلتها من زوجها

واخر شي شو كانت ردت فعل زوجها وهو الاهم من هذا كله

يعني نتبادل الافكار والخبرات

علشان يكون احتفالنا الجاي احلى واحلى

ويالله شدوا حيلكم وخلونا انسولف وانتونس بسوالفكم

منقووول لاني حبيت هالموووضووووع واحب اكون فضوليه

دكتور الكفت · 10-01-2007, 02:42

متابع

V~~**lolo love**~~V · 10-01-2007, 03:11

لسه باقي على عيد زواجي الاول ستة شهور يعني انا لسه عروس

sweetygirl · 10-01-2007, 12:02

المشكله ما في حد رح يعطينا افكار
وانا كمان لسا عروس

حلم السنين · 10-01-2007, 13:30

جايه اليوم اقووووول لكم التجهيزات الا اخذتها وبسويها حق يوووم عيد او ذكرى زواجي الاول وابيكم اتساعدوني اذا في اضافات اقدر اسووويها اكثر

اولا: اشتريت الهدية وهي عبارة عن طقم عطوووور وحطيتها في صندوووق وجهزتها بطريقه روعة + اخذت حمامة لونها بيضه وهي في العش وفيها نوع حلووو من الحلويات الا يحبها زوجي وعند جناح الحمامة فيها قران كريم وهذي افضل هدية وفي هالعش ورد لونه احمر صج عجيب
ثانيا: اشتريت ثلاثة انواع من الشموع ( شموع على شكل شجرة ولونه بيج وعجيب شكله واخذت شموع لونها حمرة وبشكل فيها على قلب ولها رائحة اتجنن واخذت شمعتين كبار لونها احمر على بيج على برتقالي)
ثالثا: اخذت لها شجرة وزينتها لان هو ايحب هالنوع من الشجر وبعلق في الشجرة صور عرسنا
رابعا: اشتريت له نوع من الحلويات وجهزتها بطريقة تغريه
خامسا: باخذ له باقة ورد
سادسا: وصيت على كيكة نفس كيكة يوم زواجنا
سابعا: عرضت فترة هالسنة الا عشتها معاه عن طريق بوربوينت
واما بالنسبة الى الحمام بحطى فيه شموع وبس لان زوجي ما يحب الا شي البسيط
واما بالنسبة الى الصالة هي المكان الا حنتفل ابه بخلي في البداية اول ما يجي من بره زفه نفس الزفة الا دخلنا عليها يوم زواجنا عشان يستدعي كل ذكرياته وعقب بحطى موسيقى كلاسيكية عشان ايصير الجوووو روعة وان شاءالله احاول انزل لكم صور عقب يوم عيد زواجنا واحكموا بنفسكم وبحاول اغير من حركة الطاولات عشان احطى عليها الاغراض وبحطى على هالطاولات قطعة شيفوووون لونها احمر وبنثر عليها ورد مجفف وبحطى فوووق وحدة من هالطاولات الشموووع ورود المجفف وباقة الورد
وعلى الطاولة الثانية بحطى بعد قطعة شيفووون وبحطى عليها الهدية
والطاولة الرئيسية بحطى عليها شيفووووون احمر وبيج بحطى عليها بعد ورد مجفف والكيكة وكاسات العصير والعشاء
وبحطى على الارض شموووع الحمرة وبحطها على هيئة قلب وبكتب بداخلها باوراق المشموم احبك عشان تغير ما يصير كل ورد
واما بالنسبة الى غرفة النوم بكتب على قطعة قماش ابيات شعر وبحطها على السرير وبغير كل شي مخلتنه في الغرفة من ديكوووور عشان ايحس بالتغيير وبحطى فيها شمووووع بعد لونهم وردي
هذي بالنسبة الى الهدية والى ترتيب شقتي الصغيرة
واما بالنسبة لي بروح اصبغ شعري واقصه وبلبس فستان فيه طرحه بس مو لونه ابيض لان زوجي يسمع من ربعه ان زوجاتهم دائما يلبسووون لونه ابيض بس انا ابي يتفاجى
وطبعا شريت لي قميص نوم لونه جديد ايجنن والله احس اني توي بتزوج وحتى من وناستي وانا البس الفستان حسيت اني عروس والله
والله خاطري حتى البس عدسات بس زوجي ما يرضى وما ابي اقلب هالليلة من وناسة الى جحيم
وبحاول اقلب كل شي فيني هههههههههههه
وسويت له بطاقة دعووووووووة وفيها صورته وطلعت البطاقة حلوووووووووة وانا امس عطيته اياه عشان ايكووون عنده خبر بهذي الليلة عشان ما يكووون مشغول مع ربعه
وبحطى بالونات املووووووووونة في كل شقتنا

وان شاءالله يستمتع هو معاي بهذي الليلة وكان ودي اسووووووي اشياء وااااااااايد بس ما كان فيه وقت وكان عندي امتحانات القبول

هذا الا سويته انا وكان مستانس واذا قدرت بنزل لكم صور

][حبيبة زوجي][ · 10-01-2007, 14:10

الله يهنييييييج ويسعدج يا بعد قلبي انتي...

بس يالييت تبتعدين عن صيغة :
أنا سويييييت , انا كتبت , انا اشتريت , انا انا انا ....

يعني خليكي تعطينا معلومات بصورة عااامة أشوف انها افضل ...

وممكن تقولي ان هذي الامور ممكنه وانا اسويها ..
لكن لا تفصلي عن حياتك ... لسببين:

الاول: عشان تبعدين عن المحاذير الشرعية .
الثاني: عشان ما تصابي بالعين أو الحسد ...
بعدها تقعدي تضربي أخماس بأسداس ..

تحياتي لك بحياة هااااااااااااانئة وسعيييييييييييييدة ولذيييييييييذة من كل قلبي
:
:
:
على فكرة احنا ماعندنا غير عيدين
عيد الفطر + عيد الاضحى ..واسمحيلي لاني ما أحتفل بأي عيد أو ذكرى غيرهم.!!!

وبالنسبة للافكار يااااااااااااااااهي عندي بلاوي ...
بس مو لعيد او ذكرى ..

تحياتي لك واتمنى انك تتلقي كلامي بسعة صدر يا حبيبتي...

قاصدة خير

الشوكلاته · 10-01-2007, 14:46

..لا ولم ولن يكون لنا عيد زواج .....................؟؟اولا لان زوجي مطوع ثانيا انا ايضا مقتنعه بالعيدين .الفطر والاضحى.............؟؟؟

................على فكره احنا كل جمعه عندنا حاله استنفار من الصباح ..؟؟

الكل يتسبح..ويلبس ويتعطر...................؟؟كاننا في عيد ....؟؟

........حتى انا مااسوي غدا ...؟؟اتفرغ للقراءه والدعاء....؟؟

....بعدين اما نجيب غداء او نطلع نتغداء برى.....................؟؟؟

.نوسع صدور البزران ...؟ودمتم.[

sweetygirl · 10-01-2007, 15:09

افكارك حلوة

حلم السنين · 10-01-2007, 17:53

شكله الموضوع ما عجبكم خله يحذفونه احسن

وصال22 · 10-01-2007, 19:59

هلا حبيبتي
الموضوع بيجنن وانت افكارك بتجنن وبتعرفي اني ما بجامل لاني استفدت منك
الله يهنيك وينجحك بالدراسة
مشكورة يا احلى حلم

ساحر مدينة أوز · 10-01-2007, 20:03

لا خله

انا بعد ابي استفيد
حق زوجة المستقبل

هههههههههههه

تقديري

الدنياحلوووة · 10-01-2007, 21:21

واللة موضوع يجنن...يسلمووووووووووووو

وبالنسبة لي انا صارلي مع زوجي عيدين..........
والعيد او الذكرى الاولى لزواجنا كانت مخيبة للآمال لان زوجي ما يحب الحركات هذي ولا الاحتفالات ...
وانا سويت زيك شموع واضاءة خافتة ولبست وتعطرت والكيكة والورود وكل شي ...
بس ما كان في قبول من زوجي فقعدنا عادي .........
وقال لي هذي اخر مرة تسوي كذا......ونكد علي يومي....اهأ هأ اهأ....

والذكرى الثانية انا كنت مسافرة وتركته لحاله >>>>>>احسن على شان يحس فيني.....

وهنينا بعض بس عالجوال..مسجات حب وغزل ..واشياء ثانية....

بس تصدقون انبسطت فيها اكثر>>>>>>>لان مافيها نكد
والبعد يشغل الشوق بيننا ..... ويزيد الحب اكثر واكثر.....

وبس .......وسلامتكم.....
..................................................

أرق الورود · 11-01-2007, 04:09

ممكن بس تعليق على اللي كتب انه ما يعترف الا بعيدين والبعض بأسلوب هجومي على البنت المسكينه

مع كل احترامي لإعتقدهم وعتقاد ازوجاهم وممكن يكون لنا بالسنه عيدين وممكن بعد نغير كلمة عيد الزواج بذكرى الزواج ليلة العمر المثلي اللي كل أمير خطف فيها اميرته على حصان ابيض

((((((((((( ذكرى زواجي ))))))))))) مجرد الذكرى تستحق لمحه من الإعاده والتذكير بها وليس عيد زواج دون هجوم انما هي ذكرى لليلة العمر رغبن في استعادتها والغشكال كله في اسم

حبيبة زوجها احتفلت احتفال ظخم لما رجع زوجها من السفر وذكرت الاحتفال مع صور قمصان النوم وصور اسره وهو احتفال بقدوم زوج هي احتفلت الملخلوقه بشكل بريء بذكرى زواجه وين الفرق حرام يا عالم خل نفتح عقولنا شوي ونفهم المعاني قبل لا نحكم ظاهريا

حنين الانين · 11-01-2007, 04:55

يعطيك الف عافيه افكارك تجنن وكلك ذوق

الله يهنيكم ببعض وتسعدو وتستانسو دوم يارب

اختك ... حنين الانين

حلم السنين · 11-01-2007, 22:23

مشكورين عمري على الرد

ومشكورين على انكم خليتوني اعيد ثقتي بنفسي عقب هالهجوووم الا كان عليي والله يسامحهم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سوالف يوم ذكرى زواجك ... تعالوا ونسونا وعلمونا