 |
 |
 |
||
|
|
|
||
 |
|
 |
هذا الموقع مخصص للعلاقات الزوجية المهذبة و الثقافة الجنسية و لا يتضمن أى صور أو أى مواد مثيرة و لكن به من الموضوعات مالا يناسب من هم أقل من 18 سنة.
|
|||||||
| عالم الحياة الزوجيه نصائح للمقبلين على الزواج , أمور مهمة في الحياة الزوجية , أفكار رومانسية , مفاتيح نجاح الزواج |
 |
|
|
LinkBack | أدوات الموضوع | انواع عرض الموضوع |
11-01-2007, 23:26
|
#1 (permalink) | ||
|
كاتب متميز
 تاريخ التسجيل: 29-12-2006
المشاركات: 157
|
X-اذا بغيتي تعرسين... اذا بغيت تعرس.. من طق طق للسلام عليكم-x
هاااااااااي شباب وشابات كيفكم .... طيبين ان شاء الله
اول شي هذا موضوع نبي منه الفائده... المتضمنه... الموضوع هذا انا الي كاتبه بمنتدى قبل ثلاث سنوات لكن بعد ما سجلت بالمنتدى هنا قلت ابفيدكم فيه لكن انا الي كاتبه ونقلته لكم من المنتدى الاخر الي كنت فيه الموضوع هذا عن طريقة معاملة الزوج لزوجته والزوجه لزوجها ... لان اكثر اسباب الطلاق تنتج من سوء التفاهم واللجه والهواش ... والتعصب للرأي وابمسط لكل جنس طرق وتلميحات لكسب الجنس الاخر <<<<<< تحلف انهم يتغازلون!!! .gif "يا هلا والله") اول شي نبدأ بالبنات والصبايا : <<<< وش الفرق>>>>( البنات = بنات عاديات . الصبايا = فل اوبشن مع تنده اشقر وممنوع من العيال قراءة الجزء هذا علشان ما يعرفون طرق الحريم ووسائلهن .... اوكي شباب لا احد يقرأ... الجزء الخاص بكم بعد هذا <<<< افلقني ان ما قروه كلهم اول شي عشان نبدأمشوار الحياة الي ما ادري كم كيلو وكم تفتيش فيه لازم نرسخ قواعد المحبه ونحط فيها اصياخ 12 ملم علشان تكون قويه وما تتأثر بعوامل الزمن قواعد المحبه تبدأ مهب من الزواج ولكن تبدأ من التملك يعني اذا خطبتس واحد ووافقتوا وملكتوا له حاولي تراسليه من خلال الماسنجر مثلا وترسلين له باقات وورود ولو الدعوى كله هلش لكن علشان تزبط العشره وتزين العلاقه من اول شي يعني مثلا اذا صرتي مطخطخه فلوس ارسلي له هديه مثلا جوال جديد أوعلبة فيها دهن عود اصلي وفاخر المهم يكون فيه تواصل بس لا يكون التواصل بالكلام مثلا بالجوال لان الجو يخرب وتصير ليلة العرس ما له طعم اللقاء<<< فيمتو واذا جت ليلة العرس اكيد يبون يخلونه يدخل عليتس بغرفة بالقصر .. الغرفة هذي حاولي ما يكون فيها الا ام الولد وامتس ووحده او ثنتين من خواتس او خوات الولد فقط ... مو مثل بعض العروس الي تلقى كل القصر جايين بالغرفة والعروسه صاير وجهه كانه زيت دركسون احمر <<<<< ياشينك اذا بغيت تشبه .gif "حسااافه") المهم يكون العدد قليل مره من اجل الرومانسية وياليت يكون الضوء احمر على خربزي <<<<< ترا خدودي صارت حمر وانا اكتب واذا صرتي سمينه واصابعتس كنها اصابع شابوره فحاولي قبل بفتره انتس تسوين رجيم لأحد الاصابع مهب كلهن علشان الخاتم الي جايبه الزوج او ترسلين له رساله بمقاس الخاتم و كم يكون قطره من متر ... <<<<<< احس ماله داعي اذا جاء يبي يحط الخاتم باصبعتس لا تقعدين تخبين ايدتس ولا يالله تمدينه له .... خلي عندتس جرأه ومدي ايدتس على طول <<<<< اخاف ناسيالخاتم ويقول وش تبي ذي<<<<< تطر وشئ طبيعي انه يبي يسلم عليتس بطريقة المصافحه بدون تقبيل الخد او الشفه T لان الجو مايسمح وذلك لوجود عجز معتقات لذلك ارفعي ايده وقبُليه تقبيل خفيف مهب جغف لانه اكيد يبي يصير ضعيُيف من همُ العرس ويمكن تنشخف عروقه ويموت وتقعدين عاد ملحطه قبليه بشويش ... وقولي له : اهني نفسي لاني صرت زوجه لرجل طيب مثلك وابارك لك هذا الزواج وان شاء الله يدوم ما حيينا وعطيه من الرخيص... واذا كان فيه حلاو او عصير او حلى حاولي تأخذين وتدسينه بأثمه بشويش لأنه يبي يصير ناشف حلقه وقبل هذا لازم تكونين جالسة جنبه مو قدامه وخليتس على يساره وهو على يمينتس واذا حصل كاميرا فيديو فما فيه مانع بشرط الي يصور وحده موثوقه وتعرف للكاميرا عشان ما تطلع الصوره كلها اهتزازات وحركات ماله داعي واذا خلص التصوير على طول خذي الشريط معك للبيت ولا تتركينه معهم ابد لانه شريط وثائقي هام ثم عاد وش تقعدون له .... لأنتس منتب قايله شي ... اكيد مستحيه ..<<< ايه هين نشوف عقب شهر وش يصير هالحياء لذلك لمحي لأهلتس او له ان خلاص نبي نقوم ما عاد الا خير ..اذا قام هو لا تمشين قدامه ..خليتس وراه وهو الي قدام علشان يفتح باب السياره .. انتبهي من الببسي الي يصير كابينه العيال الشياطين عند باب الغرفه لانهم يبونه ينسحب مع ثوب العروسه <<< هالشي حاصل من فتره اذا ركبتي السياره .. شوفي لا يصير احد راكب ورا قبل ما تبدين تتميلحين على رجلتس على بالتس خفيفة دم ... وهو الافضل انه ما يركب احد معهم علشان ياخذون راحتهم اذا دخلتوا البيت <<<<<<< بدأ الجزء البرايفت واتمنى انه ما يحذف ..... حاولي تكونين قريبة منه لانه يبي يحس ان عنده زوجه وان آماله تحققت ولا تكونين بعيده مثلا اذا راح للصالة قعدتي بالغرفة او اذا راح للغرفة قعدتي بالصالة خليتس لصقه له الا الحمام ... ويا حبذا يكون فيه احتكاك بالجسم لانه اقرب في الموده .. ولا تقعدين تصايحين على بالتس فارقتي اهلتس لانه مهب وقته ....تلايطي وامسكي روحتس... اذا صرتوا بالبيت لا تروحين لغرفة النوم على طول علشان ما يفهم الزوج الوضع غلط لكن اجلسي على الكنب بالصاله وأكيد يبي يكون فيه عشاء او عصير او اي شي يوكل مجهزه اخو العريس ... انتي بدورتس قومي كأنك تبين تجيبين الحلا او العصير ...ثم هو يبي يقوم ويقول لا يا حبيبتي استريحي انا الي اجيبه <<<< نبي نفس هالسيناريو بعد 20 سنه اذا جيتوا تنامون افصخي ثوب الزفاف لانه ما تقدرين تنامين به من كبره والبسي اي شي ثاني ... يكون متحفظ ...لانه مهب معقول تبين تطبين جميع وقومي مبتسره الصبح يعني حوالي الساعه 8,5 الى تسع وخليتس قرمه وصلحي الفطور ...وهالشي رايح يترك انطباع بفكر الزوج مدى الحياة وخاصة انه من اول يوم لا تقعدين تتكلمين عن السفر ...اسكتي الين هو الي يقوله ويقرر <<<<< الا اذا انتي تبين تدفعين الحساب .... عاد تكملين حياتس حسب الوسائل التالية : من وسائل الحفاظ على استمرار الحب والموده داخل المنزل الواحد وبين الزوجين للمراه : دائما الزوج يحب المرأه الي تكون موافقة له بأفكارة مهب المرأه الي كل ما قال شي الزوج او عبر عن فكره او رأي قالت لا هذا ما ينفع او مهب زين او وش تبي فيه لان الزوج بطبيعته يتضايق من هالاشياء فحاولي انتي علشان تكسبين مودته وحبه انتس توفرين له سبل الراحة وتتنازلين عن بعض انماط سولكتس وعاداتس القديمه... يعني اذا صار هو ينام الساعه 11 وانتي متعوده على الساعه 1 بالليل .... لازم تأقلمين نفستس على الساعة 11 مثلا اذا جاء موعد جيته من الدوام رتبي نفستس ولا يكون الشعر كنه اسيام متفرقه لكن خلي شكلتس حلو ومرتب مع العطر الي يفضله هو<<<< لانه فيه ناس تكره الفانيلا وانا منهم... ولباس جذاب وانيق ... ولا يمنع ان يكون اللباس فيه شبه تعري او تعري كامل في نوعية الملبس لانه لاحرج بين الازواج بشرط يكونون معزولين عن باقي الاولاد اذا كان عندهم اولاد اما اذا كان ما عندهم أولاد فياخذون راحتهم بالبيت مثلا تلبس جنز شاد وتي شرت ملون وتكون فاكه شعرها <<<<< بدت ايديني تتنافض .gif "بررربربربرب هههههه") ايضا من ناحية مراعاة نفسيته لان الرجل اذا جاء من الدوام يكون غالبا متضايق من الشغل والتعب وكثرة المراجعين وزود على هذا الحر الي يشوي الكرتيل السفلي<<<< يفهمونه الميكانيكيين فأنتي لا تتوقعين منه انه يبي يفج لتس خشته من يوم يدخل وان كان المفروض انه يفعل لكن الظروف لها أحكام حاولي انتس تقدًَََرين لوقت مجيئه من الدوام وتجلسين بالصاله واذا سمعتي باب السياره او صوتها خليتس حول باب الشقه عشان واحد من الاثنين يطبع بوسه حلوه على خد الثاني اول ما يدخل .. .gif "احبكم") على طاولة الأكل حاولي تكونين امامه ويكون بمنتصف الطاوله ورده... او شمعه <<<< ما ننصح فيها بهالجو... وياليت يكون الغدا كل يوم شكل او كل يومين يعني اليوم رز مع سلطات وبكرا سمك مقلي والي بعده فطائر <<<<< ايه هين الغدا فطائر .... ثاني شي انه يجب عليتس ان تشاركينه همومه واعماله المنزليه مثلا عنده اوراق يبي يصححها او يبي يجمعها او مراجعة ملفات تجلسين انتي واياه بالمكتبه وتساعدينه ويتخلل هالجو نوع من الضحك والابتسامات والقبلات الحلوه ويكون فيه مسح على الخدين او تشابك الاصابع<<<<< حتى الآن ما اقتنعت انه تطبق على السعوديين رتبي مواعيد خروجتس للسوق ولأهلتس يعني مهب كلما صارت عزيمه ركضتي له لان الرجل متزوج وحده يجلس معه ما تزوجها علشان يصير سواق وبعدين اذا طلعتي خارج البيت لا تسهرين الى آخر الليل ...لان الليل هو اهم شي بالحياة الزوجية <<<<< ياشين القروي الي ما يعرف يعبر واذا ما جيتي بالليل اجل متى تجين .... العصر؟؟؟؟ وتذكري انه له حق وانتي ايضا لتس حق لكن هو في الغالب يؤديه على اكمل وجه<<<< مااعرف اعبر غير تسذا.... في غرفة النوم يشتكي الكثير من الازواج والزوجات هجران الآخر وذلك بسبب غياب الموده والرتاحم والمحبه بينهم لكن لو هيأوا الجو للمحبه وصار فيه تفاهم واحترام واعطاء لكل واحد حقه الشرعي كان تلقاهم على خير ... وزياده على هذا لا زم يكون الجو الحسي مهيأ يعني يكون فيه مكيف سبلت هادئ مهب جنرال الي كل سنه تربطين بيتس.. من ازعاجه وصوته المزعج <<<< وش الفرق؟؟؟ ويكون الفراش وثير ومن النوع الي يجلب الراحه والنوم الصحي مثل كينج كويل وسليب هاي وسوفت دريمز <<<< وش عرفك بهن ؟؟؟ وياليت يكون فيه اضائه حسب الذوق يعني اما تكون حمراء فاتح وهادئ او اصفر خفيف جدا ويكون صادر من الاباجوره وتتحكمين بالاضاءه وعند النوم ايضا اذا صار الزوج يبي ينام وانتي ما بتس نوم روحي لم الفراش وانسدحي معه واذا اشتغل الشفاط وبدا يشخر قومي لم التفزيون او اي شي ثاني...هماه مابتس نوم..اهم شي تتحسسينه بالمشاركه ... اذا جلستوا بالصاله والتلفزيون شغال ..لا تصرفين كل نظرك للتفزيون وحاولي تكونين مستمعه لزوجتس اذا بدا يسولف لانه اكثر الحريم وهو يحتسي عليه زوجه تقول ايه ....ايه ....ايه وهي مهب لمه اصلا ومطيرتن عيونه بالتلفزيون وماتعطيه وجه ابد لا تكثرين الاسئله مثل وين رحت له ...منين جاي ...منهو الي اتصل عليك.... وش يبي ذا ...لان الزوج يبي يحس انه مراقب وفيه احد يتابع حركاته ....ابد خليه على راحته واذا صار رايق هو من نفسه يبي يقول لتس عن كل شي فيه شي ثاني مهم بين الزوجين وهو عبارات الكلام بينهم ونوعيت المفردات ...مثلا تلقى زوجين عبارات الكلام الي بينهم عسل وحلوه مثل ياحبيبي... يا نظر عيني ... سم يابعد عمري... آمر يالغالي... ويكون اللفظ ناعم ولا تكلمينه بخشونه ... لانتس اذا كلمتيه بخشونه يبي يشك انه متزوج طعس مهب مره ... وحسسيه انتس تحبينه بقوه وانتس ما تتخلين عنه ابد مهما كانت الظروف لان هذا الشئ راح يعطيه راحه نفسيه وبعدين الكلام سهل وما يبي شي لكن بعض الناس يستصعبه ويكون ثقيل على لسانه لانه ما يمنع كل كلمه والثانية تقولين يا حبيبي وتصغرين اسمه وتنادينه يا ابو فلان ... هذا بالاضافة الى الأبتسامه على الوجه الي المفروض ما تفرق وجهتس ابد...لانه بعض الحريم اذا صار فيها نوم تلقاها عافطه خشته ولا له خلق تكلم احد من ناحية التلفون ... حاولي انك ما تكلمين قدامه ابد ... واذا اضطريتي لهالشئ فقولي له بعد المكالمه مباشره انه هذي فلانه تبي رقم فلانه مثلا او تبي طريقة هالطبخه مثلا لان الرجل بطبيعته يغار على زوجته وهذا دليل الحب وما يبي اي احد اجنبي يكلمها ... من ناحية الاولاد فحاولي ان اهتمامتس بهم ما يصرفتس عن اهتمامتس بزوجتس واعتبري الزوج طفل كبير.. اما باقي الامور الليلة فما نقدر نتكلم فيها لان فيه من هم دون الــ 18 يدخلون المنتدى وما يدرون وش السالفة هذا لكن يالبنات ... وورونا شطارتكم وجربن كل هالامور وان شاء الله تبي تجيب نتائج جيده ..لاننا نتمنى حياة سعيده لكل اسره وأخيرا ضفن وجيهكن جاء دور التماسيح... انتظروا الرد الثاني __________________ |
||
|
|
|
11-01-2007, 23:38
|
#2 (permalink) | ||
|
كاتب متميز
تاريخ التسجيل: 29-12-2006
المشاركات: 157
|
رد على: X-اذا بغيتي تعرسين... اذا بغيت تعرس.. من طق طق للسلام عليكم-x
هاه يالعيال عساكم ما قريتوا الي فوق ...وانت يالبنات خلاص ضفن وجيهكن <<<<< وين الي يحتسي عن الاسلوب
انت يالمقلع اذا بغيت تعرس لا تقعد تشرط على اهلك ... ابي وجه باسكال وبوهة زينب ... ومقفى شاكيرا ومن هالكلام خل مواصفات عاديه ومعقوله وما فيها تكلف ابد ... لان الي يبي يطلب هالمواصفات ما يلقاهن الا بالـصـ(اقرأ التعريف الي فوق بس). .. وبعدين ركز على قضية الدين وما ينبغي انك تبحث عن وحده متدينه دين غلط ..لانه اكثر البنات ماسكات الدين غلط وصدق الرسول صلى الله عليه وسلم (ناقصات عقل ودين ) يعني تجيك وحده لو تقول له افصخي ثوبتس قالت عيب ..ياللي ما تستحي ...يالي فيك مافيك ...هذا وانت زوجه اجل وشلون لو منتب زوجه اذا حصلت لك بنت الحلال فدور لك على شقه حليوه ولا تتكلف وتذكر انه ( ابركهن ايسرهن ) واهم شي يصير عندك ذوق بالاثاث ونوعية الخامات والتنسيق بينه واهتم بالغرفة حقت النوم وحاول تكون توفر كل مزايا الانبساط والفله ... وتكون وسيعة مهب ضيقة يالله الواحد يفترك... اذا تملكت من خطيبتك راسلها بالهدايا وبالورود مثلا ترسلها ساعه فخمه او عقد ألماس او سواره وحاول ان الهدية تكون مبسطه وما فيه اي كلافة وقبل العرس بيومين رح لم حدى هالحلاقين وخله يسويلك فورمات من جديد بنظام ان تي اف اس ...وينتف شعر الرقبة من جذوره ويسوسلك تنظيف وجه <<<< اخاف تسدد مجاري الحارهيعني بالعربي يسوي لك اعادة تهيأه ويشفط الدهون الي براس الخشم وفيه شي عند الحلاق اسمه ليزر يستخدم للتنظيف واذا ما نفع جب مكينه لحام وعساه تفيد .... اذا كنت موظف طلع لك سياره كابريس ولا فورد او اي شي يواجه ويصير حلو ولا تشري كامري او مكسيما لانهن شبابيات وانت خلاص ودعت العزوبية .. واذا جت ليلة العرس اقعد بالبيت ولا تطلع للشمس لانه يمكن تصير من النوع المتقلب خاصة عقب ما سويت الفورمات للوجه وخذ لك دش حار علشان يربص الجسم واستخدم الصابون المغربي تراهم يمدحونه بالحيل ...والبس كنادرك وثيابك وارتز بالمجلس او بمجلس الاستراحه اذا كنت آخذ استراحه للإجتماع والله يعينك على الي يسلمون وترا فيه ناس تقصد الارباك يعني اذا جو يسلمون يقربون قوة علشان يطيح العقال وينحاس البشت انت انتبه لهم اذا مشيت للقصر على موترك او الموتر الي مستاجره للعرس مثلا لكزس ال اس 430 او شبح او بي ام رح معهم للقصر وسلم على اهل البنت بالباب وادخل واقعد معهم وتقهوى وعين خير ترا اليل طويل ولا حقين على خير واذا جاء العشاء لا تقلط رح للغرفة الي بالقصر حيث توجد العروسه وادخل عليها واقعد بجنبه ولا تنسى علبة الخاتم باللكزس جبها معك وفك العلبة واحلته وخل الخاتم معك بالمخباة وسلم عليه بدون تقبيل <<<< قايلين لك رصيد البطاقة 4ساعات الى الفجر واذا لبسته الخاتم بآخر اصبعين على اليمين ارفع ايده وقبله بشويش ثم بارك له بالزواج وتمن له الحياة السعيده معك وجب لك كاميرا فيديو ولقط من هالصور وركز عليها اذا صارت الكاميرا لك ...والي تصور اختك او امك <<<< اخس امه ديجيتال.... ثم خذ لك حلاو او مصيصه وحطها باثمها بشويش علشان ماتغص او شربها العصير وهي نفس الشي تبي تزين لك اهم شي لا تقرا الي فوق ثم خذه واطلع ورح لبيتك اذا كانت البنت عند اهلها وبيتها.... لا تدخل عندهم بالقصر لانك وش تبيبهم الغرض وبالبيت مهب بالقصر يعني ماعندهم سنع ... ارجع للكزس واركب ورح للبيت حيث توجد المحروسه حرمك ولا زم يكون واحد يمشي وراك مثلا اخوك او اي واحد من اقاربك علشان لو يتعطل الموتر او تصدم <<<<< هو وقته ... او يبنشر الكفر ...من يبي يزينه لك .... اذا جيت للبيت دخل الكزس بالكراج لانه فيه ناس عيارين يجون ينسمون وانت عندها...اذا دخلت سلم عليها وزين نفس الحركات الي قلناها لك بغرفة القصر بزياده انك تحاول تصير منفتح بالكلام وفاج خشتك وتضحك ضحك عقل مهب ضحك استراحات واهبال ثم خذ زوجتك وطس لبيتك اذا دخلت الشقه خلها تمشي جنبك او قدامك ولا تخليها وراك من باب المجامله بأول اللحظات وقبل هذا قل لأخوك يجيب لك عشاء من افضل المطاعم بديرتك واذا مافيه مطاعم جرب الاندومي تراه زينه وتنفع اوقات الازمات .... اذا جاب العشاء لا تخليه يرقى للشقه ثم يقعد يطلطل عليك ...انت انزل وخذه من السياره وخله يذلف ...ثم جب العشاء ورتبه على الطاوله وقله عشاتس اليوم عندي<<<<< ما يدري انه كل يوم العشاء عنده ورتب الطاوله ويكون فيها ورده ومعطره وانواع العصير وخل طريقة اكلك مثل الطريقة الفرنسية الي ياكل الواحد وحنكه ما يتحرك <<<<< لاتسألون وشلون يعني يكون المضغ بدون صوت وسلس بحركه ديناميكيه متطوره <<<< صار ماطور بنز مهب حنتس ولا تأكل كثير علشان ما تاخذ الزوجه فكره عنك ثمن تهد الميزانية اذا بغت تصلح لك غدا ... كل أكل خفيف علشان تصير نشيط لقيام الليل ....<<< ايه هين قيام ليل تكلم معه عن الحياة وامور الزواج وانك تبي تحطها بعينك ... وانه ينبغي يكون بيننا تفاهم <<<< مهب لازم اول ليله يعني بعد اسبوع كذا خلك حولها وحسسها انك صاحب شخصيه ذات فن في التعامل واسلوب الكلام واختزال العبارات... اجلسوا اول ليله الى الساعة تقريبا 1 او 2 لانه عندكم قومه بالصبح ويبون يجون الشايب والعجوز يتطمنون على الوضع وان الامن مستتب واذا جيت تنام البس قميص النوم ....لا تنام بفنيلة وسروال ...<<<< الله يفشلك ولا تجدع روحك جدع على السرير... ولا تنام على طول ...ولا تسحب البطانيه كلها ثم ما يبقى له شي... اضبط كنداستك من الصوت وتأكد ما فيه اي تهريبات او اصوات شخير <<<<< الأباجوره تهز من الشخير اذا قمت الصبح انقز للمطبخ لاول يوم وصلح فطور ومجموعة من النواشف وشكشوكه وطحنيه <<<<< ياقدمك ثم ارجع للسرير وقومها بشويش وامسح على شعرها وراسها ولا تستعجل عليه خلها تقوم وهي مروقة واذا على الشكشوكه نصخنها مره ثانية اذا جلستوا على الفطور خططوا وين تطسون له اليوم ....والباقي عاد عليكم تراي مليت من الكتابة .. من وسائل زيادة الموده والمحبة والتواصل بين الزوجين للرجل : المرأه بطبيعتها متقلبه بحالاتها النفسية يعني لازم تراعي هذا الشي وخاصة في وقت الدوره الشهرية ايضا يجب انك ما تشد عليها بالكلام بالعكس عطها كلام عسل مثل ...آمري يا حبيبتي ...هلا بالعنود ...هلا بالغالية ... واذا طبخت طبخ زين قلها تسلم لي هاليدين على هالطبخ لو طعمه يجدع التسبد ...اهم شي ما تكسر خاطره لانه المسكينه <<<<< شفتوا يالبنات قاعد ادافع عنكم... قاعده من الضحى بهالمطبخ ونفخ ونفيخ وهذا زايد ملحه وهذا ناقصه ماجي وهذا احترق وهذا ما استوى المهم انك ما تضايقها بشي لانك انت المستفيد من النتيجه ليلا وتبي تلقى وجه تعلوه الابتسامه والضحكات البريئه<<<< ايه هين بريئه ويفضل انك ترتب طلعه اسبوعية معها مثلا للمنتزهات والحدائق وتتعشون برا ويكون جو رومانسي داخل الفورد ومشغل اغنية وموطي صوتها مره<<< ما اقتنعت وبالنسبة داخل البيت حاول يكونا لجو هادي ومافيه اي ازعاجات وتكون طريقتك بالمناداة خفيفه مهب مزاعق وهواش اذا شفت شي غلط بالبيت علمها عنه بطريقة المعلم يعني مو تقعد تلج وتهوش والدعوى ما تسوى وصدقني ان الاسلوب اللطيف يجيب نتيجه افضل اذا دخلت من الدوام حاول انك تتبسم وتقبلها قبله خفيفه واذا لقيتها ما طبخت اتصل على طول على غوزي واطلب ذبيحه ولا تقعد تقول انتي وانتي عشان غدا بعشرين ريال ...اذا منت دافعهن انا ادفعهن عنك ....قل للمطعم على حساب عريس بقراطيسه الي هو انا حاول انك ما تتدخل بينها وبين اهلها وياليت تنظم روحتها لأهلها يعني مه بكل عزيمه تنقز بها ... هذي بعض الحلول للعيال وهناك حلول ونصائح اكثر منالي قلته لكم لكن والله مليت من الكتابة واصبعي بدا ينتفض <<<< اتوقع انه يبي تشحيم تحياتي لكم واهم شي انه يعجبكم موضوعي وان البنات ما يقرأن جزء العيال والعيال ما يقرأون جزء البنات ... واتمنى لكل عائلة وكل زوجين بعد هالزواج بهالعطله انهم يتوفقون بحياتهم على فكره انا تراي عزوبي .....<<<<< بس ما ابي افتح الخاص والقى 3000 رساله... اعقلوا واخيرا سلاااااام من الله عليكم وعليكن عريس بقراطيسه __________________ |
||
|
|
|
|
12-01-2007, 13:49
|
#3 (permalink) | ||
|
عضو نشيط
تاريخ التسجيل: 11-01-2007
الدولة: INSIDE UNIVERSITY
المشاركات: 71
|
رد على: X-اذا بغيتي تعرسين... اذا بغيت تعرس.. من طق طق للسلام عليكم-x
شكرا شكرااااا شكراااااااااا الف لك على هالكلام المناسب للجميع
__________________
أعمالنــــــــــــــــــــــا بـــين القبول وردهـــا إلا الصلاة على النبــــي محمــــــــد اللهــــ صلي ـــــــم علـــــ محمد ـــــى وآل محمـــــــــــد __________________ |
||
|
|
|
|
12-01-2007, 16:51
|
#5 (permalink) | ||
|
عضو نادي الألف
تاريخ التسجيل: 01-12-2006
الدولة: الريـاض الشهبــاء وقريبــا جدة غيــر
المشاركات: 3,326
|
رد على: X-اذا بغيتي تعرسين... اذا بغيت تعرس.. من طق طق للسلام عليكم-x
ترى انا ماقريت حق العيال
موضووووع مرررررررررررررررررررررررة يجنن والاسلوب يجننن مرررررررررررررررررررررة الله يوفقك ياعريس وتعيش احلى حياه زوجيه ومررررررررسي اووي اووي ياخوياا واعزمني عالزواج هاا؟
__________________
سبــحان الــله والحــمد للــه والــله أكبــر .. أذكــرووووونـي بالخــيــــررر ولااااا تنــسوووووني .gif "قهرررررر")
__________________ |
||
|
|
|
|
12-01-2007, 23:03
|
#6 (permalink) | ||
|
كاتب متميز
تاريخ التسجيل: 29-12-2006
المشاركات: 157
|
رد على: X-اذا بغيتي تعرسين... اذا بغيت تعرس.. من طق طق للسلام عليكم-x
هلا والله وغلا بكل الحاضرين ومشكورين والله على ردودكم وتشجيعكم
بس والله فشيله الي قروا الموضوع 133 والردود 3 فقط ليييييييييييش عطوني رايكم قولوا الموضوع زين ولا مو زين يالله نبي ردود __________________ |
||
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
الساعة الآن 10:26.
موقع حلوة - ابراج مكتوب - للرجال فقط - الثقافة الجنسية - الحياة الزوجية - اختبار القدرة الجنسية - للمقبلين على الزواج - الحمل و الولادة - اخبار الفنانين - كلمات الاغاني تجارة الكترونية - منتديات الامارات - اناشيد طيور الجنة - العاب - العاب بنات - صور اطفال - صوت الاسلام - الفراشة - عالم حواء - منتديات - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - بنت الحلال – زواج - اصحاب–تعارف - مدونات مكتوب – مدونات عربية - توبيكات - العاب بنات- العاب تلبيس-العاب ماكياج |
||||
العرض العادي
