عالم الحياة الزوجية - منتدى

عانس في عمر الزهور · 12-01-2007, 02:56

السلام عليكم ورحمة الله وبركاته
انا بنت عمري 20 سنة اعاني من مشاكل كثيرة بحياتي ولااجد لها حلا والسبب هو دعاء أمي منذ ان كنت صغيرة علي بالشقاء والهم في حياتي وجميع الاشياء السيئة
انا طالبة ادرس بالجامعة مستوى2 والمفروض ان اكون مستوى 5
منذ ان سجلت بالجامعة وانا من أتنقل من قسم لآخر حتى بلغ بي المطاف الى قسمي الاخير الذي لاأقدر ان اعطي فيه بقدر ماكنت اقدر ان اعطي لودخلت القسم الذي ارغبه
والسبب في تنقلي من قسم لآخر هو أن أهلي دائما لاتعجبهم الأقسام التي أدرسها مع انها اقسام حلوة مررررررررررة ولها مستقبل كبير بعد التخرج بس الشكوى لله
على رغم تحملي لتدخلات اهلي في اختيار مسار حياتي لكنهم لايقفوا عند هذا الحد بل دائما مايحالون حرماني من اي شيء أستمتع به او اي شيء احتاج اليه
فمثلا عند دخول الشتاء جلست شهر من غير ملابس وياله وافقوا يودوني السوق أشتري لي ملابس وكنت اداوم للجامعة بملابس صيفية وعندما يسألوني البنات ليش ماتلبسين وتتدفين احسن من انك تنتفظين من البرد كنت اقولهم مااحب البس ملابس كثيرة
ودائما مايقولون لي المفروض انت تصرفين على نفسك من مكافأتك وحسرتي على هالمكافأة 800 ريال وماتنزل كل شهر انا بسألكم وبكل صراحة جاوبوني800 ريال تكفي مصاريفي اللي هي(الباص 600ريال شهريا،فاتورة الجوال300_350،مصروفي اليومي، الكتب والملازم، البحوث وطباعتها،ملابس بين فترة وفترة يعني كل3_4شهور،رسوم الكشف في المستشفى عندما يكون موعد،علاجاتي،عطور،كماليات ........الخ)
انا اعاني من تدخلات اخواني واخواتي كثيرا ومن كلامهم الذي يقهر من جد مثلا اخوي يقول لابوي المفروض ماتعطيها مصروف مكافأتها تكفيها وزيادة والله لو هالمكافأة 3000ريال والمشكلة انه موظف وراتبه4500 ومايكفيه ويأخذ من أبوي والا امي اللي دايم تحسس ابوي ان مصاريفي اكثر من الاولاد ودايم تدافع عنهم مع ان فاتورتي تجي نفس فاتورة اخوي اللي أصغر مني أو أقل وتتعذر له عند ابوي بانه ولد والولد كل شيء حلال له ويسوي اللي يبي ويعطونه اللي يبي حتى لو يبغى يشتري جوال ب3000 ريال عادي أماأنا لا حتى ولوكنت مجموعة قيمته من مكافأتي يأخذونها مني ولاأشتري ليش المجتمع السعودي متخلف ليش عندهم الولد عادي والبنت لا
مثلا لماطلبت انا كمبيوتر لاني كنت ادرس بالمدرسة مادة حاسب شاور اخوي وقاله نشتري لها كمبيوتر والا لا فلما قال لا قالوا مافيه واي شيء يبونه اخواني ينفذونه لهم وانا لا
وليش لما اوافق على شخص تقدم لي يرفضونه بحجة اني مااعرف اختار وانه ماعجبهم مع ان مافيهم عيوب واذا تقدم لي شخص وعاجبهم وانا ماعجبني يقولون شايفه نفسك ومااحد عاجبك انا بفهم شيء واحد انا اللي بعيش مع الشخص والا هم انا اللي بتزوجه والا هم
وليش هم يبغوني اصير مثل مرت اخوي وخواتها اللي شايفين انفسهم ماادري وش عليه
ليش يتحكمون في تصرفاتي
ليش يتوقعون اني مازلت طفلة ومااعرف مصلحتي
مايكفيهم اني ماعمري كلمت شباب
انا ابغى اعرف ليش امي قاسية علي ودايم ضدي ودايم تنكد علي حياتي اكرهها كره مو طبيعي اتمنى لوتكون مو امي كل ماشفت شهادة الميلاد حقتي القى اسمها مكان اسم امي وحدة ماتحبي وتكون امي ماني قادرة اصدق لو انها ميتة كان احسن لي
أتمنى من جميع اللي قرأوا الموضوع لايتدخلون في القسم اللي تبغى تدرسه بنتهم
ولا يعذبونها ومايزوجونها الشخص اللي هي راضية فيه
ومايحاولون يحطون حواجز بينهم وبين عيالهم من يوم هم صغار
انا حبيت انكم تشاركوني في حل مشاكلي التي لاتنتهي
واتمنى انكم تدعون لي من قلوبكم بانفراج همي وانشراح صدري وحل اغلب مشكلاتي

ما انساك · 12-01-2007, 04:36

الله يعينك

>< عبد الملك >< · 12-01-2007, 08:54

اختي الفاضلة 00
سأكتب لك بعض الادعية 00

\\

(( يا ولي نعمتي وخالقي وملاذي اجعل سخطهم علي برداً وسلاماً كما جعلت النار برداً وسلاماً على ابراهيم )) 3 مرات 00 يقال اذا خفت من احد

\\

(( ياحي ياقيوم برجمتك استغيث اصلح لي شأني كله ولا تكلني الى نفسي طرفة عين )) 3 مرات 00 كل صباح ومساء

\\

(( اللهم اكفني بحلالك عن حرامك واغنني بفضلك عمن سواك )) 3 مرات 00 كل صباح ومساء

\\

(( اللهم اني اعوذ بك من الهم والحزن ومن العجز والكسل ومن الجبن والبخل واعوذ بك من غلبة الدين وقهر الرجال )) 3 مرات 00 كل صباح ومساء

\\

(( اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير انك على كل شيء قدير 00 تولج الليل في النهار وتولج النهار في الليل وترزق من تشاء بغير حساب )) كل صباح ومساء

\\

(( اللهم فارج الهم وكاشف الغم ومجيب دعوة المضطرين رحمان الدنيا والاخرة ورحيمهما انت ترحمني ارحمني برحمة تغنيني بها عمن سواك )) كل صباح ومساء

\\

طبعاً شرط الدعاء ان تكوني واثقة ان الله سيستجيب لك وان اردت المزيد كتبت لك 00

عانس في عمر الزهور · 12-01-2007, 23:07

مشكور ياأخ ماانساك

عانس في عمر الزهور · 12-01-2007, 23:09

مشكور أخوي عبدالملك والله يجزاك خير ويوفقك
واذا عندك زيادة أكتبلي ماعندي مانع
وأنا في أنتظار بقية الأدعية

عانس في عمر الزهور · 13-01-2007, 00:43

مشكورأخي مانساك

{&سنيـوريتا&} · 13-01-2007, 01:13

الله يعينج عزيزتي و يهديج و يهدي لج اهلج

والاخوان ما قصروا بالرد عليج

بس حبيبتي عندي ملاحظة حبيت اقولها لج

لا تتكلمين عن امج بهالطريقه

هاي امج جنتج و نارج

وطاعتها من طاعة الرحمن

وطاعتها بتييب لج التوفيق باذن الله

و بخصوص انتقالج من تخصص لغيره

ليش ما اخترتي التخصص اللي انتي تبينه

ليش يوم قررتي انج تبينه تراجعتي لأنهم ما يبونه

يمكن هالشي اهو اللي خلاهم ينظرون لج على انج

ما تعرفين تبدرين امورج

وياعزيزتي

وسعي صدرج

و لو تلفين الدنيا

ما بتلقين حد يخاف عليج كثر اهلج

تقبلي مروري

و الله يسعدج...,,

{&سنيـوريتا&} · 13-01-2007, 01:21

الله يعينج عزيزتي و يهديج و يهدي لج اهلج

والاخوان ما قصروا بالرد عليج

بس حبيبتي عندي ملاحظة حبيت اقولها لج

لا تتكلمين عن امج بهالطريقه

هاي امج جنتج و نارج

وطاعتها من طاعة الرحمن

وطاعتها بتييب لج التوفيق باذن الله

و بخصوص انتقالج من تخصص لغيره

ليش ما اخترتي التخصص اللي انتي تبينه

ليش يوم قررتي انج تبينه تراجعتي لأنهم ما يبونه

يمكن هالشي اهو اللي خلاهم ينظرون لج على انج

ما تعرفين تبدرين امورج

وياعزيزتي

وسعي صدرج

و لو تلفين الدنيا

ما بتلقين حد يخاف عليج كثر اهلج

تقبلي مروري

و الله يسعدج...,,

كلي أمل · 13-01-2007, 02:48

الأخوان ماقصروا كفوا ووفو
وهذولا أهلك عزيهم يعزونك والي تقدمينه تلقينه لو مو الحين بعدين وحاولي التقرب من امك بتقبيلها ومساعدتها وتكبيسها ومشاركتها مايهمها
واليك غاليتي هذا الدعاء
لااله الا الله الحليم الكريم سبحان الله رب العرش العظيم اسألك موجبات رحمتك وعزائم مغفرتك والعصمة من كل ذنب والغنيمة من كل بر والسلامة من اكل اثم لاتدع لي ذنبا الا غفرته ولاهما الافرجته ولاحاجة من حوائج الدنيا الاقضيتهايارب العالمي(ثم ادعي ماشئت)
كان الله بعونك,,,

واحد وده يعرس · 13-01-2007, 03:52

اختي ياليت صغرتي الخط وربي تعتب عشان اقراه

المهم : اختي وربي وربي مشكلتك مو مشكلة.......وما تحتاج : انتحار مدري هروب او مدري ايش ......انتي مكبرة المشكلة.........روحي اقرأي في هذا المنتدى مشاكل بنات غيرك وشوفي الفرق........وربي وربي مو مشكلة تذكر اللي عندك.

shoolan · 13-01-2007, 04:10

اولا ياعمري مصروف الجامعه 850 وتنزل كل شهر ولا تتأخر ولا يوم
وبعدين لك بنت 850 تكفي وزياده
انا الحمدلله نفسك جامعه وكافيه وزووود والله من دخلت بالجامعه وانا ماصرت اخذ اي مصروف من اهلي ماقصروا الله يجزاهم خير بس مكفيني الحمدلله
وللعلم اني ما اشتري الا ماركات وبعد يكفي
وانا قسمي محتاااج اغراض كثيره مررره ومكفيني بعد
وانتي ليه الباص ياخذ 600 كثير روحي مع شركة نقل ياخذون 300 اقل تكلفه وامان اكثر
وتدرين فيه عائله مصروفهم 800 والف بس
احمدي ربك غيرك مو لاقي هالثمان اللي ما اعجبتك
وامك حررام عليك تقولين كذا تدرين الجنه تحت اقدام الامهااات ودامك مافقدتيها منتي عارفه قدرهاا
وانتي يمكن تتوهمين ابعدي هالوسواس عنك ولا لك غير اهلك..
وتأكدي ان اهلك بيختارون لك الزوج الصالح وانتي شوفي اللي يرضونه هم ارضي فيه لانهم بيختارون لك الافضل ..
وبعد وش الهروب يعني رحتي عن اهلك وين بتهربين له وانتي تدرين اذا طلعتي من بيت اهلك وش بيكون وضعك ووين بتكونين ..
اقول تعوذي من الشيطاان بس
ولاجاك شي عشان تنتحرين يعني تفضلين النار بدل وضعك اللي اعتبره وضع طبيعي
الله يهديك بس بدل ماتنتحرين وتكتبين هناا روحي ادعي ان الله يهديك ويهدي امك ويخليها لك
والله يكتب اللي فيه الخير لك وللجميع ويوفقك

حنين الانين · 13-01-2007, 04:56

اخواننا كفو وفو بس حبيبتي انتي تمري بعمر وهذا عمر المراهقه واغلب البنات تمر

فيه وتحس ان العالم ضدها ولو اقرب العالم لها حبيبتي هذول اهلك ومالك غنى عنهم

واتعوذي من الشيطان لانه الحين بيسيطر عليك لو خليتي مجال له بذلك مااصيك هو

انك تكثري من الاستغفار والدعاء وعند صلاتك اديها بحب مو تادينها كواجب

واكثري من قراءة القران وهذا الي بيساعدك وبيعينك

والله يكون بعونك وهذي فترة وبتعدي وصدقيني ماراح تحسين باهلك

الا لما تتزوجي وتبعدب عنهم ومهما اهم سوو لنا يضلو اهلنا ومانرضى لهم باي

بديل او مكروه وحطي قي بالك انهم يحبوك ويموتو فيك ونصيحه لكي اختي

لاتخبيري صديقاتك عما يدور لك في بيتك لان ساعات يكونو اهم السبب

واعذريني على الاطاله

حنين الانين

حنين الانين · 13-01-2007, 04:56

اخواننا كفو وفو بس حبيبتي انتي تمري بعمر وهذا عمر المراهقه واغلب البنات تمر

فيه وتحس ان العالم ضدها ولو اقرب العالم لها حبيبتي هذول اهلك ومالك غنى عنهم

واتعوذي من الشيطان لانه الحين بيسيطر عليك لو خليتي مجال له بذلك مااصيك هو

انك تكثري من الاستغفار والدعاء وعند صلاتك اديها بحب مو تادينها كواجب

واكثري من قراءة القران وهذا الي بيساعدك وبيعينك

والله يكون بعونك وهذي فترة وبتعدي وصدقيني ماراح تحسين باهلك

الا لما تتزوجي وتبعدب عنهم ومهما اهم سوو لنا يضلو اهلنا ومانرضى لهم باي

بديل او مكروه وحطي قي بالك انهم يحبوك ويموتو فيك ونصيحه لكي اختي

لاتخبيري صديقاتك عما يدور لك في بيتك لان ساعات يكونو اهم السبب

واعذريني على الاطاله

حنين الانين

أميرة العفاف · 13-01-2007, 05:18

لا حول ولا قوة إلا بالله ..

كيف تتمنين الموت لأمج ..؟؟

وبعدين دايمااا الابااااء أدرى بمصلحتنا من انفسناااا ..

ودايمااا بحكم خبرتهم يشوفون اللي إحنااا ما نشوفه ..

وإنتي صغيرة ..وعمر المراهقة عمر التمرد ..

-------------------
إنت فعلا صغيرة جدااا على إنك إنتي تختارين زوج لنفسك ..

مووووج 2 · 13-01-2007, 11:54

اولا عزيزتي حاولي تصغرين الخط عشان يسهل قراءة مشكلتك وتلاقين ردود من اخوانك واخواتك هنا

اقتباس:

اولا ياعمري مصروف الجامعه 850 وتنزل كل شهر ولا تتأخر ولا يوم

مين قال انه المكأفاة تنزل شهريا

كليات التربية وبعض الجامعات في السعودية المكأفاة تتاخر5 او 6 شهور والكل يعرف

حبيبتي اولا انتي صغيرة ولست عانس وانتبهي كثرة ترديد الكلمه ممكن تتحول الى حقيقة

تفاؤلوا بالخير تجدوه
بالنسبة لحالتك

كلنا مرينا بمثل حالتك والمشكلة مو في اهلك المشكلة في فهمك لهم وفهمم لك

انا مثلك كنت ابغى اتخصص بمجال معين ورفضوا اهلي ودخلت تخصص ثاني لكن عزيزتي انا الحين فهمت السبب

عملية المقارنه بينك وبين اخوانك

الشعور بعدم فهمهم لك

الشعور بانهم يخالفونك الرأي

هذا تفكير طبيعي يكون في سن معين وينتهي يعني من 16 الى 19
كلنا مرينا فيه

كرهك لاامك غير مبرر حاولي تقربين من والديك

وتكونين البنت الحنونه المطيعه

وصدقيني لا شعوريا هم راح يكونون معاك على طول

فكري بشكل صحيح وركزي وحاولي تكسبين رضاهم ولا تتهورين

وبعدين ياقلبي الام والاب اعظم شي في هذي الدنيا هما ارواحنا اللي عايشين بها،لكن لازم نحاول نفهمهم .

لا تخلقين لنفسك احلام كبيرة تجاه الزوج وانه راح يعيشك حياة وردية ويحقق كل احلامك حتى لا تنصدمين بالواقع، لان الزوج شريك لك وليس اب
يعني راح تجتمعون على الحلوه والمره وانتي لك مثل ماعليك

وربي يرزقك بالزوج الصالحويوفقك ويصلح مابينك وبين اهلك

مشاهدة نتائج الإستطلاع: مارأيك بالحلول التي طرحتها
الانتحار	2	8.33%
الزواج بمن يرضونه أوالزواج من غير رضاهم	2	8.33%
الهروب من المنزل	0	0%
الدعاء وياليت تكتبون لي ادعية	21	87.50%
إستطلاع متعدد الإختيارات. المصوتون: 24. أنت لم تصوت في هذا الإستطلاع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أبي حل لمشاكلي