عالم الحياة الزوجية - منتدى

بسيطه · 02-02-2007, 10:52

السلام عليكم
انا واعوذ بالله من كلمة انا انسانه راضيه بنصيبي وعارفه ان كل شيء نصيب في هالدنيا
مقوله كنت اسمعها من الناس في البدايه ماكانت تأثر علي وكنت اطنش بس بصراحه يوم كثرت طفشت من الناس حتى صرت ما اقولهم اني منفصله
تتسائلون شنو الكلمه؟؟
انا تزوجت وعمري 16 واستمر زواجي 6 شهور فقط والان عمري 33 والى الان ماتزوجت مع ان جاني خطاطيب كثير بس ربك ماكتب نصيب راضيه ولله الحمد بس كل من عرف هالشي قال ((جلست كل هالمده ماتزوجت ؟؟))
كنت اقولها بنفس راضيه ولا همني الامر لكن شفت كل من يعرف اني منفصله يسالني نفس هالسؤال

بصراحه طفشت وبس

الورده الناعمه · 02-02-2007, 11:12

شلون يتحكمون بنصيب ربي كاتبه

في ناس جذي الله يهديهم يارب

كل شي بالدنيا ربي كاتبه **** وانتي حبوبه لا تضيقن خلقج بناس ما همها الا

السؤال والقرقه الفاضيه لانه لو اهتميتي فيهم راح تتعبين والله

فتاة الدموع · 02-02-2007, 11:22

ولا يهمك حبيبتي كلام الناس كثير وهذا انا متزوجه وماني خالصه من كلامهم رغم أني موناقصني شي
حبيبتي اكيد الفتره ألي بعد انفصالك حققتي شي من طموحاتك مثل اكمال تعليمك الوظيفه دورات ندوات الحياه ماتنتهي بالأنفصال وتتوقف على الزواج ونصيبك راح يجيك والله كريم

الحنون العاشق · 02-02-2007, 11:24

كان الله في عنوك بس الدعاء والفرج قريب انشا الله

abu_talal · 02-02-2007, 17:42

بسيطه

كلام الناس ما يخلص والمشكلة مو بالناس تتكلم ولا لا المشكلة بالي يتأثر بكلام الناس ويعطي اهميه لكلام الناس .

من انخلقنا ونسمع كلام الناس والمشكلة انه الزين مو عاجبهم ولا الشين عاجبهم يتكلمون على الكل .

واذكر انه مرة شايب نصحني بعد ما تزوجت وقالي شوف ما عليك من كلام الناس الناس مو عاجبها العجب وضرب لي مثال وقال
لم كنت تتمشى انت وزوجتك بالسوق وكانت تمشي قدامك بيقولون عنها انها تقود زوجها
واذا مشت بجنبك بيقولون حاكمته يعني ما يقدر يحكم مرته
واذا مشت وراك قالو تمشيه بكيفها

يعني بكل الحالات مو خالصين من كلام الناس

حفيدة عبد العزيز · 02-02-2007, 19:42

الله يوفقك ويسعدك يااااااااااااااااااااااااااااااااااااااااااااااااا ااااااااااااااارب

حسام ابراهيم · 02-02-2007, 19:55

الله يكون في عونك واصبري وانشالله ربنا موزع الارزاق ما بينسي عبيده نصيبك يصيبك انشالله توكلي علي الله فهو حسبك والفرج قريب انشالله

العضوووووو/// حسااااااااااام +++++ ابراهيم

بسيطه · 02-02-2007, 20:12

الله يجزاكم خير
عارفه والله انه مايخلص وانا ولله الحمد راعية تطنيش بس بصراحه حامت كبدي منهم
حتى اليوم طلعت حديقة الشاي مع احد الصديقات وقالتها لي وتدرون ايش سويت؟؟؟
جلست اضحك لاني تذكرت موضوعي ما امداني نزلته الا ورجعوا يسألون

الله يخليكم ويسعدكم

الوسيله · 02-02-2007, 20:26

اولا الطلاق ليس بعيب وممكن يكون دافع لحياه جديده
وعسى ان تكرهو شيئا فهو خير لكم
ولاكن اتمنى عدم الالتفات للماضى وانظرى للحاضر والمستقبل
واتمنى لك حياه مستقبليه مليئه بالحب والسعاده
ولاكن توقيعك
هو ابلغ رد على موضوعك

روآآبي · 02-02-2007, 21:24

كل انسان في بحياته نقطه جارحه او نقطه ضعف بحياته

محد خالي من هالكلام وكلام الناس محد سالم منه لو ان شالله متزوجه وزوجك حاطك على راسه وعندك عيال والفلوس مو ناقصه عليكي ,,ماحترتاحين من كلام الناس

اشغلي نفسك وانشغلي باي شي وماعليكي الا بتحسين علاقتك بربك هو اللي بيده الارزاق

بنت عمي تطلقت من عمر 18 وجلست ببيت اهلها لين ماصار عمرها تقريبا 30 وتزوجت مره ثانيه وتطلقت ومعاها ولد هالمره ورجعت لبيت اهلها والحمد لله بعد ماصار عمرها تقريبا 37 تزوجت للمره الثالثه وان شالله هالمره نصيبها احسن من المرات اللي راحو

انتي بس تاكدي وخليكي واثقه انه كل انسان مهما طال انتظاره مصيره ياخذ نصيبه

الأخ الكبير · 02-02-2007, 21:38

أختى بسيطة

لابد من شروق وإن طال الليل ونصيبك قادم بإذن الله

اسألى الله من فضله الزوج الصالح الحنون وانت تصلى

وكل وقت وربي يسعدك ويوفقك لكل خير

boturki · 04-02-2007, 01:25

أسأل الله عز و جل أن يستر عليك وييسر لك أمورك

الوسااااام · 04-02-2007, 03:15

الله يكون بعونك وان شاء يجيك نصيبك

شمس الوداع · 04-02-2007, 13:00

الله ييسر لك رزقك ياارب

بسيطه · 04-02-2007, 18:48

الله يعطيكم العافيه ويسعدكم

التطنيش ولله الحمد والرضا بالنصيب من عادتي بس الفضفضه لازمه للتخفيف

الله يجزاكم خير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

راضيه بنصيبي بس طفشت