عالم الحياة الزوجية - منتدى

كلمات لها معنى · 04-02-2007, 01:55

السلام عليكم ياجماعه
احس اني ثقلت عليكم من كثر المشاكل الي اطرحها بس الله يعينكم انتو ربعي ولازم تتحملوني شوووووووووي0000000000000000000000000

انا مشكلتي طبعا مع زوجي (ومن في غيره مكدرني )
زوجي الطلعه والمشاوير والتمشيه بالنسبه له زي الموت 0000000000000
يعني انا لاززم اموت الف او الفين مره عشان نطلع المشوار الواحد وطول المشوار هذا اذا طلعنا مبووووووووووز او على الصامت وانا والله ما تتخيلون اجيب سوالف واخترع قصص اختراع واضحك وانكت بس ابد 000000ما فيه فايده احيانا يضحك ودائما يبوز

وطول المشوار ما في الا كلمتين على لسانه نزلي النقاب او قصري صوتك 000

يمشي قدام وانا وراه 000000000والله ما احس الااني الشغاله الخصوصي مو زوجته

اتمنى اني اكون معاه زي باقي الازواج يمشون مع بعض ماسكين ايدين بعض يسولفون يشوفون الاغراض يتشاورون في الاشياء الي يشترونها
احس انو مبسوط في الطلعه معاي وما عنده مشكله
يعني اذا ما طلعت مع زوجي مع مين اطلع 0000000000؟
والله انو ما في مره رحنا مشوار الا ورجعنا متهاوشين والله انو قلبي يحترق اذا شفت الازواج مع بعض كل حرمه متهنيه في زوجها وكل رجال مبسوط بحرمته 000000
هو في البيت والله انو زي العسل بس نطلع يركبه مليون عفريت 0000000000000000
طيب الحياه مو بس جلسه في البيت 0000000لازم الواحد يتهنى بدنيته اذا كان في الحلال ليش لا ؟00000000000000000000000000
اليوم كنت زايره اختي 000000
شفت حياه غير الحياه شفت زوجه متهنيه ببيتها وعيالها (الله يخليهم لها )وشفت زوج ماله هم في الدنيا الا وناسه عياله تخيلو انو ما عنده حتى ربع يقول الوقت الي اقضيه مع ربعي عيالي احق فيه (الله يخليه لعياله )0000000
تروح وتتمشى وتستانس وتسوي كل الي تبيه والله ان الي يشوفها يقول توها عروسه والي يشوفني يقول هذى ام العيال 0000000000000000
والله اني ما احب اقارن نفسي في احد وكان هذا شعاري زمان 000000000بس الي شفته غي كل شيء 000000000000حتى المبادئ

دروبـ · 04-02-2007, 02:05

هلا وغلا
حبيبتي بالعكس فضفضي ويرحي بااالج وانشالله كلنا لج قلبا وقلابا وكلنا خوااتج
واذا الوحده ماتقول ماتتكلم تموت فضفضي وطنشي همومج وعيشي حيااتج والله الدنيا راايحه والواحد بعيش مره وحده ليش الهم والكدر ......

عزيزتي انتي لازم تكون لج شخصيتج مهما كاان مو اهو الي يامر وانتي الي تنفذين

لازم تكون لج شخصيه ...اذا هو مابادر بالشي انتي بادري فيهاا
مثلا مسكت اليد او تاخذين رايه باي شي (( ملابس _ اكسسوار )) اي شي عشاان يعرف اننج تعرفين قيمته وانه الكل في الكل
وبعدين عزيزتي انتي اذا شفتي عيشة اختج غير عيشتج اصاابع ايدج مو مثل بعض
وهذي حال الدنياا يوم لج ويوم عليج .... والله يجازييج على صبرج
ويهدي زووجج ويوفقج معاااه

امرأه وبس · 04-02-2007, 02:10

الله يكون في عونك ياقلبي ...

حبيبتي شكل زوجك من النوع اللي تنشد أعصابه اذا طلع بزوجته برى البيت ...

يمكن يتضايق من زحمة السير .. ويمكن يخاف عليك أعرف أزواج طبعهم زي طبع زوجك ..

ولا أخفي عليك أبو الشباب اللي عندنا كان مثل اللي عندكم وكنت أسوي مثلك

وأحاول أنكت وأضحك بس أحس أعصابه تنشد زيادة ...

فاتخذت أسلوب آخر صرت لما أركب معاه في السيارة أسكت ولا أقول ولا كلمه فصار

هو اللي يتكلم ويحاول يضحكني وأنا أثقل ... ونفعت معاه هذي الحيله .. بس أنا

ماأقدر أضمن لك ان زوجك تنفع معاه هذي الحيله اللي اذا كان من نوعية زوجي لأن

زوجي من النوع الغيور جدا ... ولايحبني أضحك كثير خاصة اذا كنا برى البيت ...

متفائلة بالخير · 04-02-2007, 02:21

اختي العزيزة..الله يعينك والله الحشرة بالبيت تخنق والواحد لازم يطلع من فترة لفترة ويرفه عن نفسه ويغير نفسيته..تحاوري مع زوجك بهالشي وناقشيه بطريقة حلوة ونغشة وهو شكله من كلامك يغار عليكي كثير عشان هيك بتضايق لما تطلعو ما بحب حدا يشوفك وفي كثير رجال طبيعتهم هيك للاسف..انا من رايي تحاوريه وتناقشيه بطريقة حلوة تعطيه الاحساس بالامان انو ما دام انتي معاه مستحيل حدا تاني يطلع عليكي وانو نفسيتك راح تتدمر اذا بضلي بالبيت وانو حلو تطلعو مع بعض من وقت لاخر صارحيه والله يجيب الي فيه الخير اصبري فالشغلة بحاجة لصبرررر كثير..الله يعينك يا رب ودائما احكي الحمد لله لانو بتعرفي انا موز متزوجة لكن من الي عم شوفو حولي قصتك والله ولا شيي بالنسبة لكتير قصص..وما تنسي داومي على الصلاة والدعاءءء والله يجيب الخير..
بالتوفيق حبيبتي
تحياتي

أســـدام · 04-02-2007, 02:23

الله يكون في عونك أختي الغالية ..
وان شاء الله الأمور تكون أحسن من كذا مع مرور الزمن ..
ولا تنسين زوجك من الدعاء ...

وأعترض معاك على كلمة ( تندم على شيء اسمه زواج )

ولا تزعلين مني ...
بس هذه الحياة .. ولازم نتأقلم مع الأوضاع التي تحصل ..
ولك تحيتي العطرة ..

em tala · 04-02-2007, 04:40

هادي طبيعة عند البعض بيكونوا بيتوتيين

روآآبي · 04-02-2007, 12:57

من النادر تلاقي رجل يحب يطلع مع زوجته

ومن النادر بقوة تلاقي رجل يمسك يد زوجته وهم ماشيين

ومن النادر تلاقي رجل يقولك طيب وامرك اول ماتقوليله خرجني

يااااااااااااااااااااااااااااااااااااااااااااااستي المهم انه يخرجك بالقوة بالدف بطلوع الروح

في الاخير تطلعون ويا بعض

ايش تقولي في اللي حياتهم منفصله الحرمه خرجاتها طول الوقت مع السواق

وطبعا بالتالي مافي تمشيات لانها مستحيل تتمشى مع السواق

وهو طبعا يدخل ويخرج ويسهر ويسافر كله لحاله في لحاله

محد مرتاااااااااااااااااااااااااااااااح

عهودمحمد · 05-02-2007, 05:20

يااختي لاتتضايقن ولا حاجه الحال من بعضه..........والله انا صرت اكره اطلع معاه....؟؟
وكل البنات مثلك...؟؟

شادن قطر · 05-02-2007, 09:28

أولا أختي العزيزه أنا مو معاكي بالعنوان أختي هذا المنتدى مو للمتزوجين بس فيه المقبلين عالزواج وفيه اللي عندهم أفكار مغلوطه عن الزواج مثل هذا العنوان ممكن يحبطهم أو يثبت الأفكار الغلط عندهم ولا أنتي إيش رايك؟؟

أختي زوجك يحبك ويغار عليك كثير وهذا واضح من:
وطول المشوار ما في الا كلمتين على لسانه نزلي النقاب او قصري صوتك 000
هذا لأنه يغار عليكي من الهوا الطاير

يمشي قدام وانا وراه
أختي لاتنسين إنك جايه من بيئه وتربيه مختلفه وهو كذالك،يبدو لي إنه جاي من أسره تشوف إن الرجال لازم مايبتسم ويضحك ويمشي جنب زوجته قدام الناس يعني هو لازم يبين برا البيت (سي السيد الحمش)

يمكن هو ينحرج إذا حد شافه ماشي جنبك (أمه أخوه ربعه)قد يبدو لك كلامي مو منطقي بس الواقع إنه هذي النوعيه موجوده وبكثره نوعية اللي إذا زوجته دقت علي قدام الربع يكلمها بصيغة المذكر..هذا شي تربوا عليه وكبر معاهم عطي المسأله شوية وقت وحاولي تعودينه إنه يمشي جنبك صارحيه إنه مشيك وراه يضايقك ويحسسك إنك .....
اتمنى اني اكون معاه زي باقي الازواج يمشون مع بعض ماسكين ايدين بعض يسولفون يشوفون الاغراض يتشاورون في الاشياء الي يشترونها
احس انو مبسوط في الطلعه معاي وما عنده مشكله
يعني اذا ما طلعت مع زوجي مع مين اطلع 0000000000؟إبدي بالمشي جنبه بس سالفة إنه يمسك إيدك أجليها شوي بس ترى مسكة اليد تحرج الرجال اللي من نوعية زوجك فممكن تلغينها وتكتفين بالمشي جنبه لين يتعود.
هو في البيت والله انو زي العسل
ألف الحمدلله والشكر هذا شي يخليكي تشفعين له مو تحتدين عليه وتتهاوشين معه
طيب الحياه مو بس جلسه في البيت 0000000لازم الواحد يتهنى بدنيته اذا كان في الحلال ليش لا ؟00000000000000000000000000
صبري كل شي بالصبر يجي
اليوم كنت زايره اختي 000000
شفت حياه غير الحياه شفت زوجه متهنيه ببيتها وعيالها (الله يخليهم لها )وشفت زوج ماله هم في الدنيا الا وناسه عياله تخيلو انو ما عنده حتى ربع يقول الوقت الي اقضيه مع ربعي عيالي احق فيه (الله يخليه لعياله )0000000
تروح وتتمشى وتستانس وتسوي كل الي تبيه والله ان الي يشوفها يقول توها عروسه والي يشوفني يقول هذى ام العيال 0000000000000000
والله اني ما احب اقارن نفسي في احد وكان هذا شعاري زمان 000000000بس الي شفته غي كل شيء 000000000000حتى المبادئ[/QUOTE]

أصلا المقارنه هي اللي بتتعبك غلط كبيييييير إنك تقارنين إثبتي على مبادئك ولاتقارني
زوج أختك البيئه اللي جاي منها تختلف عن بيئة زوجك والمده اللي قضتها معاه تختلف عن المده اللي إنتي قضيتيها مع زوجك وشخصية أختك مو زي شخصيتك إنتي ولا أنا غلطانه؟؟؟

ضؤالشمس · 05-02-2007, 10:18

اختي طالما انه زي العسل داخل البيت هاذي نعمه لانه بعض الازواج العكس .. وأنا شايف انه بيدك تغيير زوجك عن طريق الحوار والنقاش ومعاتبته بدلع الحريم ... وأعتب عليك في كلمه ( من غيره مكدر خاطري ) لا ياعزيزتي اموركم طيبه بس خارج البيت علاجه عندك زي ماذكرت واحمدي الله انه رجل مستقيم وقايم بواجباته معاك .. والكمال لله وحده .. وربي يسعدك.. أخوك ضؤ الشمس

كلمات لها معنى · 06-02-2007, 02:59

مشكورين اخواني وخواتي على هالكلا م الحلو الي زي العسل والله اني كسبتكم خوات وصديقات واخوان في هالمنتدى الغالي الي جمعني بهالاشخاص الطيبين مثلكم
والله يخلينا لبعض 000000000

دروبـ · 06-02-2007, 03:24

اخت وصديقه عزيزه وغاليه

مهما تعبت عندي أمل · 06-02-2007, 05:00

اولا اختي قولي الحمدلله على كل حال
ثانيا حاولي تتاقلمين مع الوضع
ثالثا لما تطلعين حاولي انك تعيشين حياتك يعني اطلعي وانبسطي وتسوقي وانتي ناسيه موضوع زوجك
رابعا لاتجعلين زوجك محور اهتمامك يعني الحركات اللي تبغينها سويها انتي مثلا انتي امشي جنبه ولا تتركينه يسبقك او انتي اللي خذي رايه
خامسا اتمنى انه يتعدل حاله ويسعدك ربي معاه

hassah · 06-02-2007, 07:58

نحن الحريم مابيعيبن شى الدعاء هو الحل الوحيدة حصة

القمراا · 06-02-2007, 11:51

الله يعينك تعرفي مصيبه غيرك تهون عليك مصيبتك

الله يوفقك

هذا طبعه وهو طبع شين

حاولي تسايرينه ممكن تفك التكشيره

هم الرجال كذا

مشي حالك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ادخلوا وشوفوا كيف الواحد يتندم 0000000على شيء اسمه زواج