|
مايموت الشوق
ما يموت الشوق يا بنت الحلال
________ ولا يهمّك .. لو تعاندنا الظروف
إن غدا شوفك عن عيوني مُحال
________ والله إن القلب في جوفي يشوف
له عيونٍ ما عَطت غيرك مجال
________ غير وَصفك .. ما مَلا عينه وصوف
لك وصوف اللي على عَرش الجمال
________ مستريحه .. والملا .. حولك وقوف
ولك على بالي .. إذا شـحّ الوصـال
________ صورةٍ تَحيـا .. يجي منها طيــوف
صورتــك لا جـات .. أغرّقهــا دَلال
________ إيـه أدلّعهــا .. وداريهـا .. وروف
صورتك عندي .. على رَفّ الخيال
________ وغيرها مَرمي .. على ذيك الرّفوف
رافعٍ بروازهـا لأبعــد منــال
________ وغير كفّي .. ما تلامسها كفــوف
لا ضميت .. أشرب ليالينا زِلال
________ والوله فيني .. على ذِكرك شغوف
جيت أوضحلك .. وذا أبسـط مثــال
________ وما خَفـا .. ياليـــت تكفيه الحروف
لك جواب الشوق .. عن شوق السؤال
________ احفظيه .. ولا يجي قلبك حسوف
وافهمي .. لو كان لي ظلمك .. عَدال
________ لك أكرّرها .. ولحّنها عـــزوف
ما يموت الشوووق .. يا بنت الحلال
________ ولا يهمك .. لو تحدّتنا الظــروف
__________________
ذبحتونا مع مهند ونور والرومانسية الزائفة هذي الرومانسية ولا بلاش بشرب من الدلة ولو كلها سم ما اهز فنجالي ولا اقول كافي ما دامه بيمناك وتقولي سم بسم الله اشرب كل سم عوافي
__________________
|