المشاركة الأصلية كتبت بواسطة Dry Ocean

أنا أعرف وحد متزوجه لها فوق 18 سنه و كل عمرهم و هم يجمعو ن.. و يتاجرون من هنا و هناك بالسيارات..
لحد ما كونو مبلغ محترم.. يقولون هم كانوا يبغون يبنون بيت و يستقرون ف بيت ملك كبير و حلو
و فعلا... اختارو تصميم البيت معا و بدأ بناؤه و كل يوم يقف عليه الاب أو الأم.. مع بناتها يتطاقون على الغرف و العيال على تصميم الملاحق!! و متى يجي اليوم الي يطلعون فيه من الاجار و الحجرة!!
المهم البيت أخذ من عمرهم كثير علشان يجمعون فيه.. و بعدين وقفت الميزانيه على انه ما بقى بالبيت شىء يذكر.. بس ديكورات و خرابيط..
اخذ زيادة 3 سنين لحد ما كملوه من رواتبهم...
جاء رجل للأب و هو عاجبه البيت و قرر يشتريه منه!!
الأب تردد شوي.. بس كانت الاسهم في عزتها و وافق بعد تردد.. باع البيت بمكسب 200 ألف!!
ودخلها كلها بلأسهم لما كان المؤشر على ال 12000 .. قال ايش ابي ادخل اطقطق شوي علشان يتضاعف المبلغ او يزيد شوي و ابني بيت أحلى و يبقى معي مبلغ زيادة استنفع منه شوي!!
طبعا الآن خسران حول ال 80% من راس ماله "البيت الحلم"
الله يثبته و اهله

" و لنبلونكم بشىء من الخوف و الجوع و نقص من الأموال و الأنفس و الثمرات و بشر الصابرين * الذين اذا اصابتهم مصيبة قالو ان لله و انا اليه راجعون * أولئك عليهم صلوات من ربهم و رحمة و أولئك هم المهتدون"