عيش الحياه

الله يعطيكم العافيه جميعا انا حبيت اطرح معاناتي مع بنتي هي بالذكر تكون سهله لما اعبر لكم عن طبايعها لكن والله العظيم في التعايش اتعب كثير وابكي من عدم استطاعتي بالسيطره عليها بنتي عمرها سنتين وثمانية اشهر وولدي عمره خمس سنوات وشهرين المهم بنتي كانت وهي صغيره هاديه جدا جدا حتى بحركاتها عندها هدوء ولطيفه واحب البسها احلى لبس والكل يقول لي حلوه ماشاء الله عليها وكان وزنها حلو يعني ملايانه مثل الاطفال هذول الي يجون مدبدبين وحلوين ماادري كيف الكل يقول لي بنتك حلوه ولبسها حلو ودبدوبه والله فجاه ماادري كيف صارت تصخن بشهر وشهرين ويجيها سهال قلت الموضوع عادي هذا يمكن تغيرات الي يمر فيها الطفل اسنان وتغيرات الجو برد وحر ومن تكيف الغرف وهكذااا ...... المهم الي متعبني انها ماترضى تلبس الملابس حتى الحفاظه اكرمكم الله ماترضى تفصخ اي شيء عليها واضطر اقول لها بطلع عنك والبس عباتي وتقول لبسيني يالله ماما وتلبس مجرد اطلع واركب السيارهولا اروح بيت اهلي تصيح وتفصخ ملابسها وتخلي بس الحفاظه عليها وسبق هذا الشيء انها جسمها سخن مره وقام يتقشر حتى فروة راسها صار بها قشور والحين جسمها دايم تحكه وماترتاح الا لم يطلع الدم من جسمها وهي جدا عصبيه حتى عند السره في بطنها انتفاخ صار ولما رحت الى الطبيبه قالت هذه حبه عاديه واغلب الناس قالت لي هذه عين صايبتها مااادري شنو الحل رغم اني ماقصرت سويت لها شب وبخرتها وديتها الطبيب تعبت ابي اعرف كيف اتعامل مع الطفل العنيد انا عصبيه افقد اوقات السيطره على نفسي واضربها مو من طيبي غصب عني لاني اتعصب وربي اخذ معها بحدود ساعه واكثر عشان تلبس ملابسها عشان ترضى باي طريقه ساعدوني اكيد عند احد منكم خبره بهذا الموضوع او سمع وكمان هنا في دكتورة ياليت تفيدني لاتبخلون علي الله يحفظكم

__________________
اذا دارت بك عجلة الحياه ونقلتك من حال الى حال فلا تظن انها النهاية :::: وان دامت العتمه وطال ليل الزمان فلا تظني انه لن يكون هناك بداية ::::: فشمس الغد هناك وراء الافق تنتظر دورها للبزوغ لتهديك اجمل هدية :::

احصل على الاف المقالات , المواضيع و الصور باستخدام البحث في المنتدى انقر هنا