السلام عليكم
انا شفت موضوعكم الجديد وتسلمين يا ام تالا على اقتراحج ويلا لمن تدخلين الاشهر الاخيرة شرفينا روحي على قسمج لو سمحتي
المهم شلونكم يابنات والله لكم وحشة جميعا البرنسيسة وسترونغر والزنبقة باينلها ولدت الله يسهل عليها
اما عن اخباري فانا للاسف مو في وضع زين
من دخلت الثامن وانا احس بآلام من تحت مثل القص او الجرح بس على قوي وكأن شي بينزل المهم ومع وجود تقلصات مو منتظمة رحت الطوارئ وقالولي ان الرحم مفتوح 1 سم وعنق الرحم طري جدا وكأنه مستعد للولادة الدكتور ما رضى يطلعني وكان يبي ينومني في المستشفى وكتب لي على ابرة تنشيط نمو الرئتين حتى اذا يتني ولادة مبكرة يكون كل شي اوكي طبعا انا ما اعرف اي شي عن هالابرة وهالسالفو اول مرة تصير لي مع الاسف لكن قدر الله وماشاء فعل الحين اخذت الابرة علة مرتين وانشالله تكون الرئتين مكتملتين لكن اللي ما اعرفه متى بتكون ولادتي
ادعولي يا بنات الله يسهل علي واذا عندكم فكرة عن الموضوع فيدوني