كبرياء غرور عدم مبالاة ام غيره ؟؟؟؟
المثل يقول وراء كل رجل عظيم امراءه
مو قف حدث قدامي انقهرت وغاظني حبيت اخبركم اياه لعلي اجد الاجابه

كنت عند احد قريباتي وهذه القريبه تتصف بصفات اروع من الرائعه
جميله واسلوب روعه كلامها منطقي قنوعه مدلله زوجها دلال ماعمري
شفت مثله فيها صفات الف من يتمناها حتى كثير يتكلمون عنها وعن
اسلوبها وتصرفاتها
وانا كنت جالسه معاها ومعانا اخت زوجها وزوجها وكانت تقدم لنا
اكرام الضيافه واحنا نتكلم مدحتها اخت زوجها وتقول لاخوها الله
يهنيك فيها لو تلف العالم ماتلاقي وحده مثلها ومثل اخلاقها وصفاتها
تخيلو رد زوجها وقدام الكل يعني حتى مااتحترم وجودنا عندها
باللغه العاميه ( امحق من حرمه )
اهي ملامحها تغيرت تحس بتحطيم ليه ؟؟؟ انا انقهرت قلت يابو فلان
اكيد تمزح اهي ضحكت قالت لاتواخذون بكلامه بس اهو يخاف علينا
ومايبي العين تصيبنا
بس بعيونها كان كلام وشي ثاني وحاولت تغير الموقف والكلام
وبعدها بوقت بعد ماراحو ضليت انا وهي
وهي قربه مني كثير يعني صداقه اخوة كل شي بيننا
قلت لها ... فلانه انت مبسوطه مرتاحه
اخذت تنهيد كبيره حسيت انها من قلب طالعه قالت مافيه انسنان
مرتاح ومبسوط بحياته مو كل اثنين قفلو الباب عليهم يكون مرتاح
ومبسوط قلت لها صحيح كلامك
قالت انا مو مهم عندي شي انا اللمهم عندي مهما كان الي بيني وبينه
ماتمنيت هالكلمه قالها قدام اي شخص حتى لو يكرهني مايطيقني بس
يحترم مشاعري انا انسانه لي احساس ومشاعر
قلت لها ماادري اش اقولك لان بصراحه الموقف من جد حتى انا ضايقني
لاني اعرفك واعرف كل شي عنك تمنيت انه ماقالها بس يمكن مو من قلبه
يمكن متظايق شي بخاطره وماتواخذينه
قالت وبصوت تحس كله حزن والم انا لو ابواخذه بكلامه وغلطاته ماعشت
معاه يوم واحد بس انا ارجي رب العباد انه يصلح حاله وحالي ويالف
بين قلوبنا لو مو عشاني على الاقل عشان هالاطفال لان اش ذنبهم
انا وربي مااتمنله الا اني اشوفه اسعد العالم واتمنى اسوي اي شي
يسعده ويبسطه

بس من جد انا انقهرت وتظايقت ليه الرجال مايحبون مدح زوجاتهم ولا غيره ولا ايش تبون ؟؟؟
حاجه تحز بالخاطر اذا عندك زوجه بهالصفات وبهذا الجمال والدلال والدلع الي تتمنونه

ليه الجبروت ليه العنف ارحمو من في الارض يرحمكم من في السماء !!!!