أفهم العلم ياااا ( ثوووور) <=== روووعه لا تفوتكم
(( درســ الكــرامــه ))
*
*
*
ماهي كذا لا جبت عذر الملامه
أنا على بيض الورق قلتها شور
كانك تبي تقرا بدرس الكرامه
عطيتك اياها قبل كل دكتور
ان كان ودك في دروب السلامه
ابعد ولا تكذب على الناس وتجور
ماني فتاة الحب (يا بو دلامه)
لا تتعب اركابك ولا تلف وتدور
ادري براسك مثل راس النعامه
تدفن عيونك بالثرى وانت في نور
خذها وانا بنت الفخر والزعامه
ماني هميله وافهم العلم يا (ثور) <== اكرمكم الله
لي هامة(ن) ماهي مثل كل هامه
ولي كلمة(ن) لا قلتها ما تجي زور
عند الثريا لو خذتك اللئامه
متوشحه ثوب (ن) من العز مستور
الله عطاني بالحياة استقامه
ستر وغطا عن كل فاجر ومغرور
ياللي رصيدك بالحياة(الوسامه)
ما للمكارم في تفاصيلكم دور
كل ما انحنت في درب الايام قامه
طاحت وحطينا لها قبر وزهور
اللي عرفنا مقصده من كلامه
واللي عرفنا مقصده قبل لا يخور
ومن زود صدقي بالمثل واهتمامه
ما تنبني دارٍ على ساس منخور
وكانك تبي تقرا بدرس الكرامه
عطيتك اياها قبل كل دكتور
للشاعره/عيون الاصايل
يا رب تعجبكم
تحياتي
دلع الرياض
__________________
بعض البشر طبعه من الزين مقهور
واكبر دليل اسمي ينرفز جنآبه
__________________
|