(( جـدول الضـــرب ))
ياللي تعلمني علـى جـدول الضـرب
عطني نتيجة ضرب واحـد بواحـد ؟؟
وقلي وش اللي يجمع (السلم) و(الحرب)
وقلي بعـد وش فايـدة كـل واحـد ؟؟
وقلي وش اللي يعني (البعد) و (القرب)
وش فايدتهن لا غـدن شـي واحـد ؟؟
وعلمني الرفقه تعينك علـى (الـدرب)
هي تختلف ما بين واحـد و واحـد ؟؟
وكانك تشوف ان (الفرج) يشبه (الكرب)
قلي وش اللي جـاب واحـد لواحـد؟؟
و آعلمك ياقبلة (الشـرق) و(الغـرب)
وش تعنـي الدنيـا اذا (غـاب واحـد)
.. الشـــــــاعر ..
& نـاصــر بن حمـد العيبــاني &
__________________
__________________
|