تعالوا نفترض ان واحد مننا شغال على ويندوز xp
فاتح برنامج الوورد +انترنت اكسبلورر +مشغل فيلم على الميديا بلير +بيسمع اغنية
على الريال بلير ... يعنى فاتح حاجات كتير فى وقت واحد
اكيد كل برنامج هو مشغله بيستهلك جزء من الرام الحقيقية ram
ما بالك من ان الويندوز نفسه ( نظام التشغيل ) من غير تشغيل اى برامج
بيستهلك حجم كبير جدا من الرام
يعنى يا جماعة >> الويندوز نفسه + التعاريف + البرامج المشغلة
بياخدوا اكتر من الحجم الحقيقى للرام
يعنى مثلا >> الرام على جهازك حجمها 256 ميجا بايت
ونظام التشغيل xp
وسعادتك فاتح 5 برامج فى وقت واحد
وفى الاساس الفيجا بتاخد جزء من الرام
بحسبه بسيطة تلاقى ان الرام اتملت على اخرها
مفيهاش اى مساحة لاى شغل تانى
ومع ذلك لو فتحت اى برنامج بالاضافة للبرامج المشغلة
تلاقى الويندوز شغال بدون مشاكل
طيب >> هل الرام كبرت مثلا من تلقاء نفسها ؟
ولا سعادتك شايف ايه
الحجم الزايد عن الرام راح فين ؟!
مين عاوز يرد على سؤالى ؟