اقتباس:
المشاركة الأصلية كتبت بواسطة دلالـ
السلام عليكم ورحمة الله وبركاته ..
مشكلتي تعبتني لدرجه اني وصلت لحد ما اقدر اتحمله خلاص تعبت
بالضبط هم مشكلتين ...
قبل ثمان سنوات كان شعري طويل وناعم وما يكش لي سواء خليته بدون كريم او زيت
الا صار ان تقصف لي وماعرفت شنو السبب ويمكن تكون عين حاسد الله يجازيهم بس لازم بالطب في حل باذن الله .. وتقصف لي الشعر الا بالوسط ولدرجه ان طاح وصار لي جدا خفيف .. وبالرغم من اهتمامي فيه وتغذيته بكل الطرق ودايما اقصه ومو بس الاطراف تقريبا اقصه مرتين او ثلاث مرات بالسنه بدرجه اني اشيله كله ما اخلي منه شي ودوريا اقصه بالاطراف ولا فادني بشي مع الاسف
حاليا شعري دايما جاف ومتقصف والشعر الا بالوسط من طاح ما رد نما لي وحاولت ان استخدم شامبوات وكريمات وصفتهم لي اخصائيه جلد وما فادني مع الاسف ..
بالرغم اني ما اشد على شعري ولما انام اخليه مفلل لانه ما اقدر اسويه عجفه ..
شنو الحل لشعري؟ ابغي اسم كريم او اي شي بحيث ان تظهر النتائج من اول مرة على شعري ان في تحسن على الاقل خلال شهر لانه تعبت من كثر الاشياء الا حطيتها ولا فادتني وبالرغم من استمراي عليها
ومشكلتي الثانيه والا متعبتني اكثر واكثر هي جلدي .. اللعام ظهرت لي حبوب لما شلت لي شيره .. وبالرغم اني معتاده اشيل لي شيره وما استخدم اي طريقه ثانيه بس الا صار ان اللعام بشهر 7 ظهرت لي حبوب بكل جسمي ولما بدى يظهر لي الشعر كان ما يطلع بر الجلد وينمو داخل لدرجه ان تصير حبه كبيرة داخلها شعره ملتفه كذى مرة ولما احك الحبه واطلع الشعره الاقي ان الشعره تقريبا عمرها شهرين او اكثر !!! يعني طول هالوقت وهي تحت الجلد ما تطلع ..!!
صار جسمي كل حب وكل بقع بنيه ورحت الى اخصائيه جلد اتعالج عن هالشي بس الادويه الا عطتني اياهم ما فادتني مع الاسف ورديت رحت لوحدة ثانيه افضل منها بس مع الاسف جسمي ما يستجيب للادويه!! سويت تحليل دم وطلعت لي النتائج ممتازة ودمي زاد عن قبل وكنت اعاني من مشكله بالصفائح لكن حاليا الحمدلله هالمشكله راحت .. يعني وين الغلط!!! ليش جسمي ما يستجيب لشي!! استخدمت غسول وكريمات وادويه لكن الجلد مو راضي يتعالج ابد من هالمشكله !! لدرجه ان اللحين ردت طلعت لي حبوب وبالرغم اني تركت اشيل شيره حسب تعليمات الاخصائيه الجلديه وصار لي تقريبا خمس شهور ما شلت لي شيره وحتى لما اشيل الشعر بالموس يطلع لي الشعر من تحت الجلد! والله غريبه !!
تعبت يادكتورة من كل شي حاليا قمت احط غسول الا على المشمش لكل جسمي مكان الحب على الاقل يتقشر الجلد ويطلع لي غيره بدون هالبقع البنيه الا اكلت جسمي وقمت احط عقب كريم فيد اوت واحس شوي فتح لون البقع بس ابغي استشارتج .. وياريت ما تخيبين ظني وتردين بسرعه لانه صج تعبت خلاص بس ما ابغي افقد الامل بالله ابد وياريت تفيديني وتغيرين حالتي النفسيه والله يجازيج خير يارب
|
مرحبا حبيبتي دلال
شوفي ياقلبي بالنسبة لشعرك
انصحك بعمل تحليل للغدة الدراقية وتحليل لفقر الدم
اول شئ لابد من هذه التحاليل اوكي وبعدين نشوف لان غالبا خلل بالغدة الدراقية وخلل في الهممو جلوبين بيسبب تساقط للشعر
بالنسبة للساؤل التاني
انت عندك مشكلة للازالت الشعر
ولما بتطلع الشعر بتكون منكسرة بالداخل
نصيحتي لك قبل ازالت الشعر لابد من عمل تقشير للجلد سواء بمواد طبيعية او موادة من الصيدليةوحتشوفي ان الحالة بتصير تمام انشاء الله
__________________
اعتذر عن عدم الردود على
الاسئلة الطبيبة
ودلك لظروف صحية شديدة
تمنعني من الجلوس
دعواتكن لي بالشفاء ولسائر المرضى
ان شاء الله مايصيبكن مكروه
والعفو السماح من الجميع
بامان الله