|
مكرونتي غيييييييييييرر
اول شي هذي طريقتي بالمكرونه بالباشميل
انا اعشق هالطبخه من لما كنت اصغيره ودايما اسويها لحد ماظبطتها والكل لما يذوق مكرونتي ينجن عليها ويطلب الطريقه
وهذي هي طريقتي
المقادير
لحمه مفرومه طازجه نص كيلو تقريبا
بصل وحده كبيره مقطعه صغاار مره
زيت
ملح شويه
مكعب ماجي
كمون
فلفل اسود
شوي بهارات ايطاليه مجففه ريحان وزعتر
معجون طماطم
1ملعقة كاتشب كبيره
فلفل بارد مقطع صغار
تطبخ لمدة 20دقيقه
الطريقه
شوحي البصل بالزيت لحد مايذبل واضيفي اللحمه وحركيها لحد مابتغير لونها واظيفي البهار مع الماجي وحركي بعدين اضيفي المعجون والكاتشب انا احب اخليها حمرا
واغطيها لان اللحم بتطلع مويته واقصر النار
بعد كذا اسلق المكرونه بمويه وملح وزيت
اي نوع مكرونه تحبينه
بعد كذا اسوي الباشميل
المقادير
3ملاعق كبيره مليانه سمن نباتي نور
6ملاعق كبيره مليناه دقيق
6كاسات حليب طازج المراعي مثلا
فلفل اسود نص ملعقه صغيره
3حبات جبن كيري
شوية ملح
الطريقه
اذوب السمنه بعدين اضيف الدقيق واحركها شوي 3دقايق تقريبا بعد كذا اظيف الحليب واحرك بسرعه والافضل احد يظيف لك الحليب وانتي حركي بسرعه عشان مايتكتل
بعدين ضيفي الجبنه والفلفل والملح
وحركي وذوبي الجبنه زين
واذا قرب يطبخ وثقل طفيه
وبالوقت هذا تكون المكرونه استوت وطلعتيها
واللحمه بعد وضفتي لها الفلفل البارد
سكري النار عنهم كلهم
ضيفي ثلاث مغارف كبار من الباشميل على المكرونه وحركيه بعدين حطي نص المكرونه بالصينيه
وحطي اللحمه وبعدين النص الباقي وصبي الباشميل فوقها ودخليها الفرن لحد ماتتحمر من فوق
ملاحظه:تقدرين تظيفين شرايح ليمون وطماطم فوق اللحمه لما تحطيها بالصينيه تعطي شكل وطعم مره يجنن وبالعاااااااافيه
جربوها وادعوووولي
__________________
|