أنا يتيمة... بس هم موجودين
السلام عليكم
ترددت كثيرا في كتابة هذا الموضوع الخاص بي كونه خاص جدا علي ولكن عندما تعودت على هذا المنتدى لم يعد شئ خاص بي الا النقاط الحمرا ويجب مشاركة الجميع بمشاكل الاخرين
قصتي تقول:
أنا بنت عمري 18 سنة أويا وأمي مهم موجودين معايا لأتهم انفصلوا من زماااااااان ابويا استقر واتزوج وحدة ما تطيقني وأمي سافرت بلاد أوروبية واتزوجت هناك واخذت الجنسية " الله يحفظها " لو تصدقوا لي 6 سنوات مااشوفها وماني عارفة أي أخبار عنها وماني عارفة لو هي جابتلي أخوان ولا لا
المهم انا كنت عايشة عند أبويا بس بعدين وداني عند جدتي ترعاني
ماتت جدتي,,,, أبويا استأجرلي شقة أجلس بيها بروحي " ماني مصدقة أبويا يعمل كده" تعرفوا ليه عشان زوجتو
المهم انا جالسة في بلد وابويا في بلد وامي في بلد انقطع اي اتصال بيننا أمي زي ماقلت 6 سنوات وابويا 4 سنوات حتى عماتي وخالاتي ما يسألوا عليا
طيب ليه والله ماسويتلهم شئ
صرت أقضي يومي مع صديقاتي بس قليل منهم
وحاسة جدا بوحدة وملل
طبعا غير المشاكل الثانية ان شاء الله في موضوع ثاني حذكرها ليكم عشان مااطول عليكم
مش حرام كده يعملوا الام والاب
عشان كده اي احد متزوج وعندو أطفال ينسى فكرة الطلاق عشان اطفالكم مايتعبوا زي ما احنا نتعب
انا حطيت القصة للقراءة اللي حابب يرد فاليرد
وشكرا
نبع الجروح
__________________
|