عالم الحياة الزوجية - منتدى - عرض مشاركة واحدة

marwa_abas · 26-03-2008, 04:13

السلام عليكم ورحمة الله وبركاته

كيفكم وحشتونى حبيت اقولكم على قصة ولادتى والله يابنات كان يوم احلف بى.. .. ..
بحياتى كلها وعمرى ماانسااااااااااه .. ..
المهم انا يوم الجمعه 21/3/2008 صحيت من النوم ودخلت الحمام حفظكم الله ولقيت دم نزل عليا المهم اليوم ده زوجى ذهب الشغل لانه كان عارف انى ممكن اولد فى اى وقت وحب انه يخلص كل الشغل اللى فى ايده عشان يفضى ساعة ولادتى ..
انا طبعا اتخضيت واتصلت بيه وقولتله لازم تيجى الان انا مش عارفه دى علامة ولاده ولا ايه ؟؟
بصراحه هو جه وقالى تحبى نروح لدكتورة ولا نعمل ايه ؟ قلتله طب استنى شويه يمكن يجى طلق ولا اى شئ وكدا كدا اليوم اجازة ولو رحنا هندخل طوارئ قلتله اقولك تعالى مشينى شويه يمكن تسهل والولاده تقرب اتمشينا وروحنا المستشفى طبعا قبل الدكتورة ماتكشف لازم النيرس تكشف عليا الاول وتشوف لو الموضوع مستاهل تستدعى الدكتورة ولا لا كشفت عليا وقالت لا انتى يادوب 1.5سم لسه بدرى البنت دى انا اتصحبت عليها وعرفتنى المهم قالت عموما هجيبلك الدكتورة وسألتها عن الدكتورة اللى كنت ناويه اولد معاها قالت مريضه عمله عمليه وقاعده فى الاوضه اللى جمبك طبعا انا قلت قدر الله وماشاء فعل الحمد لله اكيد خير ليا ولحسن حظى انى كنت متابعه معاها ومع واحده تانيه وكنت محتارة اختار مين تولدنى ولما حصل كدا قلت ربنا اختارلى ..
جت الدكتورة وقالت نفس الكلام وقالت روحى وتعالى لما الطلق يجى كل 5 دقايق ..
روحت فعلا وانا فى الطريق لقيت امى بتتصل بى عشان ادخل على النت تكلمنى انا مردتش اعرفها لانى اتفقت مع زوجى انى مش هعرف حد الالما اولد كلمت امى وهى مش من عادتها تدخل النت يوم الجمعه لان اهل زوجى انا مخصصه لهم اليوم ده يكلمونا فيه وسالتها دخلتى اليوم ليه قالت مش عارفه اتشغلت عليكى وكنت فى المطبخ وحسيت انك فى ضيقه قلت لا لازم اكلمك اطمن عليكى قلت بينى وبين نفسى والله فعلا قلب الام عمرة مايكدب .. بس خبيت عليها وماعرفتها اى شئ ..
وانتهى اليوم بدون اى طلق نيجى بقى يوم السبت بداء الطلق معايا من الساعة 4 عصرا كان خفيف لغاياة الساعة 6 من 6 بداء يتواتر ويجى كل 5 دقائق بس مش شديد قوى .. المهم رحت المستشفى كانت الساعة8.5 والدكتوره كشفت قالت لا لسه 2 سم روحى ولما يشتد اوى تعالى . بصراحه زعلت كنت عايزه اخلص بقى .. قلت لزوجى تعالى مشينى تانى رحت اتمشيت 3كيلو وروحت كلت بلح وحليب والطلق ابتدا يزيد لما وصلت الساعه 2.5 بليل قلت لزوجى تعالى نروح بقى ولو فتح 4 سم هقعد مش هاجى تانى رحت وقاست الرحم لقته 3 سم وقالت لو عايزه تقعدى اقعدى بس متستعجليش على نفسك انت بكريه والطلق هيطول قعدت والساعة تعدى عليا كأنها زمن كل شويه نيرس تيجى تقيس وتقول لسه لغاية الساعة 6 كان اتفتح 5 سم وسالت النيرس يعنى ممكن اولد امتى قالت فى علم الغيب جت الساعة 7 وانا خلاص مش قادرة استحمل حتى قياس الضغط مش قادرة ارفع ايدى عشان تقيس كان زوجى من الساعه 4 قالى تحبى تاخدى حقنة الظهر قلت لا ولما لقيت نفسى فى الاخر تعبت قلت له ماشى ادينى الحقنه النيرس قالت الدكتور فى عمليه ومينفعش يخرج الان .. وتخرج من عندى واسمعها تقول لزوجى دلوقتى تولد متقلقش بس ده خوف وانا انده عليها اقولها حرام عليكى ابوس ايدك ولدينى تعبت ادينى الحقنه وانا استنى لغاية الصبح معاكى بس استريح عايزه انام .. وتتريق عليا هى وصحابها المهم الساعه جت 9 الصبح والرحم فتح 7 سم جت الدكتورة وقالت بصراح يامروة ابنك راسه مش نزله عدل يعنى مرفوعه لفوق شويه ومش هيعرف ينزل كدا ولو استمر كدا مضطرين تولدى قيصرى انا سمعت كدا تعبت قلت ايه بعد 14 ساعة طلق اولد قيصرى المهم سلمت امرى لله وقلت ماشى قالت بس انا هسيبك شويه كمان يمكن يتعدل قلتلها لا لو خلاص يبقى قيصرى كفايه تعب لغاية كدا حرام عليكى قالت انا بعمل لمصلحتك .. المهم قالت نص ساعه بس اللى نص ساعه خلتها ساعه وربع .. جت الساعه 10 وربع لقيت البنت بتاخد منى دم معرفش ليه وفى ثوانى لقيت نفسى على ترولى وزوجى راح يمضى اقرار الولاده ولما جه لقيته بيبكى انا خفت قلت له ايه قالو لك فى شئ خطر قال لا مافيش .. طلع خايف عليا .. قلتله حرام عليك انا فيا اللى مكفينى مش ناقصه .. جابو ترولى وجم يخرجونى قلت لا انا منتقبه غطونى وفعلا غطونى ببطنيه كلى مكنش باين منى شئ دخلت غرفة العمليات وعندها قالو لزوجى لا انت ممنوع البنت الممرضه شافت زوجى وعرفت ان اللى تحت الغطاء انا قالت ايه ده مين مروة لاحول ولا قوة الا بالله معلش كل اللى يجيبه ربنا كويس ..تصدقو يابنات انا مكنش فى دماغى قبل الولاده انها هتكون قيصرى ولو كنت اعرف كنت استعديت بالشهاده على الاقل .. معرفش حسيت ان الكلام اتمسح من دماغى لقيت اتنين دكاترة والدكتورة بتاعتى ويجى 10 بنات مساعدات انا ولا كان فى دماغى اى خوف كل اللى كان هممنى انى اخلص واولد حتى الدكتورة استغربت قالت اول مرة اشوف واحده مستعجله على القيصرى .. لقيت الدكتور قالى قولى الحمد لله .. قلت واللى جه على لسانى ساعتها (( ربى لا أسألك رد القضاء ولكنى أسألك اللطف فيه )) ومعرفش ساعتها اى حصل والله حتى محستش حتى بحقنة البنج . اه والدكتور قالت هتاخدى كلى مش نصفى قلت احسن عشان انام انا تعبانه .. ومحستش بنفسى الا والممرضه دى بتصحينى وتقولى فوقى يامروة خلاص ولدتى قلت ابنى فين قالت فى الحضانه تمام انت هتروحى العنايه المركزه الان الساعه 12 ظهرا ومش هتخرجى الا بعد 6 ساعات فعلا رحت هناك ونمت وكل ساعه اصحى على ممرضه بتدوس على بطنى وانا اصوت اقولها بتعملى ايه تقولى مساج عشان الدم يخرج اقولها حراااام عليكى سيبينى كفايه اللى فيه لآ وكمان علقولى جهاز ضغط اوتوماتيكى يعمل كل نص ساعه لوحده يعنى معرفتش انام كل مانام شويه اصحى على الجهاز مرة والبنات مره يعملو مساج ههههههه وده وقت مساج كانت ناقصاهم .. قلت طب اشوف ابنى قالو لا لما تروحى غرفتك سلمت امرى لله .. وسكت وزوجى جه جلس معايا وورانى صورته على الموبيل وجت الدكتورة تمر عليا وقالت شوفتى ابنك قلت لا قالت امور بس دماغه كبيرة احمدى ربنا انك ولدتى قيصرى مكنش هيخرج من الحوض لو كنا عملنا ايه وكمان الحبل السرى كان ملفوف على رقبته يعنى ربنا كاتب له يعيش وسالتها طب هو كويس قالت تمام قلت الحمد لله مادام هو كويس كله يهون .. خرجت رحت غرفتى واتصلت بماما بلغتها انى ولدت الحمد لله بكت وقالت حرام عليكى ليه تخبى عليا قلتلها لو كنت قلت كنتى هتعملى ايه هتعيشى فى قلق وخلاص لا كدا احسن .. وعدا الموضوع على خير وعلى فكرة انا تعبت فى الطلق بس ربنا سترها معايا فى القيصرى والله يابنات محستش بألمها اد الطبيعى ولو اعرف انها كدا كنت طلبتها من الاول بجد انا فى نظرى القيصرى اسهل بكتيييييييييييييييير من اللى شفته .. بس طولت عليكم بس حبيت احكى بالتفصيل الممل والان الحمد لله معايا عمورى ومدوخنى فى الرضاعه بس عسل ان شاء الله هنزل صورته تشوفوه بس نصيحتى ارضو بقضاء الله اياً كان ماحد يعرف الصالح من الطالح غيره وفعلا نسيت كل شئ عن الطلق والالم ساعة شوفت حبيبى ربنا يجعل ولادتكم جميعا سهله وما حد يشوف اللى شفته ..

26-03-2008, 04:13	#1 (permalink)
marwa_abas عضو نادي الألف تاريخ التسجيل: 08-01-2008 المشاركات: 1,544	بنات اسمعو قصة معاااااااناتى السلام عليكم ورحمة الله وبركاته كيفكم وحشتونى حبيت اقولكم على قصة ولادتى والله يابنات كان يوم احلف بى.. .. .. بحياتى كلها وعمرى ماانسااااااااااه .. .. المهم انا يوم الجمعه 21/3/2008 صحيت من النوم ودخلت الحمام حفظكم الله ولقيت دم نزل عليا المهم اليوم ده زوجى ذهب الشغل لانه كان عارف انى ممكن اولد فى اى وقت وحب انه يخلص كل الشغل اللى فى ايده عشان يفضى ساعة ولادتى .. انا طبعا اتخضيت واتصلت بيه وقولتله لازم تيجى الان انا مش عارفه دى علامة ولاده ولا ايه ؟؟ بصراحه هو جه وقالى تحبى نروح لدكتورة ولا نعمل ايه ؟ قلتله طب استنى شويه يمكن يجى طلق ولا اى شئ وكدا كدا اليوم اجازة ولو رحنا هندخل طوارئ قلتله اقولك تعالى مشينى شويه يمكن تسهل والولاده تقرب اتمشينا وروحنا المستشفى طبعا قبل الدكتورة ماتكشف لازم النيرس تكشف عليا الاول وتشوف لو الموضوع مستاهل تستدعى الدكتورة ولا لا كشفت عليا وقالت لا انتى يادوب 1.5سم لسه بدرى البنت دى انا اتصحبت عليها وعرفتنى المهم قالت عموما هجيبلك الدكتورة وسألتها عن الدكتورة اللى كنت ناويه اولد معاها قالت مريضه عمله عمليه وقاعده فى الاوضه اللى جمبك طبعا انا قلت قدر الله وماشاء فعل الحمد لله اكيد خير ليا ولحسن حظى انى كنت متابعه معاها ومع واحده تانيه وكنت محتارة اختار مين تولدنى ولما حصل كدا قلت ربنا اختارلى .. جت الدكتورة وقالت نفس الكلام وقالت روحى وتعالى لما الطلق يجى كل 5 دقايق .. روحت فعلا وانا فى الطريق لقيت امى بتتصل بى عشان ادخل على النت تكلمنى انا مردتش اعرفها لانى اتفقت مع زوجى انى مش هعرف حد الالما اولد كلمت امى وهى مش من عادتها تدخل النت يوم الجمعه لان اهل زوجى انا مخصصه لهم اليوم ده يكلمونا فيه وسالتها دخلتى اليوم ليه قالت مش عارفه اتشغلت عليكى وكنت فى المطبخ وحسيت انك فى ضيقه قلت لا لازم اكلمك اطمن عليكى قلت بينى وبين نفسى والله فعلا قلب الام عمرة مايكدب .. بس خبيت عليها وماعرفتها اى شئ .. وانتهى اليوم بدون اى طلق نيجى بقى يوم السبت بداء الطلق معايا من الساعة 4 عصرا كان خفيف لغاياة الساعة 6 من 6 بداء يتواتر ويجى كل 5 دقائق بس مش شديد قوى .. المهم رحت المستشفى كانت الساعة8.5 والدكتوره كشفت قالت لا لسه 2 سم روحى ولما يشتد اوى تعالى . بصراحه زعلت كنت عايزه اخلص بقى .. قلت لزوجى تعالى مشينى تانى رحت اتمشيت 3كيلو وروحت كلت بلح وحليب والطلق ابتدا يزيد لما وصلت الساعه 2.5 بليل قلت لزوجى تعالى نروح بقى ولو فتح 4 سم هقعد مش هاجى تانى رحت وقاست الرحم لقته 3 سم وقالت لو عايزه تقعدى اقعدى بس متستعجليش على نفسك انت بكريه والطلق هيطول قعدت والساعة تعدى عليا كأنها زمن كل شويه نيرس تيجى تقيس وتقول لسه لغاية الساعة 6 كان اتفتح 5 سم وسالت النيرس يعنى ممكن اولد امتى قالت فى علم الغيب جت الساعة 7 وانا خلاص مش قادرة استحمل حتى قياس الضغط مش قادرة ارفع ايدى عشان تقيس كان زوجى من الساعه 4 قالى تحبى تاخدى حقنة الظهر قلت لا ولما لقيت نفسى فى الاخر تعبت قلت له ماشى ادينى الحقنه النيرس قالت الدكتور فى عمليه ومينفعش يخرج الان .. وتخرج من عندى واسمعها تقول لزوجى دلوقتى تولد متقلقش بس ده خوف وانا انده عليها اقولها حرام عليكى ابوس ايدك ولدينى تعبت ادينى الحقنه وانا استنى لغاية الصبح معاكى بس استريح عايزه انام .. وتتريق عليا هى وصحابها المهم الساعه جت 9 الصبح والرحم فتح 7 سم جت الدكتورة وقالت بصراح يامروة ابنك راسه مش نزله عدل يعنى مرفوعه لفوق شويه ومش هيعرف ينزل كدا ولو استمر كدا مضطرين تولدى قيصرى انا سمعت كدا تعبت قلت ايه بعد 14 ساعة طلق اولد قيصرى المهم سلمت امرى لله وقلت ماشى قالت بس انا هسيبك شويه كمان يمكن يتعدل قلتلها لا لو خلاص يبقى قيصرى كفايه تعب لغاية كدا حرام عليكى قالت انا بعمل لمصلحتك .. المهم قالت نص ساعه بس اللى نص ساعه خلتها ساعه وربع .. جت الساعه 10 وربع لقيت البنت بتاخد منى دم معرفش ليه وفى ثوانى لقيت نفسى على ترولى وزوجى راح يمضى اقرار الولاده ولما جه لقيته بيبكى انا خفت قلت له ايه قالو لك فى شئ خطر قال لا مافيش .. طلع خايف عليا .. قلتله حرام عليك انا فيا اللى مكفينى مش ناقصه .. جابو ترولى وجم يخرجونى قلت لا انا منتقبه غطونى وفعلا غطونى ببطنيه كلى مكنش باين منى شئ دخلت غرفة العمليات وعندها قالو لزوجى لا انت ممنوع البنت الممرضه شافت زوجى وعرفت ان اللى تحت الغطاء انا قالت ايه ده مين مروة لاحول ولا قوة الا بالله معلش كل اللى يجيبه ربنا كويس ..تصدقو يابنات انا مكنش فى دماغى قبل الولاده انها هتكون قيصرى ولو كنت اعرف كنت استعديت بالشهاده على الاقل .. معرفش حسيت ان الكلام اتمسح من دماغى لقيت اتنين دكاترة والدكتورة بتاعتى ويجى 10 بنات مساعدات انا ولا كان فى دماغى اى خوف كل اللى كان هممنى انى اخلص واولد حتى الدكتورة استغربت قالت اول مرة اشوف واحده مستعجله على القيصرى .. لقيت الدكتور قالى قولى الحمد لله .. قلت واللى جه على لسانى ساعتها (( ربى لا أسألك رد القضاء ولكنى أسألك اللطف فيه )) ومعرفش ساعتها اى حصل والله حتى محستش حتى بحقنة البنج . اه والدكتور قالت هتاخدى كلى مش نصفى قلت احسن عشان انام انا تعبانه .. ومحستش بنفسى الا والممرضه دى بتصحينى وتقولى فوقى يامروة خلاص ولدتى قلت ابنى فين قالت فى الحضانه تمام انت هتروحى العنايه المركزه الان الساعه 12 ظهرا ومش هتخرجى الا بعد 6 ساعات فعلا رحت هناك ونمت وكل ساعه اصحى على ممرضه بتدوس على بطنى وانا اصوت اقولها بتعملى ايه تقولى مساج عشان الدم يخرج اقولها حراااام عليكى سيبينى كفايه اللى فيه لآ وكمان علقولى جهاز ضغط اوتوماتيكى يعمل كل نص ساعه لوحده يعنى معرفتش انام كل مانام شويه اصحى على الجهاز مرة والبنات مره يعملو مساج ههههههه وده وقت مساج كانت ناقصاهم .. قلت طب اشوف ابنى قالو لا لما تروحى غرفتك سلمت امرى لله .. وسكت وزوجى جه جلس معايا وورانى صورته على الموبيل وجت الدكتورة تمر عليا وقالت شوفتى ابنك قلت لا قالت امور بس دماغه كبيرة احمدى ربنا انك ولدتى قيصرى مكنش هيخرج من الحوض لو كنا عملنا ايه وكمان الحبل السرى كان ملفوف على رقبته يعنى ربنا كاتب له يعيش وسالتها طب هو كويس قالت تمام قلت الحمد لله مادام هو كويس كله يهون .. خرجت رحت غرفتى واتصلت بماما بلغتها انى ولدت الحمد لله بكت وقالت حرام عليكى ليه تخبى عليا قلتلها لو كنت قلت كنتى هتعملى ايه هتعيشى فى قلق وخلاص لا كدا احسن .. وعدا الموضوع على خير وعلى فكرة انا تعبت فى الطلق بس ربنا سترها معايا فى القيصرى والله يابنات محستش بألمها اد الطبيعى ولو اعرف انها كدا كنت طلبتها من الاول بجد انا فى نظرى القيصرى اسهل بكتيييييييييييييييير من اللى شفته .. بس طولت عليكم بس حبيت احكى بالتفصيل الممل والان الحمد لله معايا عمورى ومدوخنى فى الرضاعه بس عسل ان شاء الله هنزل صورته تشوفوه بس نصيحتى ارضو بقضاء الله اياً كان ماحد يعرف الصالح من الطالح غيره وفعلا نسيت كل شئ عن الطلق والالم ساعة شوفت حبيبى ربنا يجعل ولادتكم جميعا سهله وما حد يشوف اللى شفته .. __________________ اللهم انى اعوذ بك ابنى بعزتك وقدرتك وعظمتك من شر مايجد ويحاذر واحفظه لى من كل شر وكل مرض وكل اذى .واجعله لى من الصالحين وبارك لنا فيه .. .. امين __________________ احصل على الاف المقالات , المواضيع و الصور باستخدام البحث في المنتدى انقر هنا