المشاركة الأصلية كتبت بواسطة خطبني حبيبي

نورتي وشرفتي والقسم كله احلو بوجودك لاني مليت من مراجع واحد رح يصير طبيب بالخبره ومني وينافسني
ياويلي لايكون يسمعني يذبحني ولا يقطع رزقي ويسكر العياده
حبيبتي مادامك خبره بالسنون ومشاكلها ابشري ولاتخافين تره كلها كم ابره على كم قلع سن وتصيرين ولا احسن
لاتصدقين ترى بس بخوفج ابغاج تتطمنين ترا هذه العياده بيتكم والله
المهم حبيبتي بالنسبه لهشاشة اسنانك تراكي يا اما عندك نقص شديد بالكالسيوم يا اما في خلل بالتركيب السني نفسه لان هذه الاعراض لو كانت في كل العظام بيكون عندك خلل في الكالسيوم بس اذا بالسنان بس اذن انتي عندك خلل فالاسنان بس
ممكن اعرف المده الي حطيتي فيها التقويم وكم عمرك ماتخافي مابخبر حد
وهل انتي متزوجه ومخلفه ولاد؟؟؟؟
بس عشان اشخص الحاله حبيبتي
واكثر الظن انو بسبب التقويم صاير خلل لاسنانك لانو يا اما المده طويله اكثر من اللازم او التقويم ماكان محطوطلك صح
عموما ياعمري بسيطه كل شي وله علاج وانتي لو كنتي من محبين الالبان والحليب كثري منها واستخدمي معجون الجيديوم الطبي بتلاقينه بالصيدليات هو الة تاثير كبير على قوة السنان
بالنسبه لمشكلتك الثانيه ماحابه اخوفك بس اكثر الحالات الي متعلقه بسنون العقل هي هذه الحاله خروجه او ظهوره غير مكتمل
انا واحد من الناس سويت عمليتين عشان اتخلص من سنان العقل الي مو طالعين
واحد كان مثل حالتك بالضبط
شوفي حبيبتي العصب الكبير المسؤول على اكثر الاسنان السفليه بالذات يمر من جنب سن العقل ولازم اي شي ياثر على السن ياثر على العصب
ويمكن ياثر على بقية الاسنان
منو اسهلج؟
تشيلين ضرس العقل وتتحملين الوجع ساعه وخياط كم يوم ولا تتعورين من سنانك بقية عمرك ؟؟؟؟
السن حبيبتي لازم يستخرج جراحيا عشان ترتاحين وتعيشين بقية حياتج بعيده عن اطباء الاسنان وياويلك لو تزوجتي طبيب اسنان بيخليكي مسرح كل شوي يجي يطلع مواهبه فيكي
وانتي وحظج
واي شي ثاني امري انا بالخدمه بس ادعيلي بالستر والرحمه