|
رد على: مواقف نسائية محرجة
هذا موقف أبداً أبداً ما أنسها : كنت يوم بازور عمتي ( أخت أبوي ) وهي حرمة كبيرة بالسن ...
نزلني زوجي عندها وراح ... أول مادخلت عليها وسلمت .. قالت/ أنا يابنتي بروح للمستاصف أطق أبرة سكر .. أمشي معي ( طبعا بليموزين ) وأنا زوجي يرفض أني أركب ليموزين بس مابغيت أردها ..
المهم هي من الحريم الضخمات طويله وعريضه وتلبس برقع ومعها عصى ...
وقشرة مرة كلن يخاف منها ....الله يشفيها ...
المهم بالشارع قلت : عمتى ترى أنا ماأبغى أركب مع ليموزين سعودي أبي هندي ...
قالت: خلاص ... وبعدين أخترنا واحد هندي ولابس بنطلون وبلوزة ...
ركبنا ...
وفي نص الطريق ... قالت عمتي : بكم توصلنا ياولد ؟؟ قال: 11 ريال ...
قالت : أقطع وأخس حق المشوار 10 ريال .. أنا كل يوم أروح ..
أنا أستغربت أن الهندي يضحك وماخاف ...
قال/ ليش أول مافيه أتفاق؟؟؟ ... أنا كلام واحد 11 ريال مافي 10 ... ولا خلاص أنا نزل أنت بالشارع ..
قالت / أقول أهجد لأ أهبدك في ذا العصا أفتح فيها راسك ..
وهو يضحك ويهز راسة ...
أنا خفت : قلت عمة خلاص أنا بعطيه 100 بس أسكتي عنه ...
قالت : أنقلع ياأبا فـــــ ..........ههههههههههههههه
مالك إلا 10 ريال... وهو يضحك ...
بعدين أنا أحاول فيها ...تكفين ياعمتى خليه ( طبعا هي معصبه ) لأنه قهرها ههههههههههه
المهم يوم شافني بغيت أصيح ...
ألتفت علينا أنا وياها ... وحط وجهه بوجهي ...
وأسنانه مكسرة ... وقال: عشرة منس وريالا من بنتس ...
واااااااااااااااااااااااااااااو صار سعودي ...
وأنا أصرخ صرخة أنا وياها بس أنا أكثر ...كأني في ملاهي ...وأضحك بنفس الوقت ..
ودخلت المستوصف وأنا منهارة من الضحك والخوف ........
شكر ا لك ..
__________________
تعبت أدفنك في دمي لجل في غيبتك أنساك ...
لقيتك تحتفل وسط العروق وتشعل أنفاسي ...
بعد هذا تجي تسأل ...أحبك ؟؟
.... والذي سواك ...
أنا
حتى المحبة ترتجف من هيبة أحساسي ...
__________________
|