عالم الحياة الزوجية - منتدى - عرض مشاركة واحدة - قبل الطلاق ..الانتقال والتكيف ..هل توجد تجارب ناجحة

(من جديد ) · 25-05-2008, 20:17

اقتباس:

المشاركة الأصلية كتبت بواسطة (عروس الجبل )

هلا و غلا وخيتي 00 خطرفة 00

و الله مدري إيش أقول 00

يمكن الإيجابية الوحيدة من إيجابيات الطلاق 00

إنك بتنفكين من الغثاء و النكد 00 اللي يقصر

العمر 00 و بتحسين إنك تنفستي شوي 00

لكن بالنسبة لي 00 الطلاق له مرارة 00 لا يعرفها

إلا من جربها 00

يمكن لأني الحمدلله ربك ما أراد إنه يشقيني بأطفال

لكن الوحدة قاسية علي 00

مرات أقول 00 المشاكل تخلي للحياة طعم 00

بس أرجع و أقول 00 الإنسان محتاج للسلام

و الأمان 00 و هذا اللي افتقدته أثناء الزواج 00

خطرفة 00 يمكن الطلاق راح يخلصك من التوتر والقلق 00

لكن الطلاق يدخلك 00 في توتر و قلق من نوع آخر 00

مدري هي الواقعة تختلف من شخص لآخر 00

لكن كل اللي أتمناه لك 00 السعادة و التوفيق

و لأولادك وين ما كنتوا 00

اقبلي صدق مودتي و احترامي 00

أختك 00 بدوية الجبل 00

اكيد ياختي الحياة ماتخلو من توترات
بوجود الزوج او من غيره
انت بنت بلادي وعارفة وضع المراة عندنا
اهلي صحيح انهم مرنين وفرق كبير عن ابو عيالي بتفكيرهم لكن بعد مو بكيفي
وعلى فكرة هو ماينكد علي ولا يغثني لو ماتسببت عليه
يعني لو اتركه بحاله وكل واحد عايش بعالم بروحه بنصير احسن زوجين ولا احد يسمع منا صوت
لكن اذا انا عالمي الحب والعاطفة
اصلا اش له تزوجته اذا بعيش هالعيشة
اذا على الحرية ببيت ابوي كنت حرة اكثر من الحين
اذا على الفلوس ببيت ابوي كان ينصرف علي اكثر من وانا معه وكان الحين وانا موظفة راتبي لي واستمتع به بروحي وبستثمره بعد
واذا على العيال الله يخلي عيالي ويحفظهم ويسلمهم وان كانت الامومة مطلب انساني لكن انا ماكنت احس انها حاجة ملحة لو ماكان الاب جيد
اش لي انجب ابناء اعذبهم بحياتهم
وبعدين الابناء مسؤولية
وبجد الشي الوحيد حاليا اللي يخليني امسك اعصابي عنه واتروى باي طلب هم العيال لاني مابي اكون معه على مشكلة لاجلهم والا لو عليه كان خلعته او رفعت عليه قضية طلاق
حتى بالمستقبل
افكر مثلا بالابتعاث او حتى بالسفر للخارج حتى لو سياحة
افكر بالزواج من جديد
لكن وجود ابنائي الله يخليهم يخليني افكر مليون مرة اني ماابي اي شي يبعدني عنهم

كنت حتى افكر اروح احد الدول الخليجية لسبب ما
لكن تراجعت اول اشوف عيالي بيروحون معي او لا
صعب علي اروح مكان هم مو فيه على الاقل حتى لو انا بعيد عنهم لو ان ابوهم حب ياخذهم وهذا احتمال وارد هو بعد مايستغني عن عياله لكن على الاقل فيه فرصة اشوفهم ولو باجازة نهاية الاسبوع او لو طلعوا مع ابوهم او حتى لو انتظرهم عند باب مدارسهم

الاولاد يكسرون ياختي البدوية وان هم احباب لله
وكثير ازواج يستمرون لاجل العيال
هو نفسه كان يبينا نستمر لاجل ابنائنا
لكن افكر كيف نقد رنستمر اذا هو ظل بشخصيته الصعبة وباسلوب التحدي معي كاننا بحرب
رغم اني ابسط من البساطة ومفتاحي سهل لكن فيه شي يسمى غباء عاطفي
وخلي كلام اللي يكوكونه ينفعه وخلهم ينفعوه
لما الرجل يحط اذنه لعزابية ومطلقين كيف يتعاملون مع المراة اش تسمين هذا
وطبعا اعني ان الرجل لو مرتاح مع زوجته فاش له تسمع كلام غيرك من اللي يحسدونك على اللي انت فيه وهو بنفسه يقول لي ان اصدقائه العزاب يبحثون عن امراة ثلاثينية من الصفات اللي يقولها بصفاتي وبعمري وان كنت اكبر منهم

هو مو حاس باللي يسويه لا بي ولا بعياله
عموما ربي حسيبه
وانا مابي منه شي

ابي الحين بس افتك من هالتوتر والانتظار
ونفسي اروح اكلمه بالامر وانهي الموضوع