|
السلام عليكم ...انا تعبانه
السلام عليكم
انا نفسيتي جدا تعبانه معرف اقلكم ايه
انا مخطوبة وملكت وبعد خطيبي سافر لبلدة خارج المملكه للدراسه
ولن يرجع الا بعد كم شهر
لمن كان موجود معي في السعوديه كنت احس بحبه واهتمامه
الحين من سافر مااحس بشي يقولي احبك وانتي اهم شي في حياتي بس تصرفاته غير كلامه
مايكلمني بالجوال الا مرتين تقريبا في الاسبوع وبس على الماسنجر يكلمني كل يوم
امس واليوم ماكلمني لا على الجوال ولاعلى النت بالعلم اليوم سبت واجازه عندهم وماعندو شي
بس ماكلمني
اشك في كثير الحين فترة الشك الحمد لله خفت
قبل مايخطبني كانت عندو علاقة مع بنات كلهم بس تسليه على الماسنجر وواحده كان يكلمها
بالتلفون وخطبها بس اهلها ماوافقو وهو يقول انو خطبها لانو كان يحزن ويشفق عليها هيا صديقة قريبته
انه امها وابوها منفصلين وعندها مشاكل وحالتها النفسية جدا تعبانه وكانت متعلقة فيه كثير وحبته
وهو بسبب حبها وتعلقها سار يشفق عليها واتهيالو انه يحبها بعد ماابوها رفض زواجهم يقول مازعلت حسيت اني ارتحت اني ريحت ضميري وبريت ذمتي امام الله عشان مااكون ضحكت عليها او لعبت في مشاعرها وتركتها وبعد الرفض قطعت علاقتي فيها واني اوا حب حقيقي في حياته
بس انا مااصدقه مااعرف ليه بس دايما اشك في كلامه هوا جدا طيب وحنون
بس انا دايما اشك في كلامه واحسه يكذب علي
احبه بس خايفه ماابغا اتعذب بقية حياتي معاه
مني عارفه كثير افكر اسيبه انا محتاره وتعبانه جدا مني عارفه كيف اتصرف
ماقلت لااحد الي في نفسي
ابغا رايكم ايش اعمل وكيف اتصرف معاه
انا لمن ماكلمني امس واليوم على طول دي الفكره دخلت في بالي واني افسخ الخطوبه
بالعلم اليوم كلمت اخته قالتلي امس كلمهم ع الجوال وانا ماكلمني ليييييييييييييييي
يارب الله يفرج لي همي
ساعدوني برايكم ونصايحكم
شكرا
__________________
|