عالم الحياة الزوجية - منتدى - عرض مشاركة واحدة - تفاااااااااااااااائل وحياة وامل..مجلس المنتظرات الحمل

خطوات راحله · 22-06-2008, 16:49

اقتباس:

المشاركة الأصلية كتبت بواسطة فراشة2007

اهلا عزيزتي فراشه زوجها

فعلا نفستي هالمره كثير مستانسه غير عن الشهور السابقه
كنت من اشوف الدوره اقعد ابكي كثييييييييييييييييييييييييييير االين اتعب وانام واظل متضايقه
تزوجت تاريخ 13/7/2006 وبعد الزواج بشهر ونص جاني الم ببطني بعد الجماع رحت المستشفى حكومي
ورقدت عندهم وكل يوم يعملوا لي سووووونار ولكن كلما اسالهم شفيني قالوا لا نعرف يمكن تكيس ويمكن تجمع سوائل بالحوض
بعدين قلت لهم خلاص طلعوني طلعت من المستشفى الحكومي ورحت مستشفى خاااااص وعملت لي سونار اشعه الموجات فوق الصوتيه وعرفت على طول ان عندي كيس دم وقالت لي يمكن السبب ان الدوره تجيك بالم والدم ماينزل بسهوله فتجمع وصار كيس قالت راح اعطيك حبوب اذا نزل الكيس اوكي واذا مانزل لازم تعملي عمليه منظار لازالته والحمد الله بعد شهرين رحت لها وطلع مافيني كيس يعني نزل بالحبوب عطتني فيتامينات للحمل وبعد شهر ونص تقريبا الله كتب لي وحملت والحمد لله (بعد 5 شهور من زواجي ) وكنت اتابع حملي في المركز الصحي وكان كل شى تماااااااااااام والحمد الله في اخر اسبوع من الشهر الثامن رحت موعدي عند الدكتوره وكان على اساس انها راح تعطيني الموعد كل اسبوع لاني راح ادخل التاسع المهم قلت لها صار له تقريبا اسبوع ما احس انه يرفس احس بنبض في بطني احس ان راسه ساعات يروح فوق وساعات ينزل بس الرفس ما احس فيه عملت لي سونار وكانت شاكه انه مافي نبض نادت دكتوره ثانيه وجات سوت لي السونار وقالت لي نبضه ضعيف لازم تروحي المستشفى عشان يولدوكي او يعملوا لك تخطيط قلب للجنين شى وكان زوجي بالعمل اتصلت فيه وقلت له عطوني تحويل للمستشفى المركزي قال لي المسؤؤول مايرضى يطلعني ومن الله ان كان ذاك اليوم زوجي داخل الشركه لان هو شغله تسويق بره الشركه المهم اخذت رقم المسؤوول من عنده وعطيته الدكتوره واتصلت للمسؤؤول وقالت له ان زوجه ...... الموظف اللي عندكم لازم تروح المستشفى المركزي الحين لاننا شاكين بنبض الجنين قالوا اوكي مو مشكله وطلع زوجي وجاني ورحنا والمفروض الدكتوره المداومه تعمل تخطيط قلب الجنين بس عملت سونار ايضا وسالتني منو جابك قلت لها زوجي قالت روحي ناديه رحت ناديته وهو حس في الموضوع وقامت تشرح لنا ان االله كريم والله يعوضنا وخبرتنا ان الجنين مات ببطني وقالت راح اعمل لك تحليل حق تسمم حمل اذا مافيك راح نعطيك موعد بعد اسبوع حق الولاده ويمكن خلال هالاسبوع يجيك طلق وتولدي طبيعي رحت المختبر عشان ياخذوا دم وزوجي طلع بره واخذ يبكي بقوه وانا ما ادري فيه بعدين قال لي وانا كنت حابسه دمعتي بس بعد ماشفت زوجي ماتمالكت نفسي ورحت الحمام وقعدت ابكي المهم بعدين قعدنا ننتظر النتيجه التحليل الا واتصال جاي له الا هو من عمي قام يتكلم وي زوجي وبعدين سالته شصاير قال اتصلت لاخواني عشان يجون ياخذونا لاني ما اقدر اسوق السياره حاس روحي تعبان بس اخوانه كانوا مشغولين فقاموا اتصلوا في خالهم الا هو عمي وهو جاي لنا اختربت عليه السياره وقام اتصل بابوي ويوم قال بهالشى عصبت قلت ليش قلت لهم ما ابي احد يجي وما ابي احد يشوفني قال اوكي رجع اتصل في خاله وقال له ان انا صرت زين وخلاص لا احد يجي راح نرجع لحالنا واحنا من الصبح بالمستشفى الساعه 2 ونص الظهر خلصنا وراح نرجع البيت واحنا طالعين قلت له جوعانه خاطري بدونات ورحنا شرينا دونات واكلنا وانا بالطريق تلفوني ماسكت اختي كانت تتصل بس انا ماحبيت ارد عليها طرشت لها مسج ان الجنين مات ولا احد يتصل فيني ولا احد يجيني لان نفسيتي تعباااااااااانه ومن صوب ثاني ابوي كان يعلم امي بس مي مصدقه فوصل المسج من عندي واكد لهم الخبر المهم قال بوديك بيت امك قلت له لا ما بخليك بروحك ورحنا بيت زوجي ومن دخلت غرفتنا وسرير البيبي موجود انفجرت بالبكاااااااااء وجات عمتي وراء تهدئني ومن صوب ثاني راح اخو زوجي يجيب زوجي من السياره لانه مارضى ينزل ودخله البيت وقعدنا نبكي وقضينا كل يومنا لا اكل ولا شرب بس بكاااااااااء ما ابي اطول عليكم ثقلت عليكم كثيييييييري
هذا الشى صار يوم الثلاثاء وليله السبت ابتدا عندي طلق خفيييييييييف ويوم السبت زاد شوي ورحت المستشفى الساعه 12 الليل قالوا توك 1 سانتي رجعي بيتكم ورجعت وزاااااااد الطلق وانا اصرخ واضرب زوجي رجعنا المستشفى الساعه 4 الفجر صلت امي الفجر ومرينا عليها ورحنا والا انا 4 سانتي صعدوني العمليات والحمد الله ولدت الساعه 5 الصباح وكان ولد يقولوا انه قمرررررررر انا ماشفته لان الدكتوره قالت الافضل انك ماتشوفيه لان ماراح يروح من بالك ودايما بتبكين عليه شافته امي بس وزوجي وكان السبب ان الحبل السري التف على رقبته لفتين اخذه زوجي ووداه يدفنونه والصباح جات الدكتوره سالتها عن سبب التفاف الحبل قالت يا ان الحبل كان طويل او ان كانت حركته كثييييييره
وكان الولاده تاريخ 29/7 /2007 يعني بعد سنه من زواجنا
والحمد الله رب العالمين ومن الولاده الى اليوم مافي حمل رحت على الدكتوره قالت كل شى عندك سليم بس هذا شى بايد الله عطتني كلوميد شهر ومافاد قال زوجي خلاص خليك بدون علاااااااااااجات احسن خليها على الله وكانا ننتظر الفرج من الله سبحانه وتعالى
سامحوووووووووووووووووووووووووووني على الاطاله بس شسوي احب افضفص
وانتي يافراشه خبرينا عن نفسك ؟؟؟
اللهم لا سهلا الا ماجعلته سهلا وانت تجعل الحزن اذا شئت سهلا

اللهم ارزقنا جميعا اللهم امين

اختي فراشه 2007قطعتي قلبي شوووي وابكي والله

حاسه فيك ياقلبي الضنا غااااالي
ويارب تكوني مبسوووطه على طول
ولا يهمك حبيبتي لا تفكرررين مادامك حملتي من قبل مسالة وقت وبيصير ان شاء الله
وهذا قضاء وقدر وان شاء الله يكون شفيع لكم يوم القيااامه اختي

الله يرزقك وانا وكل المنتظرات
انا لي سنتين و7شهور ما صااار حمل نهائي اختي ... زوجي معاه الدوالي .......
وانا ضعف بسيط بالتبويض ..اخذت منشطات في شهر 8وفي رمضان وما صار حمل مع ان البويضات كانت توصل لحد 17 و 18 بس زوجي سوى العمليه له الان 3شهور و20يوم
وان شاء الله الدوره راح نزل الجمعه الجاايه وقررنا نسوي تلقيح صنااااعي ... اتمنى من كل اللي سووه يقولون تجاربهم عشااان خايفه

الله يكرمك