عالم الحياة الزوجية - منتدى - عرض مشاركة واحدة

Tera. · 30-06-2008, 19:37

مساء الخير ..

اهلا فيك اختي ..

اقتباس:

والسبب ليه لاني مخطوبه من ثالث متوسط خطوبه رسميه والا الان لم اتزوج يعني لي مخطوبه6 سنوات وما سار في موضوعي غير تلبيس دبل واتفاق وبس

من ثالث متوسط ما تعتبر خطوبة رسمية بأي حال من الأحوال ..

حتى لو تقدموا بشكل رسمي ..

لسبب بسيط وهو انك بسن مثل هذا ما تقدرين تقررين بـ نعم .. أو بـ لا ..!

الخطوبة بمثل هالسن تكون غالباً برغبة من الأهل ..

لكن لما يكبروا المخطوبين .. يقرروا بأنفسهم .. هل يستمروا او لا ..!

لذلك لا تعلقين عليها اي قرار نهائياً واعتبري نفسك لسا مخطوبة ..

اقتباس:

والله تقدملي الصيدلي والمهندس والاستاذ والعسكري وغيره
الا اني قبلت بخطيبي الغير متوظف هو عايش بقريه ومشغول برعي الغنم واخلاقه جدا عاليه

طيب والنعم فيه وبأخلاقه .. واهم شئ بالرجل اخلاقه ..

لكن هل الصيدلي .. والمهندس والإستاذ والعسكري .. كلهم ما عندهم اخلاق ؟؟؟

او هلا اخلاقهم ماهي عالية ؟!!

احنا تعلمنا يا اختي الكريمة .. ان الإنسان متى ما ارتقى بالعلم سمت اخلاقه ..!

ولو افترضنا حسن الخلق فيهم كلهم ..

فهم على الأقل شقوا طريقهم بالعلم ...

وعندهم مصدر دخل يقدروا يحققوا معه ابسط مستويات العيش الكريم لك ..!!

الفقر ماهو عيب .. ورعي الغنم ايضاً ما هوعيب ..

بس العيب ان الإنسان يكون بدون علم وبدون شهادة .. وبدون مصدر دخل معقول ..!!

طيب ما فكرتي انه راح يكون بينك وبينه اختلاف في الثقافة ..!!؟؟

ما جا ببالك ان هالشئ راح يأثر على مستوى التفاهم والتجانس بينكم ؟!

اقتباس:

انا بصبر لكن لكن اخاف من بعد الزواج اخاف انه ما يكون رومنسي
اخاف مايفهم احتياجاتي رغم ما بيني وبينه ولاشي وهو يقربلي مره وسني قريب من سنه

طبعاً انتي اكيد عارفه مستوى الثقافة الزوجية في القرى ..!

اقتباس:

المشكله الحين انا واثقه من خطيبي انه ما يهنني بلعكس بحترمني ويقرني لكن انا سمعت انه مو رومنسي وانا عكسه
حتى سالت اخويه قال نسبه ارونسيه عنده 0% انا احترت والله كل يوم ابكي
واحيانا اقول انا بعدله بعد الززواج

الرومانسية ماهي هي اللي تحدد لك ان تقبلين فيه او لا ..!

فيه اشياء اهم بكثيييير ..!

التفاهم .. الإقتناع الكامل .. وجود مقومات الزواج عند كل الطرفين ..

هذي لابد انك تخلينها ببالك ..!

اقتباس:

هل تنصحون اذا ماصار شي هالسنه اني اكلم اخويه انا كل سنه تروح عليه وانا موضوعي هو وهم حتى المهر مايدفعونه والا يجمعون له حتى انا متأكده انه يبغاني لانه كلم امي وكل مايسمع انه احد تقدملي يقوول انا قدمت على وظيفه وانشاء الله خير وتلرونه هو متعلم يعني كمل اثانوي ودخلااولى كليه ووقف

انا من رأيي ..

اذا انتي مقتنعة فيه ..

وراااااضية تماماً بوضعه ..

انكم تفهمون اهله او هو شخصياً ..

اما انه يتقدم بشكل رسمي وتتم الأمور بشكل كامل ..

يعني زواج ..

او انك تصرفين النظر عنه .. تمااماً ..

لأنه واضح عليه صفة التسويف والتأجيل ..

ما توظف .. وما تقدم .. وما كمل تعليمه ..!!

خذي نفس عميق بعد قراءة الجملة السابقة .. وفكري بتركيز ..!

انا انصحك تفكري اكثر واكثر بمسألة مستوى الثقافة بينك وبينه ..

لأنها مُعضلة كبيرة جداً في كثير من مشاكل الأزواج اللي قاعدين نقرأ عنها ونسمعها ..!

وايضاً مسألة الدخل المادي .. لأن المثل يقول ..

( اذا دخل الفقر من الباب .. هرب الحب من الشباك ..! )

الله يوفقك ويسمح امرك ..