تحياتي

سلا م عليكم حبيباتي شلونكم عشاكم طيبين والله وحشتوني موت للي يعرفوني واعرفهم

تذكرون يوم سالت على افضل مانع طبيعي واستشرتكم وشفت الردود الي تقولي سوي العده وقالو بعضهم ما هي مضمونه والي قالت سوي لولب ويمكن ماهي مضمونه يمكن تحملين ولي تقولي العزل كمااااااان ماهي مضمونه واكثر الاجابات كانت خليها على الله وان شاء الله ما تحملي

المهم كان اول دوره لي كانت ب20-5 2008مـ وكانت اخر دوره
وما شفتهاااااااااااااااااا لكن تعبت فجاءه ومرضت جاني سخونه وتكسير بجسمي وطلبت من صديقتي ابغى حبوب بنادول اكسترااااا قالتي انتي كم لك ما جت الدوره قلت لهاااااااا عشره ايام من اخر دوره لي قلت ليكون شاكه فيني حامل اقول بس هاتي البنادول يرحملي والدينك قالتي بعطيك بس شكيت الصراحه وخايفه اعطيك البنادول لكن بعطيك ايها لكن سوي تحليل حمل عشان لو صار حمل ما تشربين قلت طيب طيب
وفعلا كلمت زوجي يجيب التحليل قالي عسى ماشر شكلك نفسك بحمل قلت االله لا يقوله وقلت له السالفه وانا كنت مرجحه 99% ماني حامل وسويت تحليل الحمل ونا اشوف الخط الاول طلع وقلت مالت علي اصدق جارتي عارفه ماني حامل وشويه طلعت بنفس الحظه من الباثروم حتى ما خليت التحليل نص دقيقه ورجعت عشان اخذها ارميها القمامه الا اشوف والصدمه والانذهال الخط الثاني صرخت قلت لا مستحيل اكيد عيوني كذابه وطلعت اجري لزوجي شوف الله ياخذك شووووووووووووف قالي مبروك انتي حامل الا وانا ابكي يالله استغفر الله ياربي بنتي ريتاج ورب المصحف الشريف ما كملت اربع شهور انا اصلا غبيه كنت سويت لولب وارتاح على الاقل لو حملت فوق الولب اكون سويت الي علي وامنع الحمل لكن بدون اي موانع واحمل والله اني بقره ومغفله قالي زوجي قولي الحمد لله غيرك يتمنى واحد ولا لقى قلت الحمد لله بس اسوي ريجيم بدى جسمي يفتح بزياده بعد الولاده ونحفت مره وحاسه كاني امس ولدت بريتاج والله يا بنات شوفو الصدف كان اخر دوره لي بريتاج 30_5 2007 والحين اخر دوره لي 20_5_2008

ااااااااااااااااااااااااااااااااااااااااااااخ يابنات محروقه ومقهوره بس وش اسوي قعدت ابكي بنتي صغيره واشوفها بنتي واقول لنفسي مو مصدقه اني حامل اخ او اخت جاي بطريق

امي انصدمت خواتي انصدمووووو ابوي كمان لكن وش اقول غير الحمد لله وبنفس الوقت يا ناس محروقه ما تهنيت بنفسي ولا بتربيه بنتي ريتاج قوولي لي وش اسوي خصوصا صاري هاليومين عصبيه مو متحمله احد

ياربي ياربي خلاااااااااااص نفسيتي زي زفت استغفر الله العظيم ما توقعت بمره والصراحه احاول اكذب نفسي يمكن التحليل غلط بنات تكفون احد سوى تحليل حمل وطلع خطين وما طلعت حامل


تحياتي لكم والحمد لله على كل حااااااااااااااااااااال



نصيحه لله ضروري كل واحده تعمل حل لمنع الحمل اي كانت بس يكون على حسب حالتهااا انا عندي ضعف بتوبيض من بعد ولاده بنتي الاوى وسبب حبوب منع الحمل لكن ما فكرت اشرب حبوب الي كنت افكر كثير فيها الولب لكن طلعت غبيه

__________________

اللهم اني استودعتك طفلي فحفظه من كل عين ومن كل مرض وسهل علي حمله ومخرجه يارب العالمين

احصل على الاف المقالات , المواضيع و الصور باستخدام البحث في المنتدى انقر هنا