|
سوق ..بوظة.. و شوية حكي..
بتعرفوا سوق الحميدية ؟ هاد السوق المشهور بالشام؟ يا الله ما أحلى هالسوق..بحبه كتير... ما بدي أحكي كتير عنه لأنه انشر موضوع عنه هون المنتدى..
سقفه المليان ثقوب و ضو الشمس بيتسرب من هالثقوب و يعمل بقع عالأرض...
و المحلات التراثية الرائعة.. كل مرة بروح عليه بشوف شي مميز كتير.. و خاصة محلات التحف..الواحد بده نهارين بكل محل و ما بيلحق يشوف و يستمتع بكل قطعة موجودة بالمحل..
و العباءات المطرزة و ألوانها الجميلة..حتى واجهات المحلات و شكلها التراثي العتيق..و أرضية السوق.. يااه ما أحلى أسواق الشام القديمة..
إي و الحلو تمثال صلاح الدين الأيوبي قبل سوق الحميدية ..كتير تمثال فيه شموخ و عزة..
و كمان الساحة الواسعة بآخر الحميدية اللي مليانة طيور حمام و فيه شخص بيرميلها حب و هي تطير اسراب أسراب و تنزل عالأرض عشان تاكل..منظرها فعلا لطيف كتير..
إي و بلا طول سيرة و انتو ماشيين بالحميدية المزحوم كتير فجأة بتشوف الزحمة بتتجمع أكتر بمكان معين..
لا يخفى القمر..ههههههههههههه
محل بوظة بكداش..
و طبعا شو فيه أكتر من بوظة بكداش ينسيك الحر كله؟؟
البوظة العربية المصنوعة يدويا و المغطاة بالفستق..يمممممممممم
تفضلوا بالهناء و الشفاء..
دعوة لكم جميعا للمرور بالحميدية و التمتع بأصالته و عراقته..و لتذوق بوظة بكداش كمان..
__________________
--- أشهد أن لا إله إلا الله وحده لا شريك له و أشهد أن محمدا عبده و رسوله ---
__________________
|