|
رد: سوق ..بوظة.. و شوية حكي..
شكرا الك دايزي على هالصور ممكن اللي بيسمع كلامي يقول صاير لعقلها شي بس صدقيني مشتاقة لبلدي ولما شفت الصور قلت ياريتها أكبر لشوف سما بلدي عشت تقريبا نص عمري بالسعودية كنت لما ننزل اجازة مع أهلي ومع دخولي الحدود كنت أبكي مع صغر سني من فرحتي اني هلق تحت سما بلدي أنا متأكدة انو هاد شعور كل شخص تجاه بلده
ولما خلصت غربتنا بالسعودية ورجعنا حسيت بالاستقرار وما كنت بعرف أنو الي موعد مع الغربة مرة تانية بس هالمرة لمكان بعيد كتير لأقصى أوروبا صدقيني كنت غلطانة لما كنت قول انو كانت السعودية غربة بالعكس كونت فيها صداقات مع أخوات نادر انك تلاقي متلهن ولكن الغربة في مكان لا تسمعي فيه الأذان لا تجدي فيه وجه عربي إلا بالصدفة البعيدة لا علاقات ولا صداقات نعيش بانتظار مكالمة من الأهل تعيد لنا الذكريات الجميلة ليس أمامنا سوى الصبر حتى تنتهي المدة المحددة لدراسة زوجي
زوجي الذي أمازحه دائما بقولي لما تزوجتك ماكان على أساس غربة منين طلعتلي فيها مو بتعرفني شبعانة غربة بس تعرفي هو كمان الله يعينو دراسة وتعب وبعد عن الأهل عالأقلية أنا تعودت
طولت عليك بس مابعرف الصور خلوني أطالع اللي جواتي
وشكرا الك مرة تانية على هاد اللينك
__________________
|