-- النفاس --
آســيــا
سلام كرررررررروشااااااااااات........
بخصوص النفاس.............امممممم......مادري وشلون بأبدأ.....
السفوف ضروري.....يتكون من حلبة , كمون , حبة سودة , والظاهر ان معه شوية رشاد....ما اعرف المكونات لأنه جاني جاهز.........ملعقة كل يوم
اذا جيتي تشربين الحلبة أنصحك ما تطبخينها....فوحي حليب وحطي عليه شوية حلبة .. لا تخلينه يغلي كثير ...ولا بتفوح ريحته..
اليانسون مثل ما قالت أم ود..
ايه..التمر ضروري جدا...تحمسينه مع سمن بلدي ودقيق ورشاد .. المشكلة يقولون الرشاد حار على المعدة...اذا تعبني باوقفه....كفاية حموضة طول الحمل.gif "وععععععععع")
ربط البطن....على خبرة حريمنا يقولون بعد الاسبوع الأول والأفضل بعد الاسبوع الثاني من الولادة... عشان يمدي الرحم يرجع مكانه.......ويقولون تجيبين مره تمرخ لك وتربط لك بطنك....لكن ماأعرف أحد
البخوووووووووووووور....
هالبخور هو اللي احترت فيه ...
ناس تقول ضروري....وناس تقول اذا ما تغطيتي زين ودخل هوا ومادري وشو بيخرب الأرحام ..ورعب...
لكن اذا بسوي ...يمكن باخر اسبوع ان شاء الله يكفي..مثل ما قالت فراولة باحط بخور كمون ومرة وبازيد قشر بصل.. ضروري...
منيب شارية بخور النفاس اللي بالعطارين ..صراحة ما أعرف مكوناته ولا أضمن نظافته....
التشطيييييييييييف.....
احترت بين الارطا..والملح الخشن ...والمرة <<<< نصيحه فقط ماء وملح خشن
طبعا آخر شي المسك....
وقريت في أحد المنتديات ان المسك الأسود هو الأصلي (دهن) طبعا تستخدمينه بعد ما تطهرين...على المنطقة..
المشكلة صعب تلقينه وانا حتى الأن ما لقيته
لكن شكلي باسوي طريقة حلوة قريتها هنا في الموقع....باشتري المسك العادي واكسره واحطه في برطمان مع موية...واستخدمه بالقطنة وقت اللزوم...........
ان شاء الله ما نسيت شي....