تعرفي سابقا كنت استغرب كثير لما أحد يدخل الرابطة ويقول انتوا تشيشون العازبات وتكرهوهم في الزواج !أو انتوا متحاملين على الرجال
( مع انه فعليا أكثر موضوع يدافع عن الأزواج هو موضوع الرابطة وقت الجد ومشاكل البنات الفعلية مع أزواجهم )
اشوف الكلام ماله علاقة بالمنطق أبدا
أولا فيه استخفاف بعقلية الآنسات ..أعتقد كل المتواجدات ناضجات ماشاء الله عليهم ويعرفون يفرقون بين المزح والجد وبين المشاكل العارضة والدائمة وهم عارفين زين انهم داخلين موضوع أساسه وعنوانه الكبير المشاكل الجارحة ! مثل الي يدخل مستشفى ويستغرب ليش كل الناس مرضى مو معقول !
الشي الثاني لو فرضا واحدة تأثرت فعليا لدرجة قررت عدم الزواج فأنا اشوف انه هذي نعمة من الله تستحق ركعتين شكر لله لأانه الإنسانة في هذي الحالة غير كفؤ وغير مؤهلة للزواج أصلا وحاشا يكون من بنات الرابطة اي واحدة كذا !
يعني هي اخترصت كل حياتها والأمثلة الي شافتها عن متزوجين في موضوع في النت ؟! مو مقبول
ماشافت أبوها وأمها ؟ اخوانها ؟ أعمامها ؟ خيلانها ؟ وين الأمثلة الواقعية والعملية قدام عيونها عن الرجال والزواجات ؟ ليش ما تأثرت فيهم وتركت كل هذا علشان تتأثر بكلام لمعرفات وهمية خلف شاشة ؟! لهذي الدرجة منفصلة عن واقعها ؟
الي بيتأثر غير ناضج كفاية انه يفتح بيت ويكون مسؤول عن اسرة يعني حتى الي بنشيشها في الحقيقة نحن نسوي فيها وفي زوج المستقبل خير