السلام عليكم ورحمة الله وبركاته
حابه انقلكم معاناة شاب واتنمى يلاقي حل عندكم اخليكم معاه يقولكم عن معاناته
حبيت اشرحلكم قصتي يمكن تلقون لها حل او على الاقل تدعولي بالشفاء بهذي الأيام الفضيله
انا شاب سعودي ابلغ من العمر 28 سنه
اشكو من الدمامل بأغلب جسمي ما عدا الوجه والحمد لله
الكتف + الأفخاذ + الأرداف + الصدر يعنر بالعربي رايح فيها
اول وحده طلعتلي وانا في ال14 من عمري ما انسى السالفه كنت بثالث متوسط
واستغربت من هذي الأنتفاخ الغريب وبعدها بدأت تنتشر يوم عن يوم
الكل بيقول ليش ما راح لدكتور وعالج المشكله من قبل
لا تستعجلون انا ما بقى دكتور جلديه ما عالجت عنده جميع انواع الجنسيات
عالجت عند مصري .. سوداني .. سوري .. هندي .. عراقي
اخر شي عرضت نفسي على دكتوره قلت يمكن عندها حل
لاكن مع الاسف سوو زراعه وأكتشفو ان الي عندي تكورات عنقوديه
وكل واحد يعطيني علاج يستغرب اني اقوله اسمه ووين صناعته وأيش اثاره الجانيبه وكم فترت علاجه
يكتبلي غيره واجرب
وأمشي وأجرب
واخر علاج لي كان العام ومن بعدها غسلت يدي
جسمي والله يا جماعه صار مشوه 60%
اخر دكتور رحتله كان مصري وتهاوشت معاه وطلعت
تدرون ليش يقولي تروش كل يوم هههههههه
على بالهم كل الناس وصخين زيهم
وانا الحمد لله شخص نضيف جدا جدا
لا تقولون استخدم لبخة الحلبه وعصير برتقال وراسين بصل ومدري ايش
انا ما بقى شي ما سويته ما بقى عطار ما رحتله
ما بقى وصفه ما سويتها
بس مع الأسف يخف ويرجع
يا جماعه وربي اقوم من النوم ملابسي كلها دم ( الله يعزكم )
من ظهري الى صدري الى فخوذي الخ الخ
ومن ناحية الألم حدث ولا حرج
والله يعين
_______________________
خليني اقولكم ردت الفعل من هذي المكورات العنقوديه
ما اقدر اتوضف
ما اقدر اتزوج
ما اقدر انام مرتاح من شدت الألم
وربي حتى جلستى على كرسي او انسدح على السرير ما اقدر
تصدقون اني انام طول هذي السنين على بطني
الكل يقول ليش ما تقدر تتوظف + ليش ما تقدر تتزوج
ما اقدر اتوضف لان جميع الشركات تطلب السجل الصحي
ويكون في كشف شامل من عيادة الشركه على الجسم
والي فيني شي مرفوووض لكي لا يسبب العدوى او .... الخ الخ
ليش ما اقدر اتزوج عاد هذي اخليها عليكم
بارك الله لي ولكم والله يجازيني فيها خير يوم القيامه والله يفك اسري منهم
عاجل غير اجل يا رب العالمين بهذي الأيام المباركه
ومع السلامه
اتمنى يلاقي حل عندكم
وياليت تقدرون تساعدونه