السلام عليكم ولرحمة الله وبركاتهـ ..
------------------------------------------------- ٌِإ
تدري وش اللي يتعب البنت ياخوي
رجـلٍ يخـون اشواقهـا و المـودة
إللي إلا احتاج الغلا صـار نمـرود
وليـا شبـع ممـا عطـاه إستـرده
البنت ريحانة غلا ... ناعمة عـود
تبي لهـا رجـلٍ ورث طيـب جـده
رجلٍ فعولة كلها جـود فـي جـود
ما يلتفت للـي كفوفـه تمـده ...!!
رجـلٍ إلا جتـه الليالـي بمنـقـود
يتكى لها مـا بيـح الوقـت سـده
مهوب ***ٍ ما رعى للهوى عهـود
وادناة مـا عـارض طريقـه يـرده
ولاهوب لاعلة ... ولاهوب ملهـود
ولا شكوك ... و كلٍ طـارئٍ يحـده
ما اشين من الرجال لا جاك ببـرود
وإن قال له ترف القدم شـي صـده
تبي لها بـراق طيـبٍ لـه رعـود
إن اجدبت يمطر علـى ريـف خـده
وإن نادته تكفى لقت عنـده الفـود
يشيـل عزتهـا علـى قـو زنـده
كفه نفل ... وانفاس صدره لها عود
وظلالـه الضافـي بيدهـا تـمـده
البنت خد ... وقد ... ونواظرٍ سود
وريحة غلاً ... ياسعد من شم نـده
البنت إلا ضحكت ثمرهـا لـك ورود
يا خوي من يقطـف نواويـر وردة
واللي يهين البنت ناقص ... ومقرود
فرس غـلا ... ماهــي حمـارة مكــــــدة
----------------------------------------------------ُِإ
دمتم في حفظ اللـــــــــــه ..
أختكمــــ ..,,