|
رد: ღ♥ღ أحلى مقلب من أحلى عضو ღ♥ღ
مقالب
والله كثير
سواء في الاهل او الاصحاب او حتى في النت او العمل وحتى الجيران
وفيها اشياء ما تنقال الصراحة
بس اذكر اني شريت عدسات فوسفورية لونها احمر
مع ماسك (قناع) مرعب لدرجة اني لما البسه واشوف نفسي في المراية انفزع واقرا المعوذات
وطبعا عندي اهتمامات بعالم الجن والميتافيزيقيا وكل ما هو غير مالوف
وكان لي صديق جاري الله يذكره بالخير وكان حساس جدا ويخاف من ظله
دعيته في مرة للعشاء وكانوا الاهل مسافرين بالكامل
وحتى كان يستغرب شلون اجلس بروحي ويوجه لي الدعوة اقضي الفترة هذي عنده الخ الخ
المهم تكلمنا عن التحضير ومواقف الجن وكان يحس برعب اقراه في عيونه المسكين
المهم استأذنت منه عشان اجيب شاهي او شي
ورحت قدام المراية ويعلم الله اني كنت اخاف من نفسي من جد المنظر لا يمكن تتخيلونه
عدلت اموري
وطفيت نور البيت بالكامل من اللوحة
طبعا هو ارتعب وقام ينادي باعلى صوته تعال
وفتح شبابيك المجلس ويقولي البيوت حولكم منورة وش صار
المهم دخلت المجلس المسكين منور الجوال
ويسلط الاضاءة على وجهي يلقى عيوني الحمر قدامه
ويتحسس وجهي مو مصدق اللي قدامه شي ملموس
طبعا اخشن صوتي واناديه واقوله انا ذبحت احمد وشربت من دمه والدور عليك الحين
ههههههههههههههههههههههههههههههه
وربي اني احسه قرا القرآن بالكامل قعد يقرا آية الكرسي بصوت عالي جدا جدا
ويكبر
ويستعيذ بالله من ابليس ويقول باعلى صوت
استحلفك بالله ان كنت جنياً أن تخرج
انصرف
وبلغة فصحى
لا تضطرني أن احرقك بايات القران الكريم
والله سوف احرقك
الشاهد الاخ المسكين احس انه بلل ملابسه الداخلية من شدة الرعب
وانصرفت
عنه
نورت النور
ورجعت له وقلت له ايش في
وش صار
هو قام يهستر وفتح باب بيتنا والى يومنا هذا ما دخل البيت لانه اقسم مليون قسم ما يدش البيت مرة ثانية
وزعل كثير مني وفضحني بين البشر
بذمتكم استاهل هذا منه ؟
__________________
أستغفر الله العظيم الذي لا إله إلا هو الحي القيوم وأتوب إليه .
My Way Or The High Way
__________________
|