عالم الحياة الزوجية - منتدى - عرض مشاركة واحدة

حنين الفؤاد · 01-03-2009, 14:35

اقتباس:

المشاركة الأصلية كتبت بواسطة رومنسي لأبعد الحدود

اسعد الله صباحكم بكل خيرررر
يعني الجووو اليوم حلووووو وغيم من اوله وعسى ربي يجيب لنا المطر
تدرون الجووو الزين يخلي النفسيه 100% والبال راااايق
عشان كذا فكرت اني اكتب موضوعي اللي وعدتكم فيه اتمنى محد يزعل من صراحتي
بس انا اول ما دخلت هالقسم في من المنتدى الا لأني احس انه زي باقي الاقسام
زي نادي المتزوجين والماشكل الاسريه والطبخ والديكور ..... الخ
وبعد ما جلست اقرا وارد فيه هالقسم بصراحه بديت احس ان هالقسم منعزل
عن باقي الاقسام واستغرب ليش ؟؟؟؟ ليش هالقسم عايش كانه منتدى لحاله ؟؟؟؟؟
وبصراحه لما شفت كلام بعض الاخوات ؟؟؟ واركز على الاخوات لانهم هم سبب زعلي
وغضبي عليهم ليش انتم محسسين أنفسكم انكم فئه من الناس منعزله يعني
بصراحه فيه كاتبات في هالمنتدى يكتبون بثقه وقوه وعزيمه وما حسست نفسها
انها تختلف عن باقي البنات اللي ما تزوجوووو
وفيه كاتبات وللاسف حاسين بانهم فيهم نقص عن غيرهم من البنات
وتحس بأن اللي ما تزوجت احسن منها حال ووضع .. ولها حق تختار الزوج
اللي يناسبها وترفض اللي ما يناسبها نست في يوم بانها كانت بنت زيها ...
بس الظروف خلتها تحمل اسم ( مطلقه )
كلنا عارفين ان المرأه تنكح لأربع ..!!! مالها وجمالها وحسبها ونسبها ....
طيب خلونا نتكلم عن الجمال ... هل يعقل ان كل المطلقات ما فيهم جمال
وهل البنات اجمل من المطلقات.؟؟؟؟
افرضوا اني ناوي اخطب وقلت للوالده ادور لي وحده وقلت لها المواصفات
اللي ابي وراحت لمناسبه وشافت وحدها عجبتها وفيها كل اللي ابي وزووود بس
يوم عرفت انها مطلقه وما عندها عيال وما جلست مع زوجها الا كم شهر
وعرفت سبب الطلاق انه كان ما يصلي او يضربهاا او اي سبب من الاسباب
اللي يخلي البنت تطلب الطلاق ..
تتوقعون ان الواحد بيرفضها عشان هالسبب ..؟؟؟؟؟ صدقوني ما اعتقد ليش ...!!!!
انا اقولكم ليش لاني اعرف اكثر من قصه لمطلقه وعندها ولد او ما عندها عيال والله
انها تزوجت شااااب ويمكن كبرها او اصغر منها بسنه بعكس طليقها اللي تزوج مطلقه
ولي اقارب اكثر من واحد صارت لهم
هذا شي بعدين نجي للشي الثاني اللي هو الاخلاق ... وش الفرق بالاخلاق
بين المطلقه والبكر في هالشي ... هل البكر احسن اخلاق من المطلقه او الارمله ..؟؟؟؟
طبعا كلنا عارفين ومحد ينكر ان المطلقه لانها جربت الطلاق ومرارة (( مو مرارة الطلاق بل نظرة المجتمع ))
فشي اكييييد راح تحاول تكسب زوجها وترضيه باللي تقدر عليه اولا لانه اصبحت اكثر نضوج من السابق
وثانيا حبا بالزوج الجديد والذي قد استطاع ان يخرجها من محنتهاا وهي نظرة المجتمع القاسية
سؤال راح يحيرني وما ادري متى بلقى اجابته .؟؟؟؟؟
مت يجي اليوم اللي اشوف المطلقات يتشرطون زي ما تتشرط البكر واطالب
بكل شي تمناه زي كل بنت من المهر لين الزفه ؟؟؟؟
على طاري (( الزفه )) لو سمعتوو ان فيه مطلقه تزوجت وانزفت وش شعوركم .!!!!
اكيييييد بيطلع بروسكم نخل ليش لانكم ما زلتم تنظرون لانفسكم على انكم اقل من البكر ..
وين راحت شاهاة الخبره اللي اكتسبتوهااا من عرق جبينكم وعلى حسابيكم الشخصي
يعني لا مكرمه من احد ولا دفع تكاليفها غيركم ....
لسى باقي كلام في خاطري بس قرب وقت الصلااااة ....
اتمنى وصلت لكم بعض اللي احسه وقاهرني منكم

اممممممممممممممممممممممم

كلامك صحيح رومانسي ومنطقي

اسمع ياعزيزي هناك تفاوت بين المطلقات بين القويه والضعيفه والعاديه

وهذا التفاوت شي طبيعي جدا وليس غريب ابداً لانك لو ناقشت اي امر في الدنيا لازم تلقى فيه تفاوت ولا مايكون شي طبيعي

وهذا كله لانك لايمكن ان تجد المطلقات جميعهن اقوياء او جميعهن ضعيفات

ومن قال لك ان المطلقه لا تتشرط لا ياعزيزي تتشرط وتتطلب الي تبي

يعني لو ابي اقول لك شروطي

بعد السؤال عنه وانه يخاف الله ويصلي وانسان جدي وكفوووووووووو

راح اطلب مهر وراح اطلب بيت شرعي وراح يجيب لي شبكه وبيسوي لي عرس

مثلي مثل اي عروووووووووووووووس

وابروح شهر عسل وابقضي من اول وجديد وابدلع نفسي لاخر حد

بمعنى يوم انوي خلاص اني ابتزوج

راح امسح من ذهني كل شي صار معي خصوصا ان ماصار معي انا وياه اي شي يخليني ابقى عليه وغير كذا ان زواجي منه كان زواج على الورق اكثر من كونه زواج طبيعي على ارض الواقع

ولا اخفيك انا كنت حاطه في بالي ان لو جاء خطبني احد اني راح ارفض لاني فقدت ثقتي في الرجال بعدين رجعت في كلامي وقلت خلاص اذا وافقت ماراح اسوي عرس ومعذبه نفسي وعمري عالفاضي يمكن لاني كنت متأثره حيييييييييييل بالي صار معي

لكن الحين روقت شووي وهديت وقلت ليش كل هذا راح افرح بعمري وابستانس وابنسى شي اسمه زواجي الاول وابعيش حياتي وكاني مازالت بكررررررررر

بس هناك مشكله ان الي يجي يخطب لو يسمع هالشروط وهالكلام بيقول انتي مطلقه على وشو تتشرطين لانغفل هذا الجانب وهو بالاساس يراعي مصلحته ودراهمه مايبي يدفع فلوس زياده ولا كان دور له بكر فهمت علي الفكره الحين

فاراح تنصدم وترجع تتنتكس حالتها وترجع للحزن والهم هو ماذكرها بهذا الشي لعيب فيها لاسمح الله لكن لانه يراعي مصلحته

ومو كل الرجال كذا بعضهم بيسوي مثل الي خطبني قبل فتره قال سلام عليكم وطلع لانه يرفض ان وحده مطلقه تتشرط عليه خلااااااااااااااااااااااااااص مالها حق تفتح فمها تحمد ربها جاها معرس تتزوج وتنستر وبس

وفيه رجال يحب الوناسه ويحب يدلع عمره بيوافق على كل طلباتها لو تطلب عيونه عطاها عادي ماعنده مشكله لانه مقتدر

زبدة الكلام هذا هو المجتمع وهذولا هم الناس الي بالمجتمع متفاوتين فيه الزين وفيه الشين وفيه الصح وفيه الغلط وفيه الكريم وفيه البخيل

والحين بيجونك ناس وراح يكتبون الي تبي تنستر لا تتشرط ولا تتفلسف تحمد ربها وتسكت

لييييييييييييييييييييييييييييش لانها مطلـــــــــــــــــــــــــــــــــــــــــــقه!! !!

موضوع رائع

لي عووووووووووده

تحياتي