انا خلاص اتخنقت ومعنتش قادرة وتعبت والله من البكاء
بسم الله الرحمن الرحيم
مشكلتي ان انا زهقت من كل حاجة حوليا ومعنتش لاقية متعة في اي حاجة منغير سبب
اولا انا بقضي تقريبا ست ايام في البيت مفيش ورايا اما ان اتفرج علي التليفزيون او اجلس عالنت يعني ولو عملت حاجه للبيت تبقي من عند ربنا المهم بحس بفراغ كبير اوي واليوم الوحيد اللي بيبقي تغير يوم ماخطيبي بيجيلي حتي اليوم ده بعد استناه طول الاسبوع ويوم مايجي احس اني مخنوقة لان بيجي بعد ماخلاص طول الاسبوع ببقي هنفجر من الزهق وهو في نفس الوقت طول الاسبوع يدوب ميكلمنيش الاعشر دقايق طول اليوم بالليل قبل مينام وطول الكالمة يعد ينام علي التيليفون ولو زعلت واقوله انت مابتهتمش بمشاعري في حد يعمل كده يقولي انا بشتغل 12ساعة في اليوم وبجي تعبان عايزك لما تكلميني مش تعكنني عليا عايزك تكلميني كلام حلو انا اتخنقت اوي وحسيت انه اناني بيكلمني كل يوم في الوقت اللي هو عايزه يدوب يسالني عاملة ايه ويعد يقول انا تعبان عايزه انام طول اليوم تعبان اقوله هوانت مابتكلمنيش الاوانت خلاص بتنام يقولي انا احب اخلي اخر حاجه اعملها ان اسمع صوتك وانام
ولما اقوله انت مش مهتم بيا يقولي اهتم بيكي في ايه ماانا عارف انك في البيت مع العلم هو رافض فكرة الشغل والخروج مع اي اصحاب يعني من الاخر مش بخرج من البيت الامعاه اومع ماما لما تكون هتشتري حاجة وده مش كتير ومنعني والله كمان من الاختلاط باصحابي وحتي كمان بحاول اقصر معاهم عشان محرجش حد لو قالي نخرج
ومكالمتي بيه لوطولت بيبقي بمزاجه بيعد يتكلم بامور جنسية ويبقي عايزني اكون متواصلة معاه وايضا لما يجيلي بيبقي كل مره يجيلي فيها عايز يبوسني اويحضني كده يعني........(مكتوب كتابنا)
خلاص انا معنتش قادرة من الروتين اللي في حياتي حد يقولي اكسر الملل ده بي ايه اخليه ازاي يقدر يهتم باي حاجة تخصني اكتر شوي مع العلم انه مش رومانسي خالص بس اهوا ساعات بيعبر عن حبه وببقي فرحانة اوي ولكن بعد المكالمة القصيرة دي بعد ابكي طول الليل مش عارفة عشان بحس كده انه بيجرح مشاعري مع اننا مخطوبين عن حب ومتاكدة انه بيحبني
انا بحبه اوي وبستني طول اليوم عشان يكلمني وبحس اني موقفة يومي علي تليفونه
معلش طولت عليكم بس انا مخنوقة اوي واسفة علي اللخبطة في الاسلوب لاني متلخبطة والله من جوايا ومش عارفة افضفض لحد
__________________
|