ألف مبروك اخوي
بعد ماتسالون عنهم يعتمد في منهم يشوفها قبل انه يقرر الزواج ويصلي استخاره اذا احست هي وهو بالقبول يقدمون على خطوات الزواج
وفي منهم يعتمد على رأي امه وخواته يشوفونها
بعد ما يتم الاتفاق طبعا تتصلون عليهم وتحددون يوم حتى تتفقون على طلبات اهل العروس
تسالونهم عن طلباتهم المهر ومكان الفرح ووين راح تسكنون وغيره
اذا تم الاتفاق على كل هذه الامور كلها تحددون يوم لعقد القران (الملجه )
وتجي عندهم ويا اهلك الرجال فقط مع الملاج(الشيخ )اللي راح يعقد قرانكم وطبعا تاخذ معك هويتك البطاقه المدنيه الجواز لانه راح يطلبهم عليك حتى يكتب البيانات
وفي منهم الملجه يسوون حفله محفوفه بالعائلتين يعني بعد مايكتب الشيخ كتابكم تكون هي كاشخه وتدخل تجلس بجانبها وطبعا تجيب لها الشبكه
طقم ذهب متكامل عليه القيمه حتى ماتفشل نفسك ولا اهلك وتلبسها اياه
وفي منهم يسلمون المهر بهاليوم
ومنهم يسلمونه بعد مايتوفر ولازم تحط ببالك انه ينعطى لهم قبل العرس بوقت حتى تجهز نفسها العروس يمكن يتطلب منها تسافر حتى تشترى لنفسها اشياء مميزه
وماتنسى انه بفتره الخطوبه راح تتعرفون على بعض فلا بد انك تكون معها محترم
حنون
تقرب منها
اشتري لها هدايا
تكلم معها عن شخصيتك وعن الاشياء اللي تحبها واللي ماتحبها
وطبعا بيوم العرس تحجز بصالون رجالي تنظيف بشره
وحمام مغربي المهم برنامج متكامل للمعرس
والبس لبس نظيف جديد وبشتك وادعي ربنا انه يتمملك الليله على خير
ايييي ونسيت اقولك احجز 3 ليالي بفندق يكون راقي حتى تاخذوا راحتكم ولا تصير عنيف معها كون حنون واقرا موضيع عن ليلة الدخله ان شاء الله تفيدك
وياليت هم تكونو حاجزين سفره شهر عسل لاي دوله تحبها انت وربي يوفقك يارب
والشباب اللي عندهم تجارب ان شاء الله هم يساعدونك