عدسات المصممين العالميين:
من المصممين إللي أشتهرت عدساتهم شانيل وجفنشي وفرزاتشي وكريستيان ديور ...............
وكان الطابع المميز بالعدسه ظهور شعار الشركه على العدسه ...........أو الحرف الأول من أسم المصمم ..........
وهذه عدسات دار ديور ......(golden dior)........وطبعاً ماجربتها مانزلت السوق السعودي ......وأعتقد أنها ماتليق بالعين العربيه لأنها مجرد لمعه ذهبيه ...............
وبالتأكيد أسعارها مرتفعه ........
طبعا انا جربت ماركات عديده جدا وكثيره وماذكر غير المميز وذكرته لكم واغلب العدسات اللي جربتها كانت لونها مثل البويه يعني توهقت فيها ولا أذكر اساميها لاني كنت بالبدايه واهم شي عندي اني اشتري عدسه وعلى بالي كل عدسه تبان في العين ،وهذي ايضا ماركه ماجربتها لأن شكلها بالعرض مو حلو وغير طبيعي والله اعلم ممكن تكون حلوه وممكن تكون بايخه بس انا افضل دائما العدسه اللي تبان طبيعيه وواضحه . يعني يرجع لذوق الشخص .
طبعا لاتنسون لما تشترون العدسه راح يعطيكم محلول مجاني ومعاه عبوه لحفظ العدسات مو تنسينه ضروري ولا راح تنشف العدسه ، مو مع الفرحه تنسون  .
طريقة لبس العدسات :
اكيد كلكم عانيتوا من هالمشكله في البدايه ................ انا شخصيا بديت البس العدسات وانا بالمتوسط يعني كنت صغيره وقتها وخايفه من العدسات وضررها ............ وغير زن اهلي علي راح تنعمين ترا مالنا شغل احنا علينا النصح وانت راسك يابس ............ انواع القلق والله ....... وفي النهايه قلتلهم مالكم شغل انا المسؤوله ...... مابي مساعده منكم ............ وقسم بالله يابنات قعدت يوم كامل احاول البسها ماعرفت ...... لاني من النوع اللي يرمش وأخاف المس عيني وغير اهلي صلحولي رهاب ... واختي جت ساعدتني اردى وأردى ماضبط معي صرت ارمش اكثر ..... ولما يئست وعيوني صار حجمها دبل من التنفيخ وصارت حمرا ... حطيتها على جنب وقلت مابلبس عدسات بعد اليوم ............. قمت اليوم الثاني بالصبح وبهدوء ومحد عندي ولبستها .................... فرحت فرحها مابعدها فرحه ...........سبحان الله انا تعذبت فيها واختي من ثالث محاوله ماشاء الله عرفت تلبسها ......... يعني يعتمد عليك مو الكل يتعذب فيها تختلف من ناس وناس ............... المهم فرحت والله ماطلعتها من عيوني قعدت فرحانه فيها ....... والحين تعالي شوفيني البسها زي السلام عليكم!! مع التعود كل شي يصير سهل .............
وان شاء الله هالطريقه توضح للبنات اللي ماعندهم معلوميه كيفية لبسها ......... واهم شي قووا قلوبكم ........
ـ قبل كل شي اغسلي ايدينك زين بالصابون واشطفيها زين ، ولا تمسحين بمنشفه او حتى كلينكس خليها تنشف لحالها افضل عشان شعيرات الانسجه ماتتجمع على العدسه .
ـ طبعا يلزمك عدسه ، وتأكدي انك تلبسينها في الاتجاه الصحيح مو تلبسينها بالمقلوب لانها تضر العين ، وفيه بنات يحبون يلبسونها بالمقلوب عشان لونها يكون افتح ساعات ... او يتغير لونها .................
ـ تأكدي ان العدسه نظيفه والافضل لو تنقطين عليها المحلول وتمسحين عليها ( راح افصل كيفيه تنظيف العدسه)
ـ الحين امسكي العدسه على الاتجاه الصحيح .
ـ افتحي عينك يعني خلي ايد تمسك جفنك وعيونك مفتوحه على الاخر وحطي بايدك الثانيه بالسبابه العدسه على عينك .
ـ حطي بايدك الثانيه بالسبابه وخلي بقية اصابعك تثبت الجفن السفلي وحطي العدسه العدسه على عينك .
ـ بعد ماتخلينها غمضي عينك وافركيها بنعومه عشان تثبت العدسه في المكان الصحيح .
طبعا في البدايه راح تكون صعبه انا الحين سرت البسها بالسبابه واثبت الاصبع الاوسط في جفني السفلي فقط وافتح عيني من غير ماثبت يدي يعني البسها بسهوله مجرد اني الصقها بالحدقه وافتح عيني ....... يعني لاتخافون راح تتطورون بس هذا الشرح للمبتدئات .
وعلى فكره انا احب البسها قبل المكياج وحتى قبل لاحط شي على وجهي عشان مايلزق فيها أي وسخ .
كيفية اخراج العدسه ؟
سهل جدا مجرد ان تتمسكين العدسه بالسبابه والاصبع الاوسط وتخرج بسهوله ، بس احذري اذا اظافرك طويله استخدمي الملقط الخاص باخراج العدسات وهو سهل جدا ايضا ..
كيفية تنظيف العدسه ؟
بعد ماتخرجين العدسه من عينك حطيها على راحة يدك وقطري عليها بالمحلول وضعي اصبعك عليها وحركي بشكل دائري عشان تزيلين البروتين المتجمع عليها .
اسكبي كميه من المحلول على عبوة العدسات وضعي كل عدسه في المكان المخصص لها .
العنايه بالعدسات:
يجب ازالة البروتين منها بعد كل لبسه ، وكل ثلاث اشهر او ست اشهر حسب استخدامك للعدسه، شيليها لمحل البصريات خليهم ينظفونلك اياها تنظيف عميق . انا عن نفسي انظفها قبل لألبسها وبعد ماألبسها ، ولا تنسين دائما اغمريها بالمحلول ، مش الماء لازم المحلول وتأكدي ان المحلول مانشف وكمان تأكدي من صلاحية المحلول لان مدته تنتهي بعد ست اشهر من تاريخ الفتح .
العدسات انواع منها الطبيعي ومنهاالصرعه........ وبالغالب محبين هالنوع هم نجوم الروك ............ وتستخدم في اعياد الهلوين ( عيد البرباره ) أو حفلات التنكر ............ وأيضا في العروض السينمائيه ................
والبعض يوحي انك مصابه بالعمى (والعياذ بالله )
أو عيون مزغلله ...
أو شبكة عنكبوت ......
أو عيون حيوانات
أو مثل التنين والوحوش ومخلوقات الزومبي المشهوره بلأفلام المرعبه (عودة الأحياء والأموات).....
أو عيون المخلوقات الفضائيه (الخيال العلمي ).
أو عيون الشيطان ......
أو عيون تضيء بالظلام .........
والبعض أشكال ظريفه ....ووجوه مبتسمه .....أوراق وورود ....
اكسسوارت العدسه :
بالغالب تحتوي على علبه انيقه وملقط وعبوتين للمحلول ومرآه ............
وبالغالب تكون هديه مجانيه مع العدسه….
وكمان ننتبه للمحلول ومدة صلاحيته وتاريخ الأنتهاء..
الحين نجي للمهم ؟؟؟؟؟؟
السر الخطير اللي يخلي لون العدسه غير شكل ؟
؟
؟
؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
طبعا هذا السر يخلي العدسه تبان افتح وطبيعيه اكثر ................... يمكن كثير من البنات يحبون يحتفظون فيه سر لكن انا راح افشي السر اللي ينكره 55% من البنات تقريبا ................
والسر هو .............................. ...
انك تدبلين العدسات يعني تلبسين عدستين في عين وحده ............. وجربوا وراح تلاحظون الفرق ............ انا عن نفسي جربتها لكن مالبسها مع ان كل صديقاتي يسوونها لكن انا موسوسه واخاف على عيني ............. جربتها ثلاث مرات وماخليتها اكثر من عشر دقايق على عيني ، بس عن جد روعه تصير عيونك اطلق من عيون نانسي عجرم .وماتبان انها عدسه تبان حقيقيه ، بس تعتمد على الوان العدسه اللي تنسقينها ... يعني جربتها في العسلي مابينت حلوه كثير ........... وجربتها بالعدسات البيضاء طلعت كأني عميا فاتحه جدا ....... وفيه بنات يحطون اخضر على ازرق يطلع يهبل ......... وعسلي على اخضر .......... ورمادي على ازرق ............... يعني صراحه نسقي الالوان وراح يعطيك لون حلو .........................
وبالنسبه للضرر اعتقد انها مضره لانها تقفل مسامات العدسه اللي تزود العين بالاوكسجين ............... والله اعلم ..
........تم بحمــــــــــــــــــد الله ......
للأمـــــــــانه منقــــول لعيونكم مع بعض التعديلات..
لكن بريئه من التجربه الأخيره لأني ماأحب أغامر بنفسي ..
والعين نعمه لازم نحمد ربنا عليها ونحافظ عليها قد مانقدر..
غيرنا يتمناها..
((دعواتكم لي ولأختنا صاحبة الموضوع ))
محبتــــــكـم
صمــت 
__________________
اسألوا دمي,,وسعادتي وهمي
اسألوا التوفيق,,والكدروالضيق..
اسألوا الطــــيب في صفــاتي
والدعـــاء اللي في صـــلاتي..
واسألوا شهودي الدموع اللي بسجودي
اسألوهم واسألوا دمي عن غـــلا
(أمـــــــــــــــــــي)
================
نفيــــض اخـــلاص ...
نعطي من محبتـنا بــدون حســاب ....
نحسب النــــــاس .....كل النــــاس ....
نسخة !! من طبايعنــــــا !!!
__________________
|