امى امى يا بحر حنان صافى
أمى يا بلسم للجروح شافى
بوجودك أكتملت أوصافى
والناس بتقول دى حته منها
فى الحنان ما فيش مثالك فى الوجود
وفى الرضا راضيه ومرضيه من الخالق المعبود
يا أم الرجال والبنات أهديكى أيه
وأزاى راح أوفى حقك عليه ؟
يا اللى أدتينى من عمرك ووقتك
سنين عدت والتانيه جايه
يا اللى سهرتى الليالى فى بردها
ولا همك فى يوم غطاكى
قد ما همك دفايااااااا
يا اللى لو يوم اشتكيت
أنتى اللى بتفهمى شكوايا
وتخففى من جراحى
وتدارى دموعك عليه
وأن سألتك ليه الدموع ؟
تقولى عيونى طرفها الهوى
وتخبى حزنك عليه
وقلبك بالحنان بيضم
حاضن الصغير والكبير يحميه
أنا بعلنها النهارده وبقول
يا ست ستنا يا أغلى الحبايب
تستاهلى كنوز الأرض
وشويه عليكى كمان
يا اللى شربتينا الشهد
وطعمتينا الحنان
بنهديكى قلوبنا وحبنا
ودول شويه كمان
ربى يحفظك لينا
وندعيلك بجنان عدنان
تستاهلى رضا ربك
حافظ جنان عدنان
ويوم القيامة يجمعنا مع الهادى
طه المصطفى ونشرب شربة
ماء من نهر جنان عدنان
كل عام وانتى بخير يا أمنا الحبيبه