افا والله يابو قحفيه تخلي الدخان عشان حرمتك من اولها تمشي كلمتها عليك .. افا بس افا ماهيب بالهقوه
..
بعض العوايل سلمك الله يولد الطفل وبكت المالبورا احمر معه هديه ملتصقه بالحبل السري
ماشاء الله عليك عندك عزيمه واصرار .. ذكرتني باحد اصدقاء الوالد يدخن ومن 40 سنه يمكن .. ولكن يقول ماعودت نفسي ادخن عند زوجتي وعيالي .. فصار للزقاره طعم ( تخبر زقاره الخوف زينه ) ..
بالنسبه لي بديت التدخين عن طريق المعسل .. كان في مزرعتنا مجموعه من الاخوه المصريين ونجي نسهر بالويك اند هناك واثناء لعب الورق يلف ( لي الشيشه على المجموعه ) وحنا من ضمنهم ومن ذيك اللفه بدا الانحراف 
..
اذكر من الخوف كنا نخلي بكت الدخان ( لانه يخب علينا ) في سياره احد الاصدقاء ( تحت مرتبه الراكب ) وسيارته ماتنقفل فمن طقت براسه زقاره مر من عند بيت خوينا فتح الباب وطلع البكت من تحت المرتبه واخذ زقاره وراح لمكان يدخنها .. المهم في احد الايام خرمانين تدخين ونمر بيت خوينا الا توه طالع من ديرتنا رايحن للديره المجاوره معه امه واخته .. وماتشوف الا انواع التكبيس ورااااه يوم وقف وبدون سلام ولا كلام ( يفتح احدنا الباب الثاني ويدخل يده من تحت المرتبه اللي عليها الام ويطلع البكت بدون لاتشوفه <<< لانها عمته ) .. ويسكر الباب
شكلك يابو قحفيه ماسمعت اللي يقول :
التتن دامه في الدكاكين بشريه *** بريال ولا ألف ماهو خساره
يامخبلك يامعذربة عند راعيه *** من عذربه عندي بينقص وقاره
لاجيت باخليه ماحتلت أخليه *** مايطرد الهاجوس كود الزقاره
لولاه بوسوس و بمرض وأتيه *** وتشوفني في كل شارع وحاره
مثل الهبيل الي يضيع البصر فيه *** ياكل من الضيقة حبوب الحراره
أنشهد أنه حلو والي محليه *** راعيه ماتطفي مشاهيب ناره
راعي الهوى غير التتن وش يسليه *** خص ليا منعت عليه الزياره