المشاركة الأصلية كتبت بواسطة وردمدني

وانا باول متوسط...تنامى لدي شوي ثقة بنفسي وصرت احس اني جدا مهمة وان كل المعلمات والطالبات يشوفوني ويعرفوني لا ويحبوني بعد ويحترموني(بداية مراهقة غيرموفقة) لاسيما واني كنت شاطرتن شوي بس مودافورة الا بالانجليزي كنت احبه مرررررررررةوكان عندنا فكرة ان المعلمة ماترسل احديجيب لها كتابها ولا يسكرلها باب الفصل ولا اي مشوار الا اللي تحبهم..وكنت انا ممن ارسلتني استاذة الانجليزي مرات قليلة لاتتجاوز اصابع اليد الواحدة.
قلت:بس.... اكيدهالحين تحبني وتموت في دباديبي ..وعشت ايام وايام في غرور وخيلاء
حتى جاء اليوم البنفسجي- سأذكرلاحقا ليش بنفسجي مو أسود- رحت هذاك اليوم اناوزميلتين لي احداهماتحب التشمت والتقليل من شأن الاخرين وتفشيلهم والاخرى وكالة انباء من هذولاك اللي مايمدي الخبر صار الراحت تنقله مع ضحك وتمثيل للواقعة (متصورين الشخصيتين ؟) ..الزبدة هذاك اليوم ماكانت امي داعية لي من قلب..رحنا للاستاذة اعلاه والاخت اللي تحب تفشل الناس طلبت مني اجي معاهاعند الاستاذة قالت تعالي الاستاذة تحبك وبتسمع كلامك..عاد انا طرررررررت من الفرح..ورحنا قامت البنت طلبت من الاستاذة طلب الظاهر اعادة اختبار اوما ادري نسيت قالت الاستاذة لا ..حاولت مرة ثانية..والاستاذة ترفض قلت لنفسي يالله يابنت فرصتك تسوين واسطات وحركات وتورين البنات انها تحبك قلت(ووجهي يحمر ويتلون): علشان خاطري يا استاذة وبس انتهت القصة.




اقول باكمل الفشيلة قصدي القصةقلت علشان خاطري يا استاذة طالعتني وابتسمت قالت:
ومين قال لك ان لك عندي خاطر ..
البنتين قامويضحكون وانا تحول لوني الى البنفسجي من الفشيلة لاتقولون ليش مواحمر انا احمررت خجلا واحراجا ووصلت الى اشدحالاتي حتى ابنفسجيت_وهذاسبب تسمية اليوم بالبنفسجي_ وحسيت اني غصيت بدموعي وصرت امشي اشوف كل شي لونه بنفسجي من الاحراج وقلبي ينبض في اذاني واطرافي بررررررررردت (احدجرب احراج كذا؟)
المهم هذاكله كوم والفتاتان الابليسيتان كومن اخر وحنا راجعين فطسومن الضحك وانواع التعليقات ووصلنا للفصل واشتغلت وكالة الانباءتحكي وتحكي و تحكي وتنكت وتعيد الاحداث مرارا وتكراراوالبنت الثانية ام الشماته تضحك وتأشر علي وتصفق كف بكف وتقول :علشان خاطرك هاه؟ هههههههه (ياكرههم تلك اللحظة) وانا رحت اجرجر اذيال الخيبة والفشيلة وجلست مكاني بعدمحاولات ضعيفة للدفاع عن نفسي مرة اقول هي قالت: مين قال ان (لكم) ماقالت (لك) يعني تقصدنا كلنا ومرة اقول عادي اصلا انا ما انحرجت ولون وجهي فاضحني..............وظل الجميع يتناقل قصتي ردحامن الزمن مانسوها الابطلوع الروح
وهالحين لازلت اذكر هالقصة بكل مشاعرذلك اليوم على الرغم من مرور اكثر من عشرين سنة عالموقف وكأنه صار امس ..نسيت اشياء كثيرة مهمة في حياتي وغيرمهمة الاهذا ما انساه...لاني انصدمت في الواقع اكتشفت اني ماكنت مثل ماتصورت مهمة بل بالعكس تمنيت ان ماحديعرفني ابدهذاك اليوم
نصيحة..راعومشاعر الاطفال والمراهقين الحساسين مثلي ترا تبقى المواقف السيئة وتتسبب في رواسب نفسية تظهر بعدالزواج ويتحمل اثارها الزوج المسكين