يعطيك العافية بطة
الله يعافيك
عدنـــا
يااهلا وسهلا
س6/ كيف تتعاملين مع فترات الفتور الأسري؟
تمر على الاسره كتير الفترات دي
غالبا احب اسافرلي يومين جده انا وزوجي نروق لما خلاص نحس بالملل والطفش من ضغوط الحياة
احب اغير كتير في نظام البيت
يعني ممكن يجي من بره يلاقي البيت مقلوب فوق تحت
اكون غيرت مكان غرفة النوم وغيرت مكان غرفة الجلسه
احب اغير كتير في البيت
س7/ هل العادات والتقاليد لها القالب الطاغي في حياتك الزوجية؟
لا وايش دخل العادات والتقاليد في بيتي وفي حياتي الزوجيه
س8/ عددي 3 من مبادراتك غيرت بشكل جذري نمط حياتك الزوجية؟ << سؤال مدرسي خخخخ
من جد سؤال صعب
اولا كتم الاسرار
اتعلمت انا وزوجي انوا الي يسير بيننا في البيت ولا احد يعرف عنه
يعني ممكن نكون متضاربين بس نروح عند اهله مثلا نتكلم عادي كانوا مافي شي
عشان لا احد يتدخل في حياتنا
مع انوا الشي دا جابلي العين والحسد يحسبونا الناس عمرنا ما اتضاربنا
تانيا:احترام كل واحد فينا اهل التاني
واعتبارهم اهله
تالتا:اني لو عصب وزعل افضل ساكته الين يهدى بعدين نتفاهم
س9/ هل يتدخل سي سيد في انتقاء ملابسك المشفرة؟
احيانا انا احب أخد رايوا في الاشياء دي
س10/ ماذا عن الرجل... كيف تصفين جانب زوجك الرومانسي؟ وماهي نسبة حيز هذا الجانب عنده؟
يعني هوا رومنسي بنسبة 50 %
س11/ كيف تقدرين نسبة احتياجك العاطفي ونسبة ارتواء هذا الاحتياج؟
اهم شي الاحتياج العاطفي انا مرررره انسانه رومانسيه واحب
حركات الرومانسيه والدلع احب لما اكون متضايقه الاقي حضن ابكي عليه احب لما اكون تعبانه احد يحن عليا ويكون جمبي
تعجبني النظرات الحلوه والحركات النص كم
نسبة ارتواءها80%
يعطيك العافية
وترى لي عودة اذا مفيش مانع