|
ساعدوني ولو بكلمه والله تعبت مره كيف اتصرف ؟؟؟؟
السلام عليكم ورحمة الله وبركاته
كيفكم ؟؟ يارب تكونوا بخيييييييييييييييييير
عندي مشكله صغنطوطه ابغاكم تساعدون !!!
انا سويت ملكتي قبل مده والحمد لله
لكن انا قبل الملكه ماكنت اكلم كثير وخصوصا بالجوال يادوب صحباتي واهلي وكمان مانطول بالكثير 5دقايق لكن بعد الملكه صار خطيبي يتصل بي كثير حتى انا والله تعبت مره واحيانا يدخلني ملل
تخيلوا يتصل في الصباح والظهر والمغرب والعشاء اما في العصر احيانا
كله كوم وفي الاجازه كوم ثاني لانه يتصل علي الساعه 7 الصبح طيب ابغى ارتاح زي كل البنات انا ماصدقت تيجي الاجازه عشان ارتاح !!!!!!!!!!!!!!!
مايمديني اهتم بنفسي وكمان ابويه واخواني صاروا يتضايقوا
والرصيد كل يوم لازم اشحن لانه احيانا يخلص شحنه بعدين يعطيني رنات انا المفروض اني مااشحن لكن اخاف يقول عني اني احب الفلوس او يقول عني طماعه والمشكله استحي كل يوم وانا اقول لابويه اشحنلي يبه ؟؟
مره قلتله نبغى نحدد الاتصالات ونخليها مره باليوم ؟ ااااه سوالي حكايه يقول انتي ماتبغيني وانتي وانتي وانتي ااااااااااااااااااااااااااااه صدق تعبت
وانا احس نفسي ملخبطه كيف اتعامل معاه بدون مايستغلني
ساعدوني ابغى مشورتكم ومساعدتكم
لاتتركوني
__________________
|