السلاام عليكم ورحمة الله وبركاته
بداية حابة اشكركم على هالمنتدى الراائع وعلى تفاعلكم فيه يعطيكم الف عافية
صراحة كتير حبيت المنتدى والي فيه من اعضاء او مواضيع مفيدة بيشرفني اكون وحدة منكم وبتمنى تقبلوني معكم
وكأول مشاركة لالي حبيت انه اسالكم وتفيدوني بخبرتكم
بحكم العادات والتقاليد عنا بالبلد انه قبل ما ينعقد القران ويلبسو الخواتم يئعدو العرسان سوا ويحكو ويتفاهمو على كل شي
سؤالي هو انه شو نوع الاسئلة الي لازم تسالها البنت للشاب
وهل في اسئلة ما لازم تسالها ؟
وكيف لازم تتصرف معو ؟
ويا ترى في طريقة معينة لازم تحكي فيها البنت ؟
يعني باختصار كل ما يخص هاللقاء من تصرفات وحكي و .. و ... و

بصراحة انا محتارة كتير وخايفة لانه حاسة عندي كتير اشياء واسئلة حابة اسئلها واعرفها عنو وبنفس الوقت مش عارفة كيف وايمتى اسالها
فيا ريت تساعدوني وتفيدوني بخبرتكم
يسلمووووووو مقدما لكل من رح يرد
" والله يوفقنا ويوفقكم لكل ما يحببه ويرضاه "