السلام عليكم ..
كيفكم صبايا وشباب ..عسى بخير ..
اقلطوا اقلطوا ,,
<<اقول اخلصي ..
الموهم ..وعشان ماطول عليكم ..
عندي مو مشكله ..بس احتاج رأيكم وشوركم ..
ملكتي بعد يومين ..الحفله ..وانا انسانه مو كل مره بتزوج او اعيش هاللحظات ..ومايخفى ع الكل انو احلى لحظات الملكه لما تنزف هي وخطيبها ع الحضور ..يعني انا متكلفه بكل شي ..من دي جي ..وزفه ..وكوشه ..وتصوير ..والفندق ...يعني كل شي اوكي ..
بس الخلل هنا انو امي تخاف من عيون الناس ..وماودها انزف معاه على الحريم ..عشان انو في بنات مثلا للحين ماتزوجوا ..او مو متوفقين ..او اي شي ..يعني العين حق ...
بس انا بعد ابي افرح ..ولي فتره اتخيل شكلنا بالزفه ..احس لحظات حلوه لما ادخل وياه ماسكين بعض ..ومتوترين شوي ..وغير كذا انا ابتحصن ..وبأخلي احد يقوله يتحصن (((عشان لو قلته اخاف يصدق انه حلوو))) لوووووول <<<تمزح ..
الموهم اقصد اننا بنتحصن ...وانا اقول نتوكل على الله ..وقل لن يصيبنا الا ماكتبه الله لنا ..
انا ماكنت اعتبر هالامور شي ..بس امي خوفتني ..
مالنا بالطويله ..
ابي شوركم بلييييز ...والاسباب اللي خلتكم تشورون علي اللي ابيه او امي ..
وتكفووووووووووووووون ادعولي الله ييسر لي ..
الملكه راح تكون يوم الجمعه ..يعني اقنعوني بدرري (:
سلامي للجميع ..